ಹಸಿದ ಮೊಸಳೆಯೂ ಮುಂದೆ ತರುಣಿಯೂ, ಮುಂದೇನಾಗುತ್ತದೆ?

Viral Video : ಸಿಕ್ಕಾಪಟ್ಟೆ ಹಸಿವಾಗಿದೆ ಈ ಮೊಸಳೆರಾಯನಿಗೆ. ಮೊದಲೇ ದೊಡ್ಡಬಾಯಿ, ಆಕೆಯನ್ನೇ ನುಂಗಿದರೆ? ಏನಾದರೂ ಕೊಟ್ಟರೆ ಸರಿ ಈಗ ಎಂದು ಹೂಂಕರಿಸ್ತಾ ಇದೆ. ಬೆಕ್ಕಿಗೆ ಚಿಣ್ಣಾಟ ಇಲಿಗೆ ಪ್ರಾಣಸಂಕಟ ಅನ್ನೋ ಹಾಗಿದೆ ಈ ದೃಶ್ಯ. ಹೌದಾ ಹೌದಾ… ನಿನಗೆ ಹಸಿವಾಗಿದೆಯಾ ಎಂದು ಜೋರಾಗಿ ನಗುತ್ತ ಅದರ ಸುತ್ತ ಓಡಾಡುತ್ತಿದ್ದಾಳೆ. ಅದು ಆಕೆಯನ್ನೇ ನುಂಗುವಂತೆ ಬಾಯಿ ತೆರೆಯುತ್ತಿದೆ. ಆಕೆಯ ನಗು ಅದನ್ನು ಇನ್ನಷ್ಟು ಕೆರಳಿಸುತ್ತಿದೆ. ಮುಂದೇನಾಗುತ್ತದೆ? ನೋಡಿ ವಿಡಿಯೋ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by The Reptile Zoo (@thereptilezoo)

ಅಂದುಕೊಂಡ ಹಾಗೆ ಏನೂ ಆಗಲಿಲ್ಲ ಅಲ್ವಾ? ಹೌದು, ಈಕೆಗೆ ಮೊಸಳೆಗಳನ್ನು ನೋಡಿಕೊಳ್ಳುವ ವಿಷಯದಲ್ಲಿ ಎರಡು ವರ್ಷದ ಅನುಭವ ಇದೆ. ಈಕೆ ಪ್ರಾಣಿಸಂಗ್ರಹಾಲಯದ ಪೋಷಕಿ. ಹಾಗಾಗಿ ಅದನ್ನು ಆಟವಾಡಿಸುತ್ತ ಸಮಾಧಾನಪಡಿಸಲು ನೋಡುತ್ತಿದ್ದಾಳೆ. ನಿನಗೆ ಊಟ ಕೊಡುವುದಿಲ್ಲ ಎಂದೂ ಕಾಡಿಸುತ್ತಿದ್ದಾಳೆ.

Thereptilezoo ಎಂಬ ಇನ್​ಸ್ಟಾಗ್ರಾಂ ಪುಟವು ಸುಮಾರು 2 ಮಿಲಿಯನ್​ ಫಾಲೋವರ್ಸ್​ಗಳನ್ನು ಹೊಂದಿದೆ. ಈ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಇದು 2 ಮಿಲಿಯನ್​ಗಿಂತಲೂ ಹೆಚ್ಚು ಜನರನ್ನು ತಲುಪಿದೆ. 16,000 ಜನ ಇದನ್ನು ಮೆಚ್ಚಿದ್ದಾರೆ. ಕ್ಯಾಲಿಫೋರ್ನಿಯಾದ ಫೌಂಟೇನ್​ ವ್ಯಾಲಿಯಲ್ಲಿರುವ ದಿ ರೆಪ್ಟೈಲ್ ಝೂನಲ್ಲಿರುವ ಸರೀಸೃಪಗಳ ವಿಡಿಯೋ ಅನ್ನು ಆಗಾಗ ಇಲ್ಲಿ ಹಂಚಿಕೊಳ್ಳಲಾಗುತ್ತದೆ. ಜೇ ಬ್ರೂವರ್​ ಎನ್ನುವವರು ಈ ಪ್ರಾಣಿಸಂಗ್ರಹಾಲಯವನ್ನು ಸ್ಥಾಪಿಸಿದ್ದಾರೆ. ಇವರು ಹೆಬ್ಬಾವುಗಳ ಸಂತಾನೋತ್ಪತ್ತಿ ವಿಷಯದಲ್ಲಿ ಪರಿಣತರು. ಇವರಿಗೆ 6 ಮಿಲಿಯನ್​ಗಿಂತಲೂ ಹೆಚ್ಚು ಫಾಲೋವರ್ಸ್​ ಇನ್​ಸ್ಟಾಗ್ರಾಂನಲ್ಲಿದ್ದಾರೆ.

ನೆಟ್ಟಿಗರು ಈ ವಿಡಿಯೋ ನೋಡಿ, ರಿಯಾಲಿಟಿ ಶೋನಲ್ಲಿ ನೀವಿಬ್ಬರೂ ಭಾಗವಹಿಸಿ ಎಂದಿದ್ದಾರೆ ಒಬ್ಬರು. ನೀವು ಗಾಜನ್ನು ಸರಿದಾಗೆಲ್ಲ ನನಗೆ ಭಯವಾಗುತ್ತದೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ನಿಮ್ಮ ತೋಳುಗಳು ಮೊಸಳೆಗೆ ಕೋಳಿಗಳಂತೆ ಕಾಣುತ್ತಿರಬೇಕು ಎಂದಿದ್ದಾರೆ ಮಗದೊಬ್ಬರು.

ನಿಮಗೂ ಭಯವಾಯಿರಾ ಇವರಿಬ್ಬರ ಆಟ ನೋಡಿ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 6:32 pm, Fri, 14 October 22