ನ್ಯೂಯಾರ್ಕಿನ 23 ಅಂತಸ್ತಿನ ಕಟ್ಟಡದ ಮೇಲೆ ಜಿಗಿದಾಡುತ್ತಿರುವ ಈತನ ವಿಡಿಯೋ ವೈರಲ್
New York : ನೀವಾದರೂ ಹೇಳಿ, ಈ ಮನುಷ್ಯ ಯಾಕೆ ಹೀಗೆ ಈ ಕಟ್ಟಡದ ಮೇಲ್ಚಾವಣಿಗಳ ಮೇಲೆ ಜಿಗಿದಾಡುತ್ತಿದ್ದಾನೆಂದು. ಅನೇಕರು ಈ ವಿಡಿಯೋ ನೋಡಿದ್ದಾರಾದರೂ ಅವರಿಗೂ ಉತ್ತರ ಹೊಳೆದಿಲ್ಲ.
Updated on: Oct 08, 2022 | 6:06 PM
Viral Video : ಹಾಲಿವುಡ್ ಚಲನಚಿತ್ರ ನಿರ್ದೇಶಕ ಎರಿಕ್ ಲ್ಜಂಗ್ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ನಂತರ ಈ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಈ ಮನುಷ್ಯ ಏನು ಮಾಡುತ್ತಿದ್ದಾನೆ ಎನ್ನುವುದೇ ತಿಳಿಯುತ್ತಿಲ್ಲ. ನೋಡಿದ ಯಾರಿಗೂ ಇದು ತಮಾಷೆ ಎನ್ನಿಸುವಂತಿದೆ. ಅಮೆರಿಕದ ನ್ಯೂಯಾರ್ಕ್‌ನ ಈ 23 ಅಂತಸ್ತಿನ ಕಟ್ಟಡವನ್ನು ಏರಿದ ಕಪ್ಪು ಸೂಟ್‌ಧಾರಿ ವ್ಯಕ್ತಿ ಮೇಲ್ಚಾವಣಿಯಿಂದ ಮೇಲ್ಚಾವಣಿಗೆ ಜಿಗಿಯುತ್ತಲೇ ಇದ್ದಾನೆ. ಈ ಕಟ್ಟಡ ಸುಮಾರು 117 ವರ್ಷಗಳಷ್ಟು ಹಳೆಯದಾಗಿದೆ. ಹೀಗೆ ಇವ ಜಿಗಿಯುತ್ತಿದ್ದರೂ ಯಾವುದೇ ರೀತಿಯ ರಕ್ಷಣಾ ಕವಚಗಳನ್ನು ಧರಿಸಿಲ್ಲ.
View this post on Instagram
ಈ ವಿಡಿಯೋ ನೋಡಿದ ನೆಟ್ಟಿಗರು ತಮಾಷೆಯಾಗಿ ಪ್ರತಿಕ್ರಿಯಿಸುತ್ತಿದ್ದಾರೆ. ಇವನು ಅದೆಂಥ ಸ್ಟಂಟ್ ಮಾಡುತ್ತಾನೆಂದು ಕಾಯುತ್ತಿದ್ದೇನೆ ಎಂದಿದ್ದಾರೆ ಒಬ್ಬರು. ಈ ಕಟ್ಟಡದ ಎಲ್ಲಾ ಬಾಗಿಲುಗಳು ಮುಚ್ಚಿರಬಹುದು. ಇವನು ಒಳಹೋಗಲು ಪ್ರಯತ್ನಿಸುತ್ತಿರಬಹುದು. ಏನು ಮಾಡುವುದು ಒಂದು ಬಾಗಿಲು ತೆರೆದಂತೆಯೇ ಇಲ್ಲ ಎಂದು ಹೇಳಿದ್ದಾರೆ ಮತ್ತೊಬ್ಬರು. ಇವನು ಯಾವ ಶೂಸ್ ಹಾಕಿಕೊಂಡಿದ್ದಾನೆಂದು ತಿಳಿದುಕೊಳ್ಳಬೇಕಿದೆ ಎಂದು ಮಗದೊಬ್ಬರು ತಮಾಷೆ ಮಾಡಿದ್ದಾರೆ.
ನಿಮಗೇನಾದರೂ ಅರ್ಥವಾಗುತ್ತಿದೆಯೇ? ಇವನು ಹೀಗೇಕೆ ಅಲ್ಲಿಂದ ಇಲ್ಲಿಗೆ ಇಲ್ಲಿಂದ ಅಲ್ಲಿಗೆ ಜಿಗಿಯುತ್ತಿದ್ದಾನೆಂದು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
