Viral; ಸೆಕೆಂಡಿನಲ್ಲಿ ನಿಮ್ಮ ವಯಸ್ಸನ್ನು ತಿಳಿದುಕೊಳ್ಳಬೇಕೆ, ಈ ಚಾರ್ಟ್ ನೋಡಿ
Age Calculator: 'ನಾವು, ನಮ್ಮದು' ಎನ್ನುವ ಸಾಕಷ್ಟು ವೈಯಕ್ತಿಕ ಮಾಹಿತಿಗಾಗಿಯೂ ನಾವು ಡಿಜಿಟಲ್ ಅನ್ನು ಅವಲಂಬಿಸಿದ್ದೇವೆ. ನಮಗೆ ವಯಸ್ಸು ಎಷ್ಟು ಎಂದು ನೆನಪಿಟ್ಟುಕೊಳ್ಳಲು ಅಥವಾ ಲೆಕ್ಕ ಮಾಡಲು ಆಗದಷ್ಟು ದೈನಂದಿನ ಚಟುವಟಿಕೆಗಳಲ್ಲಿ ಮುಳುಗಿ ಹೋಗಿದ್ದೇವೆ. ಏನಿದ್ದರೂ ಗೂಗಲ್ ದೇವೋಭವ. ಈ ಎಲ್ಲದರ ಮಧ್ಯೆ ಈ ಏಜ್ ಚಾರ್ಟ್ ಮಾತ್ರ ಭಾರೀ ಗಮನ ಸೆಳೆಯುತ್ತಿದೆ.
Viral Chart: ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಸಂಗತಿಗಳನ್ನು ನೀವು ಗಮನಿಸುತ್ತಿರುತ್ತೀರಿ. ಡ್ಯಾನ್ಸ್, ಹಾಡು, ಪೇಂಟಿಂಗ್, ಅಡುಗೆ, ಕೌಶಲ, ತಂತ್ರ, ಸಾಹಸ, ಕಾಮಿಡಿ ರೀಲ್ ಮತ್ತು ಅಚ್ಚರಿ ಎನ್ನಿಸುವ ಸಾಕಷ್ಟು ವಿಷಯಗಳು . ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ (Viral) ಆಗುತ್ತಿರುವ ಈ ಚಾರ್ಟ್ ಗಮನಿಸಿ. ಇದು ಕೆಲ ಸೆಕೆಂಡುಗಳಲ್ಲೇ ನಿಮ್ಮ ವಯಸ್ಸನ್ನು ಅತ್ಯಂತ ನಿಖರವಾಗಿ ತಿಳಿಸುತ್ತಿದೆ. ನೆಟ್ಟಿಗರಂತೂ ಈ ಚಾರ್ಟ್ ನೋಡಿ ತಮ್ಮ ಸ್ನೇಹಿತರಿಗೆ, ಸಂಬಂಧಿಕರಿಗೆ, ಬಂಧುಬಳಗದವರಿಗೆಲ್ಲಾ ಈ ಚಾರ್ಟ್ ಕಳಿಸಿ ವೈರಲ್ ಮಾಡುತ್ತಲೇ ಇದ್ದಾರೆ. ನೀವು?
ಇದನ್ನೂ ಓದಿ : Viral Video: ವಿಚ್ಛೇದನ; ಈ ವಕೀಲೆ ಪಟ್ಟಿ ಮಾಡಿದ ‘ಅಸಂಬದ್ಧ ಕಾರಣ’ಗಳ ಬಗ್ಗೆ ನೀವೇನು ಹೇಳುತ್ತೀರಿ?
ನೆಟ್ಟಿಗರಿಗೆ ಈ ಚಾರ್ಟ್ ಇಷ್ಟವಾಗಿದೆ ಎನ್ನುವುದು ಅವರು ನೀಡಿರುವ ಪ್ರತಿಕ್ರಿಯೆಗಳ ಮೂಲಕ ತಿಳಿಯುತ್ತಲಿದೆ. ನಿಮ್ಮ ವಯಸ್ಸನ್ನು ತಿಳಿದುಕೊಳ್ಳಲು, ನೀವು ನಿಮ್ಮ ಹುಟ್ಟಿದ ವರ್ಷವನ್ನು ತಿಳಿದುಕೊಂಡಿದ್ದರೆ ಸಾಕು. ಕೆಲವೇ ಸೆಕೆಂಡುಗಳಲ್ಲಿ ನಿಮ್ಮ ಪ್ರಸ್ತುತ ವಯಸ್ಸನ್ನು ತಿಳಿದುಕೊಳ್ಳುತ್ತೀರಿ. ಈ ಚಾರ್ಟ್ನಲ್ಲಿ 1943ರಿಂದ 2022ರ ಒಳಗೆ ಹುಟ್ಟಿದವರಿಗೆ ಇದು ಅನ್ವಯವಾಗುತ್ತದೆ.
ಇಲ್ಲಿದೆ ಆ ವೈರಲ್ ಚಾರ್ಟ್
ಹುಟ್ಟಿದ ವರ್ಷ ಹುಡುಕಿ, ಮತ್ತದರ ಮುಂದಿರುವ ಅಂಕಿಯೇ ನಿಮ್ಮ ವಯಸ್ಸು. ಸರಿ ಇದೆಯೇ?
ನೀವು ಹುಟ್ಟಿದ ಇಸ್ವಿಯನ್ನು ಹುಡುಕಿ ಮತ್ತದರ ಮುಂದೆ ದಪ್ಪಕ್ಷರಗಳಲ್ಲಿರುವ ಅಂಕಿಯನ್ನು ಗಮನಿಸಿ. ಆ ಅಂಕಿಯೇ ನಿಮ್ಮ ವಯಸ್ಸು. ನಿಜಕ್ಕೂ ಇದು ಅಚ್ಚರಿಯಿಂದ ಕೂಡಿದೆ ಎಂದು ಶ್ಲಾಘಿಸುತ್ತಿದ್ದಾರೆ ನೆಟ್ಟಿಗರು. ಗೂಗಲ್ (Google) ಬಂದಮೇಲೆ ನಮ್ಮ ವಯಸ್ಸನ್ನೂ ನಾವು ಗೂಗಲ್ಲಿಗೇ ಕೇಳುವಂಥ ಪರಿಸ್ಥಿತಿಗೆ ಬಂದಿದ್ದೇವೆ. ಹಾಗಾಗಿ ಆಗಾಗ ನಾವು Age Calculator ಗೆ ಮೊರೆಹೋಗುತ್ತಿರುತ್ತೇವೆ.
ಟಿವಿ9 ಕನ್ನಡ ಡಿಜಿಟಲ್ ವಾಟ್ಸ್ಯಾಪ್ ಚಾನಲ್ ಫಾಲೋ ಮಾಡಲು ಕ್ಲಿಕ್ ಮಾಡಿ
ಯಾವುದೋ ಕಾಗದಪತ್ರದಲ್ಲಿ ನಿಮ್ಮ ವಯಸ್ಸನ್ನು ದಾಖಲಿಸುವಾಗ ನಿಮಗೆ ನಿಮ್ಮ ವಯಸ್ಸಿನಲ್ಲಿ ಗೊಂದಲವಾದರೆ ಅಥವಾ ಇಂಟರ್ನೆಟ್ ಸಂಪರ್ಕ ಕಡಿದುಕೊಂಡಿದ್ದರೆ ಈ ಒಂದು ಚಾರ್ಟ್ ಖಂಡಿತ ನಿಮ್ಮ ಸಹಾಯಕ್ಕೆ ಒದಗುತ್ತದೆ. ನಾನಂತೂ ನನ್ನ ಕಾಂಟ್ಯಾಕ್ಟ್ ಲಿಸ್ಟ್ನಲ್ಲಿರುವ ಎಲ್ಲರಿಗೂ ಈ ಚಾರ್ಟ್ ಕಳಿಸಿದ್ದೇನೆ ಎಂದಿದ್ದಾರೆ ಒಬ್ಬರು.
ಇದನ್ನೂ ಓದಿ : Viral: 90 ವರ್ಷಗಳ ನಂತರ ನ್ಯೂಯಾರ್ಕ್ ಲೈಬ್ರರಿಗೆ ಮರಳಿದ ಪುಸ್ತಕ; ಶುಲ್ಕ ಎಷ್ಟಿರಬಹುದು?
ಈ ಚಾರ್ಟ್ ಸೃಷ್ಟಿಸಿದವರು ಯಾರು? ಅತ್ಯಂತ ಜಾಣ್ಮೆಯಿಂದ ಇದನ್ನು ತಯಾರಿಸಲಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ನಿಜಕ್ಕೂ ನಾನಂತೂ ಈ ಚಾರ್ಟ್ ಹಿಡಿದುಕೊಂಡು ನನ್ನ ಸ್ನೇಹಿತರ ವಯಸ್ಸನ್ನು ಪಟಪಟನೆ ಹೇಳುತ್ತ ಮಜಾ ತೆಗೆದುಕೊಳ್ಳುತ್ತಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 3:09 pm, Mon, 16 October 23
