‘ವಿಮಾನದಲ್ಲಿ ಕಿಟಕಿ ಪಕ್ಕ ಆಸನ ಬೇಕೆಂದು ಹೆಚ್ಚುವರಿ ಹಣ ಪಾವತಿಸಿದೆ, ಆದರೆ…’

Viral News : ಬಸ್ಸು, ಕಾರಿನಲ್ಲಿ ಪ್ರಯಾಣಿಸುವಾಗ ಕಿಟಿಕಿಯ ಬದಿಯ ಆಸನವೇ ಬೇಕು ಎಂದು ಮನಸು ಬಯಸುತ್ತದೆ. ಇನ್ನು ವಿಮಾನದಲ್ಲಿ ಪ್ರಯಾಣಿಸುವಾಗ ಕೇಳಬೇಕೆ? ಅಷ್ಟು ಎತ್ತರದಿಂದ ಹಾರುತ್ತಿರುವಾಗ ಪ್ರಕೃತಿಯನ್ನು ಆಸ್ವಾದಿಸಲು ಕಿಟಿಕಿ ಬೇಕೇಬೇಕು ಎನ್ನಿಸುವುದು ಸಹಜ. ಆದರೆ ವಿಮಾನದಲ್ಲಿ ಕೆಲವೊಮ್ಮೆ ಬಯಸಿದಂಥ ಕಿಟಕಿ ಬಳಿಯ ಆಸನ ಪಡೆಯಲು ಹೆಚ್ಚುವರಿ ಹಣವನ್ನು ನೀಡಬೇಕಾಗುತ್ತದೆ. ಇದೀಗ ವೈರಲ್ ಆಗಿರುವ ಈ ಟ್ವೀಟ್ ಗಮನಿಸಿ. ಈ ಪ್ರಯಾಣಿಕರು ಹೆಚ್ಚುವರಿ ಹಣ ನೀಡಿದಮೇಲೆಯೂ ಅವರು ನಿರಾಸೆಯನ್ನು ಅನುಭವಿಸಿದ್ದಾರೆ.

I paid extra for a right side window seat because it’s supposed to be beautiful when you land into Heathrow.@British_Airways where’s my window yo? pic.twitter.com/2EBYlweAfW

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Anirudh Mittal (@dhumchikdish) February 5, 2023

ಬ್ರಿಟಿಷ್ ಏರ್​ವೇಸ್​ ಮೂಲಕ ಲಂಡನ್​ನ ಹೀಥ್ರೂ ವಿಮಾನ ನಿಲ್ದಾಣದಲ್ಲಿ ಇಳಿಯುವಾಗ ಸುಂದರವಾದ ಭೂದೃಶ್ಯವನ್ನು ನೋಡಬೇಕು ಎಂಬ ಆಸೆ ಅನಿರುದ್ಧ ಮಿತ್ತಲ್​ ಅವರದಾಗಿತ್ತು. ಆ ಪ್ರಕಾರ ಬಲಭಾಗದ ಕಿಟಿಕಿಗಾಗಿ ಹೆಚ್ಚುವರಿ ಹಣವನ್ನು ಇವರು ಪಾವತಿಸಿದರು. ಆದರೆ ವಿಮಾನವೇರಿ ಆಸನದ ಬಳಿ ಬಂದಾಗ ಪಕ್ಕದಲ್ಲಿ ಕಿಟಕಿಯೇ ಇರಲಿಲ್ಲ! ಆಗ ಅನಿರುದ್ಧ ಅವರಿಗೆ ಭಯಂಕರ ನಿರಾಶೆ ಆವರಿಸಿದೆ. ಆಗ ಈ ಫೋಟೋ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ : ಏರ್ ಇಂಡಿಯಾ ವಿಮಾನದಲ್ಲಿ ಮದುವೆ ನಿವೇದನೆ ಮಾಡಿಕೊಂಡ ವ್ಯಕ್ತಿಯ ವಿಡಿಯೋ ವೈರಲ್

ಈ ಪೋಸ್ಟ್​ ನೋಡಿದ ಅನೇಕರು ತಮ್ಮ ಪ್ರಯಾಣದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ನಾನೂ ಕೂಡ ಇಂಥದೇ ಸನ್ನಿವೇಶವನ್ನು ಎದುರಿಸಿದ್ದೇನೆ ಎಂದು ಕಿಟಕಿರಹಿತ ವಿಮಾನಪ್ರಯಾಣದ ಫೋಟೋ ಹಂಚಿಕೊಂಡಿದ್ದಾರೆ. ಇನ್ನೂ ಕೆಲವರು ಸುಂದರ ಕಿಟಕಿಯುಳ್ಳ ವಿಮಾನದ ಫೋಟೋ ಅನ್ನು ಫೋಟೋಶಾಪ್​ ಮಾಡಿ ಟ್ವೀಟ್ ಮಾಡಿ, ಇಲ್ಲಿದೆ ಕಿಟಕಿ ಎಂದು ತೋರಿ ತಮಾಷೆ ಮಾಡಿದ್ದಾರೆ.

ಪ್ರಸ್ತುತ ಟ್ವೀಟ್​ ಅನ್ನು 4.6 ಲಕ್ಷ ಜನರು ನೋಡಿದ್ದಾರೆ. 6,000ಕ್ಕೂ ಹೆಚ್ಚು ಜನ ಇಷ್ಟಪಟ್ಟಿದ್ದಾರೆ. ನೂರಾರು ಜನರು ರೀಟ್ವೀಟ್ ಮಾಡಿದ್ದಾರೆ.

ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ

Published On - 1:21 pm, Wed, 8 February 23