Viral Video: ಮಂಟಪದಿಂದ ನೇರ ಪರೀಕ್ಷಾ ಕೊಠಡಿ ಪ್ರವೇಶಿಸಿದ ಉತ್ತರಪ್ರದೇಶದ ನವವಧು

Bride: ಮದುವೆ ಕೂಡ ಜೀವನದ ಒಂದು ಭಾಗ ಎಂಬ ಅರಿವು ಈಗಿನ ಹೆಣ್ಣುಮಕ್ಕಳಿಗೆ ಬಹಳ ಬೇಗ ಅರಿವಾಗಿದೆ. ಹಾಗಾಗಿಯೇ ಮದುವೆಗಾಗಿ ಶಿಕ್ಷಣವನ್ನು ಮೊಟಕುಗೊಳಿಸುವುದನ್ನು, ಕೈಯಲ್ಲಿದ್ದ ಕೆಲಸವನ್ನು ಬಿಡುವುದನ್ನು ಅವರು ಒಪ್ಪಲಾರರು. ಸಮನಾಗಿ ಓದಬೇಕು ಸಮನಾಗಿ ದುಡಿಯಬೇಕು, ತಮ್ಮ ಅಸ್ತಿತ್ವವನ್ನು ಗಟ್ಟಿಗೊಳಿಸಿಕೊಳ್ಳುತ್ತ ಚೆಂದದ ಬದುಕನ್ನು ಕಟ್ಟಿಕೊಳ್ಳಬೇಕು ಎಂಬ ಆಶಯ ಅವರುಗಳದು. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ವಧುವೊಬ್ಬಳು ತನ್ನ ಮದುವೆಯ ನಂತರ ನೇರ ಪರೀಕ್ಷಾ ಕೊಠಡಿಗೆ ಧಾವಿಸಿದ್ದಾಳೆಂದರೆ… ಶಿಕ್ಷಣ ಎಷ್ಟು ಮಹತ್ವದ್ದು ಎಂದು ಯೋಚಿಸಿ.

#WATCH | Uttar Pradesh: A BA final year student and newlywed bride, Krishna Rajput took the exam for Sociology paper on 16th May.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

“My wedding is important and so are the examinations. My ‘vidai’ will be after I write my exam,” she says. pic.twitter.com/SFpHPkI3fB

— ANI UP/Uttarakhand (@ANINewsUP) May 17, 2023

ತನ್ನ ಮದುವೆ ನೆರವೇರುವುದನ್ನೇ ಕಾಯುತ್ತಿದ್ದ ನವವಧು ಅಲಂಕಾರ, ಉಡುಪಿನೊಂದಿಗೆ ನೇರ ಕಾಲೇಜಿನ ಪರೀಕ್ಷಾ ಕೊಠಡಿಗೇ ಬಂದಿದ್ದಾಳೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಕ್ಯಾ ಬಾತ್​ ಹೈ ಎಂದು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಈಕೆ ಉತ್ತರ ಪ್ರದೇಶ ನಿವಾಸಿ ಕೃಷ್ಣ ರಜಪೂತ್, ಮೇ. 16ರಂದು  ಬಿಎ ಅಂತಿಮ ವರ್ಷದ ಸಮಾಜ ಶಾಸ್ತ್ರ ಪರೀಕ್ಷೆಗೆ ಹಾಜರಾಗಿದ್ದಾಳೆ.

‘ನನ್ನ ಮದುವೆಯಂತೆ ಪರೀಕ್ಷೆಯೂ ನನಗೆ ಮುಖ್ಯ. ಹಾಗಾಗಿ ಗಂಡನಮನೆಗೆ ಹೋಗುವ ಶಾಸ್ತ್ರ ಪರೀಕ್ಷೆ ಮುಗಿದ ನಂತರ ನಡೆಯಲಿದೆ’ ಎಂದು ಎಎನ್​ಐ ಸುದ್ದಿ ಸಂಸ್ಥೆಗೆ ವಧು ತಿಳಿಸಿದ್ದಾಳೆ. ಈತನಕ ಈ ವಿಡಿಯೋ ಅನ್ನು ಸುಮಾರು 62,000 ಜನರು ನೋಡಿದ್ದಾರೆ.

ಇದನ್ನೂ ಓದಿ : Viral Video: 74 ದಿನಗಳ ಕಾಲ ನೀರಿನಾಳದೊಳಗಿದ್ದು ದಾಖಲೆ ಬರೆದ ಅಮೆರಿಕದ ವ್ಯಕ್ತಿ

ಅಭಿನಂದನೆ ವಧುವಿಗೆ. ಇಂದಿನ ಮಹಿಳೆ ತನ್ನ ಸಂಗಾತಿಯಾಗುವವನೊಂದಿಗೆ ಚರ್ಚಿಸಿ ಮದುವೆಯ ದಿನವನ್ನು ನಿಗದಿಗೊಳಿಸಬಹುದು. ಮದುವೆ ನಂತರವೂ ಆರ್ಥಿಕವಾಗಿ ಆಕೆ ಸ್ವತಂತ್ರಳಾಗಬಹುದು. ಆದರೆ ಇದೆಲ್ಲವೂ ಸಾಧ್ಯವಾಗುವುದು ಸಂಪ್ರದಾಯಗಳನ್ನು ಮೀರಿದಾಗ ಮಾತ್ರ! ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Viral: ವರ್ಕ್ ಫ್ರಮ್ ರ್‍ಯಾಪಿಡೋ ಬೈಕ್! ಇದು ನಮ್ಮ ಬೆಂಗಳೂರಿನಲ್ಲಿ

ಶಿಕ್ಷಣ ಯಾವತ್ತೂ ಜೀವನದ ಆದ್ಯತೆಯಾಗಬೇಕು ಎಂದು ಮತ್ತೊಬ್ಬರು ಹೇಳಿದ್ದಾರೆ. ಕೊನೇಪಕ್ಷ ಮದುವೆ ಉಡುಪನ್ನು ತೆಗೆದಿಟ್ಟು ಬರಬಾರದೆ ಎಂದು ಮಗದೊಬ್ಬರು ಸಲಹೆ ನೀಡಿದ್ದಾರೆ. ಆದರೆ ಈ ವಿಡಿಯೋ ನೋಡಿದ ಇನ್ನೊಬ್ಬರು, ಇದು ಬ್ಯಾಡ್ ಪೇರೆಂಟಿಂಗ್​ ಎಂದಿದ್ದಾರೆ. ಇದೆಲ್ಲ ನಾಟಕವಷ್ಟೇ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಪರೀಕ್ಷಾ ಕೊಠಡಿಯಲ್ಲಿ ಮಾಧ್ಯಮದವರು! ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ ಒಬ್ಬರು. ನಮ್ಮ ರಾಷ್ಟ್ರದ ಉನ್ನತಿಗಾಗಿ ಹೆಣ್ಣುಮಕ್ಕಳಿಗೆ ಶಿಕ್ಷಣದ ಅವಶ್ಯಕತೆ ಇದೆ ಎಂದಿದ್ದಾರೆ ಹಲವರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 4:32 pm, Thu, 18 May 23