Viral Video: ನಿಜವಾಗಿಯೂ ನಗುತ್ತೀರಾ.. ಈ ವೃದ್ಧ ಧರಿಸಿದ ಮುಖಗವಸು ನೋಡಿ!

ದೇಶದಲ್ಲಿ ಕೊರೊನಾ ವೈರಸ್​ ಹರಡುತ್ತಿದ್ದಂತೆಯೇ ಹಲವಾರು ಮಾರ್ಗ ಸೂಚಿಗಳನ್ನು ಜಾರಿಗೆ ತರಲಾಯಿತು. ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು, ಸ್ಯಾನಿಟೈಸ್​ ಮಾಡುವುದು ಜತೆಗೆ ಮುಖ್ಯವಾಗಿ ಮಾಸ್ಕ್​ ಧರಿಸಿವುದು. ಕೊರೊನಾ ಸೋಂಕು ವ್ಯಾಪಕವಾಗಿ ಹರಡುತ್ತಿದ್ದಂತೆಯೇ ಡಬಲ್​ ಮಾಸ್ಕ್​ ಧರಿಸುವುದು ರೂಢಿಯಲ್ಲಿ ಬಂತು. ಇವೆಲ್ಲವೂ ನಮ್ಮ ಸುರಕ್ಷತೆಗಾಗಿ ಅಳವಡಿಕೆಯಲ್ಲಿ ಬಂದಿದ್ದಾಗಿದೆ. ಆದರೆ ನೈಸರ್ಗಿಕ ಎಲೆಗಳಿಂದ ತುಂಬಿದ ಮುಖಗವಸಿನ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇದನ್ನು ನೋಡಿ ಕೆಲವರು ಹಾಸ್ಯ ಮಾಡಿದ್ದಾರೆ, ಇನ್ನು ಕೆಲವರು ಮೌಢ್ಯತೆಯ ಪರಮಾವಧಿ ಎಂದು ಹೇಳಿದ್ದಾರೆ.

ಉತ್ತರ ಪ್ರದೇಶದ ಸೀತಾಪುರದ ವೃದ್ಧರೊಬ್ಬರು ಬೇವಿನ ಸೊಪ್ಪು ಮತ್ತು ತುಳಸಿ ಎಲೆಗಳಿಂದ ತುಂಬಿದ ಮುಖಗವಸನ್ನು ಧರಿಸಿದ್ದಾರೆ. ವೃದ್ಧರಲ್ಲಿ ಮುಖಗವಸಿನ ಬಗ್ಗೆ ಕೇಳಿದಾಗ, ಬೇವಿನ ಸೊಪ್ಪು ಮತ್ತು ತುಳಸಿ ಎಲೆಯ ಔಷಧಿಯ ಗುಣಗಳ ಬಗ್ಗೆ ವಿವರಿಸುತ್ತಾರೆ. ಜನರು ಬಳಸುತ್ತಿರುವ ಬಟ್ಟೆಯ ಮುಖಗವಸು, ಎನ್​95 ಮಾಸ್ಕ್​ಗಳಿಗಿಂತ ಈಗ ಧರಿಸಿರುವ ಮಾಸ್ಕ್​ ಉಪಯುಕ್ತಕರ ಎಂದು ಹೇಳುತ್ತಾರೆ. ಈ ಘಟನೆಯ ವರದಿಯನ್ನಷ್ಟೇ ಟಿವಿ9 ಕನ್ನಡ ಡಿಜಿಟಲ್ ಪ್ರಕಟಿಸುತ್ತಿದೆ. ಇಂತಹ ಯಾವುದೇ ಘಟನೆಯನ್ನು ಟಿವಿ9 ಕನ್ನಡ ಡಿಜಿಟಲ್ ಉತ್ತೇಜಿಸುವುದಿಲ್ಲ. ಅಲ್ಲದೇ ಈ ಸುದ್ದಿಗೆ ಸಂಬಂಧಿಸಿದ ಯಾವುದೇ ಸಂಗತಿಗಳಿಗೆ ಉತ್ತರದಾಯಿತ್ವ ಹೊಂದಿರುವುದಿಲ್ಲ.

ವಿಡಿಯೋವನ್ನು ಐಪಿಎಸ್​ ಅಧಿಕಾರಿ ರುಪಿನ್​ ಶರ್ಮಾ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ‘ಈ ಮುಖಗವಸು ಪ್ರಯೋಜನಕಾರಿ ಎಂಬುದು ಖಚಿತವಾಗಿಲ್ಲ’ ಎಂದು ಅವರು ಶೀರ್ಷಿಕೆ ನೀಡುವುದರೊಂದಿಗೆ ವಿಡಿಯೋ ಪೋಸ್ಟ್​ ಮಾಡಿದ್ದಾರೆ. ಇದೀಗ ವೃದ್ಧನ ಮುಖಗವಸು ಹಲವು ಠೀಕೆಗೆ ಗುರಿಯಾಗಿದೆ.

Basil & neem are medicinal plants & believed to release O2. But the sole purpose of a mask is to FILTER aerosol & airborne µparticles.

Unscientific masks such as this won’t even filter respiratory droplets of the size of 1µm = 1000 nm. Diameter of #SARSCoV2 is from 50 to150 nm. https://t.co/tm6FgpOZkn

— lifeontop MEDICINE (@lifeontopMED) May 24, 2021

ಗಿಡಮೂಲಿಕೆಗಳಿಂದ ಪ್ರಯೋಜವಿದೆ ಎಂಬ ಮಾತ್ರಕ್ಕೆ ಅವುಗಳಿಂದ ತಯಾರಿಸಿದ ಮುಖಗವಸು ಧರಿಸುವುದು ಕಂಡು ಬಂದಿರಲಿಲ್ಲ. ಆದರೀಗ ಉತ್ತರ ಪ್ರದೇಶದ ವೃದ್ಧನೋರ್ವ ಬೇವಿನ ಜಾಲರಿಯ ಮುಖಗವಸನ್ನು ಹಾಕಿಕೊಂಡು ತಿರುಗಾಡುತ್ತಿರುವುದು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ.

ಇದನ್ನೂ ಓದಿ: Viral Video: ಮಣ್ಣಿನ ರಾಡಿಯಲ್ಲಿ ಬಿದ್ದು-ಎದ್ದೇಳಲು ಹೆಣಗಾಡುತ್ತಿದ್ದ ಆನೆ ದೃಶ್ಯ ಸೆರೆ; ವೈರಲ್​ ಆಯ್ತು ವಿಡಿಯೋ

Viral Video: ಈ ನಾಯಿ ನಿಜವಾಗಿಯೂ ಯೋಗಾಸನ ಮಾಡುತ್ತಿದೆ! ವಿಡಿಯೋ ಆಯ್ತು ವೈರಲ್​

Published On - 12:43 pm, Tue, 25 May 21