Viral Video: ತನ್ನ ಮೊಟ್ಟೆಯೆಂದು ಭಾವಿಸಿ ಏರ್ಪೋಡ್ ಚಾರ್ಜಿಂಗ್ ಕೇಸ್​ಗೆ ಕಾವು ಕೊಟ್ಟ ಕೋಳಿ

ಸಾಮಾಜಿಕ ಜಾಲತಾಣದಲ್ಲಿ ಸದಾ ಒಂದಲ್ಲ ಒಂದು ಹಾಸ್ಯಮ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಅದರಲ್ಲೂ ಪಕ್ಷಿ ಮತ್ತು ಪ್ರಾಣಿ ಸಾಮ್ರಾಜ್ಯದ ಕುರಿತ ತಮಾಷೆಯ ವಿಡಿಯೋಗಳು ಹೆಚ್ಚು ಮನರಂಜನಾತ್ಮಕವಾಗಿರುತ್ತವೆ. ಈಗ ಅದೇ ರೀತಿಯ ಫನ್ನಿ ವಿಡಿಯೋವೊಂದು ಹರಿದಾಡುತ್ತಿದ್ದು, ಅರೇ ಈ ಕೋಳಿ ಇದ್ಯಾಕೆ ತನ್ನ ಗೂಡನ್ನು ಬಿಟ್ಟು ಮಂಚದ ಮೇಲೆ ಕುಳಿತು ಮೊಟ್ಟೆಗಳಿಗೆ ಕಾವು ಕೊಡುತ್ತಿದೆ ಎಂದು ನೋಡಲು ಹೋದ್ರೆ, ಆ ಕೋಳಿ ಬಿಳಿ ಬಣ್ಣದ ಏರ್ಪೋಡ್ ಚಾರ್ಜಿಂಗ್ ಕೇಸ್​ಗೆ ಕಾವು ಕೊಡೋದಾ? ಈ ವೈರಲ್ ವಿಡಿಯೋವನ್ನು (Viral Video) ನೋಡಿ ಹಲವರು ಇದು ತುಂಬಾ ತಮಾಷೆಯಾಗಿದೆ ಎಂದು ಹೇಳಿದ್ರೆ, ಇನ್ನೂ ಕೆಲವರು ತಾಯಿ ಮನಸ್ಸು ಅಂದ್ರೆ ಇದೇ ಅಲ್ವಾ ಅಂತ ಹೇಳಿದ್ದಾರೆ.

ಈ ವಿಡಿಯೋವನ್ನು @gaayapadina_manasu3 ಎಂಬ ಇನ್ಸ್ಟಾಗ್ರಾಮ್ ಪೇಜ್ ಒಂದರಲ್ಲಿ ಹಂಚಿಕೊಳ್ಳಲಾಗಿದ್ದು, ಕೋಳಿಯೊಂದು ಏರ್ ಪೋಡ್ ಚಾರ್ಜಿಂಗ್ ಕೇಸ್ಗೆ ಕಾವು ಕೊಡುತ್ತಿರುವಂತಹ ದೃಶ್ಯವನ್ನು ಕಾಣಬಹುದು.

ವೈರಲ್ ವಿಡಿಯೋದಲ್ಲಿ ಒಬ್ಬ ಯುವಕ ತನ್ನ ಮನೆಯಲ್ಲಿ ಮಂಚದ ಮೇಲೆ ಬಿಳಿ ಬಣ್ಣದ ಏರ್ಪೋಡ್ ಚಾರ್ಜಿಂಗ್ ಕೇಸ್ ಅನ್ನು ಇಟ್ಟಿರುತ್ತಾನೆ. ಇದನ್ನು ನೋಡಿದಂತಹ ಕೋಳಿಯೊಂದು ಇದು ನನ್ನ ಮೊಟ್ಟೆಯೇ ಇರಬೇಕೆಂದು ಭಾವಿಸಿ, ಕಾವು ಕೊಡುತ್ತಾ ಕುಳಿತಿರುತ್ತೆ, ಆ ಯುವಕ ಬರುತ್ತಿದ್ದಂತೆಯೇ ಆ ಕೋಳಿ ಅಲ್ಲಿಂದ ಎದ್ದು ಹೋಗುವ ತಮಾಷೆಯ ದೃಶ್ಯವನ್ನು ಕಾಣಬಹುದು.

ಇದನ್ನೂ ಓದಿ: Viral Video: ಅರೆರೇ.. ಇದ್ಯಾವುದಪ್ಪಾ ಹೊಸ ಬಗೆಯ ನೀರಿನ ಟ್ಯಾಪ್

ಜನವರಿ 02 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 25.4 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 6 ಲಕ್ಷಕ್ಕೂ ಅಧಿಕ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಹಾಗೂ ಹಲವಾರು ಕಮೆಂಟ್ ಗಳನ್ನು ಸಹ ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಇದ್ರಲ್ಲಿ ತಮಾಷೆಯೇನಿದೆ, ಪಾಪ ಮುಗ್ಧ ಜೀವಿಗೆ ಏನ್ ಗೊತ್ತಾಗ್ಬೇಕು ಇದೆಲ್ಲʼ ಎಂದು ಹೇಳಿದ್ದಾರೆ.

View this post on Instagram

A post shared by గాయపడిన మనసు (@gaayapadina_manasu3)

ಇನ್ನೊಬ್ಬ ಬಳಕೆದಾರರು ʼಆ ಕೋಳಿಗೆ ಮೊಟ್ಟೆಯಂತೆ ಇನ್ನಷ್ಟು ಏರ್ಪೋಡ್ ಗಳನ್ನು ಇಡಲು ಹೇಳಿ, ನಾನು ಅದನ್ನು ಅಂಗಡಿಯಲ್ಲಿ ಮಾರಾಟ ಮಾಡುತ್ತೇನೆʼ ಎಂದು ತಮಾಷೆಯ ಕಮೆಂಟ್ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಇದು ಏರ್ ಪೋಡ್ ಅಲ್ಲ ಎಗ್ ಪೋಡ್ʼ ಎಂದು ತಮಾಷೆ ಮಾಡಿದ್ದಾರೆ. ಇನ್ನೂ ಅನೇಕರು ಈ ವಿಡಿಯೋ ತುಂಬಾ ತಮಾಷೆಯಾಗಿದೆ ಎಂದು ಕಮೆಂಟ್ ಮಾಡಿದ್ದಾರೆ.

ಮತ್ತಷ್ಟು ವೈರಲ್ ವಿಡಿಯೋಗಳನ್ನು ನೋಡಲು  ಇಲ್ಲಿ ಕ್ಲಿಕ್ ಮಾಡಿ