Viral: ಜೈಲಿಂದ ಬಿಡುಗಡೆಯಾದ ಖುಷಿಯಲ್ಲಿ ಯುವಕನ ಸಖತ್ ಬ್ರೇಕ್ ಡಾನ್ಸ್; ವಿಡಿಯೋ ವೈರಲ್
ಇಲ್ಲೊಬ್ಬ ಖೈದಿ ತನ್ನ ಡಾನ್ಸ್ ಮೂಲಕ ಗಮನ ಸೆಳೆದಿದ್ದಾನೆ. ಈತ ಬರೋಬ್ಬರಿ 9 ತಿಂಗಳ ಬಳಿಕ ಜೈಲಿನಿಂದ ರಿಲೀಸ್ ಆಗಿದ್ದು, ಇದೇ ಖುಷಿಗೆ ಜೈಲಿನ ಹೊರಗಡೆ ಗೇಟ್‌ ಬಳಿ ನಿಂತು ಜೈಲಾಧಿಕಾರಿಗಳ ಮುಂದೆಯೇ ಸಖತ್ ಆಗಿ ಬ್ರೇಕ್ ಡಾನ್ಸ್ ಮಾಡಿದ್ದಾನೆ. ಈ ಕುರಿತ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದ್ದು, ಈತನ ಡಾನ್ಸ್ ಮೋಡಿಗೆ ಎಲ್ಲರೂ ಫಿದಾ ಆಗಿದ್ದಾರೆ.
Updated on: Nov 28, 2024 | 3:31 PM
ಸಿನಿಮಾ, ಧಾರಾವಾಹಿಗಳಲ್ಲಿ ವಿಲನ್‌ಗಳು ಜೈಲಿಂದ ಬಿಡುಗಡೆಯಾದಾಗ ಸಹಚರರರು ರಿಲೀಸ್ ಆದ ತಮ್ಮ ಬಾಸ್ ಜೊತೆ ಸೇರಿ ಸಂಭ್ರಮಿಸುವಂತಹ ದೃಶ್ಯಗಳನ್ನು ನೋಡಿರುತ್ತೀರಿ ಅಲ್ವಾ. ಇಲ್ಲೊಂದು ಅಂತಹದ್ದೇ ದೃಶ್ಯ ವೈರಲ್ ಆಗಿದ್ದು, ಹಲ್ಲೆ ಕೇಸ್‌ನಲ್ಲಿ ಜೈಲು ಸೇರಿದ್ದ ಖೈದಿಯೊಬ್ಬ ಬರೋಬ್ಬರಿ 9 ತಿಂಗಳ ಬಳಿಕ ಜೈಲಿನಿಂದ ರಿಲೀಸ್ ಆದ ಖುಷಿಗೆ ಜೈಲಿನ ಗೇಟ್‌ ಬಳಿ ನಿಂತು ಜೈಲಾಧಿಕಾರಿಗಳ ಎದುರಲ್ಲೇ ಸಖತ್ ಆಗಿ ಬ್ರೇಕ್ ಡಾನ್ಸ್ ಮಾಡಿದ್ದಾನೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದ್ದು, ಈತನ ಡಾನ್ಸ್ ಮೋಡಿಗೆ ನೆಟ್ಟಿಗರು ಫುಲ್‌ ಫಿದಾ ಆಗಿದ್ದಾರೆ.
ಈ ಘಟನೆ ಉತ್ತರ ಪ್ರದೇಶದ ಕನೌಜ್‌ನಲ್ಲಿ ನಡೆದಿದ್ದು, ಜೈಲಿನಿಂದ ರಿಲೀಸ್ ಆದ ಬಳಿಕ ಯುವಕನೊಬ್ಬ ಜಿಲ್ಲಾ ಕಾರಾಗೃಹದ ಗೇಟ್‌ ಮುಂದೆ ನಿಂತು ಖುಷಿಯಿಂದ ಬ್ರೇಕ್ ಡಾನ್ಸ್ ಮಾಡಿದ್ದಾನೆ. 9 ತಿಂಗಳ ನಂತರ ಆತ ಜೈಲಿನಿಂದ ಬಿಡುಗಡೆಯಾಗಿದ್ದು, ಇದೇ ಖುಷಿಗೆ ಆತ ಡಾನ್ಸ್ ಮಾಡಿ ಸಂಭ್ರಮಿಸಿದ್ದಾನೆ. ಈತನ ನೃತ್ಯ ಕೌಶಲ್ಯವನ್ನು ಅಲ್ಲಿದ ಜೈಲಾಧಿಕಾರಿಗಳು ಶ್ಕಾಘಿಸಿದ್ದಾರೆ. ಶಿವ ಎಂಬ ಹೆಸರಿನ ಈ ಯುವಕ ಹಲ್ಲೆ ಪ್ರಕರಣದಲ್ಲಿ ಜೈಲು ಸೇರಿದ್ದನು. ವರದಿಗಳ ಪ್ರಕಾರ ದಂಡ ಪಾವತಿಸದ ಕಾರಣ ಈತ ಹೆಚ್ಚುವರಿ ಜೈಲು ಶಿಕ್ಷೆಯನ್ನು ಅನುಭವಿಸಬೇಕಾಯಿತು. ಈತನ ಬೆಂಬಲಕ್ಕೆ ಕುಟುಂಬಸ್ಥರು ಅಥವಾ ಜಾಮೀನು ನೀಡುವವರು ಯಾರು ಇಲ್ಲದ ಕಾರಣ, ಎನ್‌.ಜಿ.ಒ ಸಂಸ್ಥೆ ಈತನಿಗೆ ಉಚಿತ ಕಾನೂನು ನೆರವು ನೀಡಿ ಜೈಲಿನಿಂದ ಬಿಡುಗಡೆಗೊಳಿಸಿದೆ. ಹೀಗೆ ಜೈಲು ವಾಸ ಕೊನೆಗೊಂಡ ಖುಷಿಗೆ ಆತ ಡಾನ್ಸ್ ಮಾಡಿ ಸಂಭ್ರಮಿಸಿದ್ದಾನೆ.
ಮತ್ತಷ್ಟು ಓದಿ: Viral: ಬಂಕ್‌ನಲ್ಲಿ ಡೀಸೆಲ್ ಹಣ ಕೊಡದೆ ಕಾರ್‌ ಚಾಲಕ ಪರಾರಿ, ಪೊಲೀಸ್ ಎಂಟ್ರಿ ;ಮುಂದೇನಾಯ್ತು ನೋಡಿ…
KpPatha19731260 ಹೆಸರಿನ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋದಲ್ಲಿ ಜೈಲಿನಿಂದ ರಿಲೀಸ್ ಆದ ಖುಷಿಗೆ ಯುವಕ ಜೈಲಾಧಿಕಾರಿಗಳು ಮತ್ತು ಲಾಯರ್‌ ಮುಂದೆ ಸಖತ್ ಆಗಿ ಬ್ರೇಕ್ ಡಾನ್ಸ್ ಮಾಡುವಂತಹ ದೃಶ್ಯವನ್ನು ಕಾಣಬಹುದು. ನವೆಂಬರ್‌ 27 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 1 ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ನೆಟ್ಟಿಗರು ಈತನ ಡಾನ್ಸ್ ಮೋಡಿಗೆ ಫುಲ್‌ ಫಿದಾ ಆಗಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
