Viral Video: ನವರಾತ್ರಿ; ನೆಟ್ಟಿಗರನ್ನು ಮೋಡಿಗೊಳಿಸಿದ ಈ ಜೋಡಿಯ ನೃತ್ಯ
Dance: ಕಲಾವಿದೆ ದೃಶ್ಯಾ ರಘುರಾಮ್ ನವರಾತ್ರಿಯ ಸಂದರ್ಭದಲ್ಲಿ ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂನಲ್ಲಿ ಮರುಹಂಚಿಕೊಂಡಿದ್ದಾರೆ. ಮಿಲಿಯನ್ಗಟ್ಟಲೆ ಜನರು ಈ ವಿಡಿಯೋ ನೋಡಿ ಶ್ಲಾಘಿಸುತ್ತಿದ್ದಾರೆ. ನೀವಿಬ್ಬರೂ ನರ್ತಿಸಿಲ್ಲ, ಕಲೆಯನ್ನು ನಿಜಕ್ಕೂ ಅನುಭವಿಸಿದ್ದೀರಿ ಎಂದಿದ್ದಾರೆ. ನಾಲ್ಕು ದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು ನೀವು ಓಮ್ಮೆ ನೋಡಲೇಬೇಕು!
Navaratri: ದೀಪಿಕಾ ಪಡುಕೋಣೆ (Deepika Padukone) ಮತ್ತು ರಣ್ವೀರ್ ಸಿಂಗ್ ಅಭಿನಯದ ‘ಗೋಲಿಯೋಂಕೀ ರಾಸ್ಲೀಲಾ ರಾಮ್ಲೀಲಾ’ ಸಿನೆಮಾ ಬಿಡುಗಡೆಯಾಗಿದ್ದು 2013ರಲ್ಲಿ. ಈ ಸಿನೆಮಾದ ‘ಲಹೂ ಮುನ್ ಲಗ್ ಗಯಾ (Lahu Munh Lag Gaya)’ ಹಾಡು ಇದೀಗ ಟ್ರೆಂಡಿಂಗ್ನಲ್ಲಿದೆ. ನವರಾತ್ರಿಯ ಸಂದರ್ಭದಲ್ಲಿ ಜೋಡಿಯೊಂದು ಈ ಹಾಡಿಗೆ ಹೆಜ್ಜೆ ಹಾಕಿದ ವಿಡಿಯೋ ಇದೀಗ ವೈರಲ್ ಆಗಿದೆ. ಇವರಿಬ್ಬರ ಸಾಂಪ್ರದಾಯಿಕ ಉಡುಪು ಮತ್ತು ಅತ್ಯಾಕರ್ಷಕವಾಗಿ ಹಾಕಿದ ಹೆಜ್ಜೆ ನೆಟ್ಟಿಗರ ಮನಸೂರೆಗೊಂಡಿದೆ. ಇನ್ಸ್ಟಾಗ್ರಾಂನಲ್ಲಿ ಕಲಾವಿದೆ ದೃಶ್ಯಾ ರಘುರಾಮ್ ಈ ವಿಡಿಯೋವನ್ನು ಮರುಪೋಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ : Viral: ಯುವರಾಜ್ ಸಿಂಗ್ ಪತ್ನಿ ಹೆಝೆಲ್ ಕೀಚ್ ಕೂದಲು ದಾನ ಮಾಡಿದ್ದು ಈ ಕಾರಣಕ್ಕೆ
ನಾಲ್ಕು ದಿನಗಳ ಹಿಂದೆ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು ಈತನಕ 2.8 ಲಕ್ಷಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸುಮಾರು 10 ಮಿಲಿಯನ್ ಜನರು ವಿಡಿಯೋ ನೋಡಿದ್ದು, ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ.
ನವರಾತ್ರಿಯನ್ನು ರಂಗೇರಿಸಿದ ಈ ಜೋಡಿ
ನಿಜಕ್ಕೂ ಈ ಜೋಡಿ ಅತ್ಯದ್ಭುತವಾಗಿ ನರ್ತಿಸಿದೆ ಎಂದಿದ್ದಾರೆ ಒಬ್ಬರು. ಇವರ ಅಭಿವ್ಯಕ್ತಿಗೆ ಶರಣಾದೆ ಎಂದಿದ್ದಾರೆ ಮತ್ತೊಬ್ಬರು. ಹಾಡು ಮತ್ತು ನೃತ್ಯ ಎರಡೂ ಸೂಪರ್ ಎಂದಿದ್ದಾರೆ ಇನ್ನೊಬ್ಬರು. ವಾಹ್ ಬೆಳಗ್ಗೆಯಿಂದ ಇಷ್ಟೊಂದು ಚೆಂದದ ನೃತ್ಯವನ್ನು ನೋಡಿದ್ದೇ ಇಲ್ಲ ಎಂದಿದ್ದಾರೆ ಮತ್ತೊಬ್ಬರು. ನೀವು ನೃತ್ಯವನ್ನು ಅನುಭವಿಸುತ್ತಿದ್ದೀರಿ, ನಿಮಗೆ ಒಳ್ಳೆಯದಾಗಲಿ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ವಿಚ್ಛೇದನ; ಈ ವಕೀಲೆ ಪಟ್ಟಿ ಮಾಡಿದ ‘ಅಸಂಬದ್ಧ ಕಾರಣ’ಗಳ ಬಗ್ಗೆ ನೀವೇನು ಹೇಳುತ್ತೀರಿ?
ಈ ಸಂದರ್ಭದಲ್ಲಿ ನೀವು ಇಯರ್ ಪಾಡ್ ಧರಿಸಿದ್ದು ಸೂಕ್ತವಾಗಿದೆ ಎಂದಿದ್ದಾರೆ ಒಬ್ಬರು. ನಿಮ್ಮ ಕಾಸ್ಟ್ಯೂಮ್ಗೆ ನಾನು ಫಿದಾ ಆದೆ ಎಂದಿದ್ದಾರೆ ಇನ್ನೊಬ್ಬರು. ನವರಾತ್ರಿ ನಿಜಕ್ಕೂ ಅರ್ಥಪೂರ್ಣವಾಯಿತು ನಿಮ್ಮ ನೃತ್ಯ ನೋಡಿದ ಮೇಲೆ ಎಂದಿದ್ದಾರೆ ಅನೇಕರು. ಇವರಿಬ್ಬರ ತನ್ಮಯತೆ ನಿಜಕ್ಕೂ ಮುದಗೊಳಿಸಿದೆ ಎಂದಿದ್ದಾರೆ ಇನ್ನೂ ಕೆಲವರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ