Viral Video: ಸರ್ಕಾರಿ ಕಚೇರಿಗೆ ನುಗ್ಗಿದ ಮೇಕೆ ಫೈಲ್ ಕಚ್ಚಿಕೊಂಡು ಪರಾರಿ; ಬೆನ್ನತ್ತಿ ಓಡಿದ ಸಿಬ್ಬಂದಿಯ ವಿಡಿಯೋ ವೈರಲ್
Shocking Video: ಮೇಕೆಯೊಂದು ಆಫೀಸಿನ ಕೋಣೆಗೆ ಹೋಗಿ ಕಡತವನ್ನು ಬಾಯಿಯಲ್ಲಿ ಹಿಡಿದುಕೊಂಡು ಹೊರಗೆ ಬಂದಿತು. ಮೇಕೆಯ ಬಾಯಿಯಲ್ಲಿ ಫೈಲ್ ಅನ್ನು ಗುರುತಿಸಿದ ಉದ್ಯೋಗಿ ತಕ್ಷಣವೇ ಅದರ ಹಿಂದೆ ಓಡಲು ಪ್ರಾರಂಭಿಸಿದರು.
Updated on: Dec 03, 2021 | 5:42 PM
ಕಾನ್ಪುರ: ಉತ್ತರ ಪ್ರದೇಶದ ಕಾನ್ಪುರದಲ್ಲಿ ಮೇಕೆಯೊಂದು ಚೌಬೆಪುರ ಡೆವಲಪ್‌ಮೆಂಟ್ ಬ್ಲಾಕ್ ಕಚೇರಿಯ ಕೊಠಡಿಯೊಂದಕ್ಕೆ ನುಗ್ಗಿ ಕಡತವನ್ನು ಬಾಯಿಯಲ್ಲಿ ಕಚ್ಚಿಕೊಂಡು ಪರಾರಿಯಾದ ವಿಚಿತ್ರವಾದ ಘಟನೆ ನಡೆದಿದೆ. ಮೇಕೆಯ ಬಾಯಿಯಲ್ಲಿ ಆಫೀಸ್ ಫೈಲ್ ಇರುವುದನ್ನು ಗಮನಿಸಿದ ಆ ಕಚೇರಿಯ ನೌಕರರು ಆ ಕಡತವನ್ನು ವಾಪಾಸ್ ಪಡೆಯಲು ಮೇಕೆಯ ಹಿಂದೆ ಓಡಿದ್ದಾರೆ. ಚೌಬೆಪುರ ಬ್ಲಾಕ್‌ನಲ್ಲಿರುವ ಪಂಚಾಯತ್ ಕಾರ್ಯದರ್ಶಿ ಕಚೇರಿಯಲ್ಲಿ ಬುಧವಾರ ಈ ಘಟನೆ ನಡೆದಿದೆ.
ಕಪ್ಪು ಮೇಕೆಯೊಂದು ಆಫೀಸಿನ ಕೋಣೆಗೆ ಹೋಗಿ ಕಡತವನ್ನು ಬಾಯಿಯಲ್ಲಿ ಹಿಡಿದುಕೊಂಡು ಹೊರಗೆ ಬಂದಿತು. ಮೇಕೆಯ ಬಾಯಿಯಲ್ಲಿ ಫೈಲ್ ಅನ್ನು ಗುರುತಿಸಿದ ಉದ್ಯೋಗಿ ತಕ್ಷಣವೇ ಅದರ ಹಿಂದೆ ಓಡಲು ಪ್ರಾರಂಭಿಸಿದರು. ಈ ತಮಾಷೆಯ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
22 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ ಪಂಚಾಯತ್ ಕಾರ್ಯದರ್ಶಿ ಕಚೇರಿಯ ಹೊರಗೆ ಕೆಲವು ನೌಕರರು ಬಿಸಿಲಲ್ಲಿ ನಿಂತಿರುವುದನ್ನು ಕಾಣಬಹುದು. ಅವರಲ್ಲಿ ಒಬ್ಬರು ಮೇಕೆಯನ್ನು ಹಿಂಬಾಲಿಸಿದ್ದಾರೆ.
In Kanpur block office, the employees kept sunbathing outside, the goat ran away with the file. This is Uttar Pradesh!#योगी_शाह_वापिस_जाओ pic.twitter.com/eeRuYHP227
— Mahmood (@hai_mahmoodul) December 2, 2021
ಈ ವೈರಲ್ ವಿಡಿಯೋಗೆ ಸಾಮಾಜಿಕ ಜಾಲತಾಣದಲ್ಲಿ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಮೇಕೆ ಕೂಡ ಫೈಲ್ನಲ್ಲಿರುವ ದಾಖಲೆಗಳನ್ನು ಓದಲು ಅದನ್ನು ತೆಗೆದುಕೊಂಡು ಹೋಗಿರಬಹುದು ಎಂದು ಒಬ್ಬರು ತಮಾಷೆಯಾಗಿ ಕಮೆಂಟ್ ಮಾಡಿದ್ದಾರೆ. ಒಂದು ಫೈಲ್ ಅನ್ನು ಮೇಕೆಗೆ ಸಿಗುವಷ್ಟು ಬೇಜವಾಬ್ದಾರಿಯಿಂದ ಇಟ್ಟಿದ್ದಾರೆ ಎಂದರೆ ಇಂಥವರಿಂದ ಜನಸಾಮಾನ್ಯರಿಗೆ ಏನು ಸಹಾಯ? ಎಂದು ಇನ್ನು ಕೆಲವರು ಕಮೆಂಟ್ ಮಾಡಿದ್ದಾರೆ.
ನೌಕರರು ಕಡತವನ್ನು ವಾಪಾಸ್ ಪಡೆಯುವಲ್ಲಿ ಯಶಸ್ವಿಯಾದರೂ ಅದರ ಹಾಳೆಗಳು ಕಿತ್ತುಹೋಗಿದ್ದವು. ಮೇಕೆ ಆ ಫೈಲ್ನ ಒಂದು ಭಾಗವನ್ನು ಜಗಿಯುತ್ತಿತ್ತು. ಉದ್ಯೋಗಿಗಳು ಹರಿದ ಕಡತದ ಪುಟಗಳನ್ನು ಗಮ್ ಟೇಪ್ನಿಂದ ಅಂಟಿಸಿದರು.
ಇದನ್ನೂ ಓದಿ: Viral Video: ಕುಕ್ಕರ್ನಲ್ಲಿ ಕಾಫಿ ಮಾಡೋದನ್ನು ನೋಡಿದ್ದೀರಾ?; ಬೀದಿ ವ್ಯಾಪಾರಿಯ ವಿಡಿಯೋ ವೈರಲ್
Viral News: ಮದುವೆಯಾದ ಮರುದಿನವೇ ಗರ್ಲ್ಫ್ರೆಂಡ್ ಜೊತೆ ವಧು ಪರಾರಿ; ಶಾಕ್ ಆದ ಗಂಡನಿಗೆ ಹೃದಯಾಘಾತ!
