ವಧುವಿನಂತೆ ಅಲಂಕರಿಸಿಕೊಂಡ ಅಜ್ಜಿ; ಆಹಾ ನನ್ನ ರಾಣಿಯೇ ಎಂದ ಅಜ್ಜ
Old Couple : ಇಂಥ ಶುದ್ಧ ಪ್ರೀತಿಯನ್ನು ನಮ್ಮ ಪೀಳಿಗೆಯವರು ಅನುಭವಿಸಲು ಸಾಧ್ಯವೇ ಇಲ್ಲ ಎನ್ನಿಸುತ್ತದೆ ಎನ್ನುತ್ತಿದ್ದಾರೆ ನೆಟ್ಟಿಗರು. ಮಿಲಿಯನ್ಗಟ್ಟಲೆ ಜನರು ಭಾವುಕರಾಗುತ್ತಿದ್ದಾರೆ ಈ ವಿಡಿಯೋ ನೋಡಿ.
Updated on:Nov 14, 2022 | 4:06 PM
Viral Video : ವೃದ್ಧ ದಂಪತಿಯ ಮಧ್ಯೆ ಅರಳುವ ಇಂಥ ಆಪ್ತ ಘಳಿಗೆಗಳಿಂದ ಕೂಡಿದ ವಿಡಿಯೋಗಳನ್ನು ನೋಡಿರುತ್ತೀರಿ. ಈಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿ, ಹಣ್ಣುಹಣ್ಣಾದ ಅಜ್ಜಿಯೊಬ್ಬಳು ವಧುವಿನಂತೆ ಅಲಂಕರಿಸಿಕೊಂಡು ಸೋಫಾ ಮೇಲೆ ಕುಳಿತಿದ್ದಾರೆ. ಈಕೆಯನ್ನು ನೋಡಿದ ಅಜ್ಜ ಅತ್ಯಾಶ್ಚರ್ಯದಲ್ಲಿ ಮುಳುಗಿ ಹೋಗಿದ್ದಾರೆ. ನೆಟ್ಟಿಗರು ಈ ವಿಡಿಯೋ ನೋಡಿ ಮುದಗೊಳ್ಳುತ್ತಿದ್ದಾರೆ.
View this post on Instagram
ಇದೆಲ್ಲವೂ ಕುಟುಂಬ ಸದಸ್ಯರ ಪ್ಲ್ಯಾನ್! ಅಜ್ಜಿಯನ್ನು ಒತ್ತಾಯದಿಂದಲೇ ಹೀಗೆ ಸಿಂಗರಿಸಿ ಕೂರಿಸಿದ್ದಾರೆ. ಮೊದಮೊದಲು ಅಜ್ಜಿ ಇದೆಲ್ಲ ಬೇಡವೆಂದು ನಿರಾಕರಿಸಿರಲು ಸಾಕು. ಆದರೆ ಎಲ್ಲರ ಉತ್ಸಾಹ ಒತ್ತಾಯಕ್ಕೆ ಒಪ್ಪಿ ಕ್ರಮೇಣ ಈ ಅಲಂಕಾರವನ್ನು ಆನಂದಿಸಲು ಶುರು ಮಾಡಿರುತ್ತಾರೆ. ಉಳಿದ ಸದಸ್ಯರು ಅಜ್ಜನನ್ನು ಕರೆದುಕೊಂಡು ಬರಲು ಹೋದಾಗ ಅಜ್ಜಿ ಕೂಡ, ಅಜ್ಜನ ಪ್ರತಿಕ್ರಿಯೆ ಹೇಗಿರುತ್ತದೆ ಎಂಬ ಉತ್ಸಾಹ, ಕುತೂಹಲದಲ್ಲಿ ಮುಳುಗುತ್ತಾಳೆ.
ಈತನಕ ಈ ವಿಡಿಯೋ 2 ಮಿಲಿಯನ್ ಜನರನ್ನು ತಲುಪಿದೆ. 4 ಲಕ್ಷಕ್ಕಿಂತಲೂ ಹೆಚ್ಚು ಜನರು ಇದನ್ನು ಇಷ್ಟಪಟ್ಟಿದ್ದಾರೆ. ಈ ವಯೋವೃದ್ಧ ದಂಪತಿಯ ಮಧ್ಯೆ ಬೆಸೆದುಕೊಂಡ ಭಾವನಾತ್ಮಕ ಬಂಧ ಕಂಡು ಮೂಕವಿಸ್ಮಿತರಾಗಿದ್ದಾರೆ. ಇದು ಶುದ್ಧವಾದ ಖುಷಿ. ಅವರಿಬ್ಬರ ಕಣ್ಣಲ್ಲಿ ಅದು ಮಿನುಗುತ್ತಿದೆ ಎಂದಿದ್ದಾರೆ ಒಬ್ಬರು. ನನಗನಿಸಿದಂತೆ ಇಂಥ ಶುದ್ಧ ಪ್ರೀತಿಯನ್ನು ನಮ್ಮ ಪೀಳಿಗೆಯವರು ಅನುಭವಿಸಲು ಸಾಧ್ಯವಿಲ್ಲ ಎನ್ನಿಸುತ್ತದೆ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನೀವು ಏನು ಹೇಳುತ್ತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 4:04 pm, Mon, 14 November 22
