ಫೋಟೋ ಕ್ಲಿಕ್ ಮಾಡಿದಷ್ಟೂ ರಸ್ತೆ ಸ್ವಚ್ಛವಾಗುತ್ತವೆ; ನಾಗಾಲ್ಯಾಂಡ್​ ಸಚಿವರ ಹಾಸ್ಯಪ್ರಜ್ಞೆ ಕೊಂಡಾಡುತ್ತಿರುವ ನೆಟ್ಟಿಗರು

Viral Video : ನಾಗಾಲ್ಯಾಂಡ್​ನ ಸಚಿವ ತೆಮ್ಜೆನ್ ಇಮ್ನಾ ಅಲಾಂಗ್​ (Temjen Imna Along) ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ವಿಚಾರಧಾರೆಗಳಿಂದ, ಕ್ರಿಯಾಶೀಲ ಚಟುವಟಿಕೆಗಳಿಂದ ನಿರಂತರವಾಗಿ ಗಮನ ಸೆಳೆಯುತ್ತಿರುತ್ತಾರೆ. ನೆಟ್ಟಿಗರೊಂದಿಗೆ ಮುಕ್ತವಾಗಿ ಪ್ರತಿಕ್ರಿಯಿಸುತ್ತಿರುತ್ತಾರೆ. ಈ ಸಲ ಇವರು ನಾಗಾಲ್ಯಾಂಡ್​ನ ಬೀದಿಗಳನ್ನು ಗುಡಿಸುವಲ್ಲಿ ನಿರತರಾಗಿರುವ ತಮ್ಮ ಫೋಟೋ ಒಂದನ್ನು ಟ್ವೀಟ್ ಮಾಡಿದ್ದಾರೆ. ನೆಟ್ಟಿಗರು ಇವರ ಹಾಸ್ಯಪ್ರಜ್ಞೆಯನ್ನು ಕೊಂಡಾಡುತ್ತಿದೆ.

ಫೋಟೋ ತೆಗೆದಷ್ಟೂ ರಸ್ತೆಗಳು ಸ್ವಚ್ಛಗೊಳ್ಳುತ್ತವೆ. ಹಾಗಾಗಿ ಎಷ್ಟು ಫೋಟೋ ತೆಗೆಯುತ್ತೀರೋ ಅಷ್ಟು ಕೊಳೆ ಕಳೆದು ರಸ್ತೆಗಳು ಸ್ಚಚ್ಛವಾಗುತ್ತವೆ ಎಂಬ ಶೀರ್ಷಿಕೆಯನ್ನು ಈ ಫೋಟೋಗೆ ಕೊಟ್ಟಿದ್ದಾರೆ ತೆಮ್ಜೆನ್. ನಿನ್ನೆ ಈ ಫೋಟೋ ಟ್ವೀಟ್ ಮಾಡಿದ್ಧಾರೆ. 6 ಲಕ್ಷಕ್ಕಿಂತಲೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. 22,000ಕ್ಕಿಂತಲೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. 1,500 ಜನರು ರೀಟ್ವೀಟ್ ಮಾಡಿದ್ದಾರೆ. ನೂರಾರು ಜನರು ಈ ಪೋಸ್ಟ್​ಗೆ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : ಭಲೇ ಮಗಾ ಮೆಚ್ಚಿದೆ ನಿನ್ನ ಹಾಡು! ನಾಗಾಲ್ಯಾಂಡ್​ ಸಚಿವರು ಹಂಚಿಕೊಂಡ ಈ ವಿಡಿಯೋ ನೋಡಿ

ವಾವ್​! ಇದನ್ನು ನಾನು ಪ್ರೀತಿಸುತ್ತಿದ್ದೇನೆ. ಕ್ಲಿಕ್ ಮಾಡುತ್ತಲೇ ಇರಿ, ಸ್ವಚ್ಛಗೊಳಿಸುತ್ತಲೇ ಇರಿ ಎಂದು ಒಬ್ಬರು ಹೇಳಿದ್ದಾರೆ. ಸರ್ ನಿಮ್ಮ ಹಾಸ್ಯದ ಲೆವೆಲ್ಲೇ ಬೇರೆ ನಿಮಗೆ ಹ್ಯಾಟ್ಸ್​ ಆಫ್​. ಈ ಫೋಟೋ ಸೂಕ್ತ ಸಂದೇಶವನ್ನು ತಲುಪಿಸುತ್ತಿದೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ನಿಮ್ಮಲ್ಲಿರುವ ಉತ್ತಮ ಹಾಸ್ಯಪ್ರಜ್ಞೆ, ಸಕಾರಾತ್ಮಕತೆಯನ್ನು ನಾವು ಪ್ರೀತಿಸುತ್ತೇವೆ ಎಂದು ಮಗದೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : ನಾಗಾಲ್ಯಾಂಡ್​ನಲ್ಲಿ ಸಸ್ಯಾಹಾರ ಲಭ್ಯವೆ? ಟ್ವಿಟರ್​ನಲ್ಲಿ ತರಕಾರಿಯನ್ನೆಲ್ಲ ತಂದುಸುರಿದ​ ಸಚಿವ

ಗಿಲ್ಲಿ ದಾಂಡು ಸ್ಟೈಲ್​ನಲ್ಲಿ ಸ್ವಚ್ಛಗೊಳಿಸುವ ರೀತಿಯನ್ನು ಮೊದಲ ಬಾರಿಗೆ ನೋಡುತ್ತಿದ್ದೇನೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಹೀಗೇ ಮಾಡಿ ನಿಮ್ಮ ತೂಕವೂ ಕಡಿಮೆಯಾಗುತ್ತದೆ ಎಂದು ಇನ್ನೊಬ್ಬರು ತಮಾಷೆ ಮಾಡಿದ್ದಾರೆ. ಅಣ್ಣಾ, ಎಂಥ ಪ್ರೊ ಪೊಲಿಟಿಕ್ಸ್​ ಇದು, ಖಂಡಿತ ಈ ವೀಕೆಂಡ್​ನಲ್ಲಿ ನಿಮ್ಮ ವ್ಯಾಲೆಂಟೈನ್​ ನಿಮಗೆ ಸಿಗಬಹುದು ಎಂದಿದ್ದಾರೆ ಇನ್ನೂ ಒಬ್ಬರು.

ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ