ಪೆಂಗ್ವಿನ್ಮರಿಯ ನೀರಡಿಕೆ ನೀಗಿಸಿದ ಈ ವ್ಯಕ್ತಿಗೆ ನೆಟ್ಟಿಗರಿಂದ ಧನ್ಯವಾದ
Thirsty Baby Penguin : ಹೀಗೆ ನೀರು ಕುಡಿಸುತ್ತಿರುವ ವ್ಯಕ್ತಿ ಯಾರೆಂಬುದು ವಿಡಿಯೋದಲ್ಲಿ ಕಾಣಲಾರದು. ಬಾಟಲಿಯಿಂದ ಹರಿಯುತ್ತಿರುವ ನೀರು ಈ ಪುಟ್ಟಪೆಂಗ್ವಿನ್ಗೆ ಜಲಪಾತದಂತೆ ತೋರಿರಲು ಸಾಕು. 4 ಲಕ್ಷ ಜನರ ಗಮನ ಸೆಳೆದಿದೆ ಈ ವಿಡಿಯೋ.
Updated on:Oct 19, 2022 | 6:00 PM
Viral Video : ದಯೆ, ಕರುಣೆ, ಸಹಾಯ ಈ ಮೂರು ಗುಣಗಳು ಮನುಷ್ಯತ್ವಕ್ಕೆ ಬಹಳೇ ಮುಖ್ಯ. ನಾವೆಲ್ಲ ಇಂದು ಬದುಕಿದ್ದೇವೆ ಎನ್ನುವುದಕ್ಕೆ ಸಾಕ್ಷಿಯೇ ಈ ಗುಣಗಳು. ಸಾಮಾನ್ಯವಾಗಿ ಈ ಗುಣಗಳು ನಮಗರಿವಿಲ್ಲದೆಯೇ ಎಳವೆಯಲ್ಲಿಯೇ ಮೈಗೂಡಿರುವಂಥವು. ಇಂಥ ವ್ಯಕ್ತಿಯು ಎದುರಿಗಿರುವವರು ವ್ಯಕ್ತಿಯೋ ಪ್ರಾಣಿಯೋ ಪಕ್ಷಿಯೋ ಎಂದೆಲ್ಲ ನೋಡದೆ ಸಹಾಯಕ್ಕೆ ಮುಂದಾಗುತ್ತಾರೆ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿ. ವ್ಯಕ್ತಿಯೊಬ್ಬರು ಮರಿಪೆಂಗ್ವಿನ್ಗೆ ಬಾಟಲಿಯಿಂದ ನೀರು ಕುಡಿಸುತ್ತಿದ್ದಾರೆ. ಹೀಗೆ ನೀರು ಕುಡಿಸುತ್ತಿರುವ ವ್ಯಕ್ತಿ ಯಾರೆಂಬುದು ವಿಡಿಯೋದಲ್ಲಿ ಕಾಣಲಾರದು. ತುಂಬಾ ಪುಟ್ಟ ಮರಿ ಇದು. ಬಾಟಲಿಯ ಬಾಯಿ ಮಾತ್ರ ಇಷ್ಟು ದೊಡ್ಡದು. ಜಲಪಾತದಂತೆ ತೋರುತ್ತಿದೆಯೋ ಏನೋ ಈ ಮರಿಗೆ ಈ ನೀರಿನ ಹರಿವು.
The thirsty baby penguin pic.twitter.com/Ie8CacS7oA
— Gabriele Corno (@Gabriele_Corno) October 17, 2022
ನೆಟ್ಟಗೆ ನಿಲ್ಲಲೂ ಕಲಿಯದಂಥ ಬಹಳೇ ಪುಟ್ಟಮರಿ ಇದು. ಗುಂಪಿನಿಂದ ತಪ್ಪಿಸಿಕೊಂಡ ಹಾಗಿದೆ. ಇದನ್ನು ನೋಡಿಕೊಳ್ಳುತ್ತಿದ್ದ ಅಪ್ಪ ಎಲ್ಲಿಹೋಗಿದ್ದಾನೋ ಮಾರಾಯಾ. ಈ ಪಾಪಚ್ಚಿ ಮಾತ್ರ ಹೀಗೆ ಅಲೆದುಕೊಂಡು, ಗಂಟಲಾರಿಸಿಕೊಂಡಿದೆ. ಅಂತೂ ಈ ವ್ಯಕ್ತಿ ಅದಕ್ಕೆ ನೀರು ಕೊಟ್ಟು ಕಾಪಾಡಿದ್ದಾರೆ. ಅಕ್ಟೋಬರ್ 17ರಂದು ಈ ವಿಡಿಯೋ ಅನ್ನು ಗೇಬ್ರಿಯಲ್ ಕಾರ್ನೋ ಎಂಬುವವರು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಈತನಕ ಸುಮಾರು 4,63,000 ಜನರು ಈ ವಿಡಿಯೋ ನೋಡಿದ್ದಾರೆ. 26,000 ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಸುಮಾರು 8000ಕ್ಕಿಂತಲೂ ಹೆಚ್ಚು ರೀಟ್ವೀಟ್ ಮಾಡಿದ್ದಾರೆ.
ಈ ಮುದ್ದುಮರಿಯ ಮೇಲೆ ಪ್ರೀತಿ ಉಕ್ಕಿ ಹರಿಯುತ್ತಿದೆ. ನೀವು ಇದಕ್ಕೆ ಸಹಾಯ ಮಾಡಿದ್ದಕ್ಕೆ ಧನ್ಯವಾದ ಎಂದು ಒಬ್ಬ ನಟ್ಟಿಗು ಪ್ರತಿಕ್ರಿಯಿಸಿದ್ದಾರೆ. ಪಾಪ ಚಿಕ್ಕದು ಬೇಗ ತನ್ನ ಕುಟುಂಬವನ್ನು ಸೇರಿಕೊಳ್ಳಲಿ ಎಂದು ಅನೇಕರು ಹಾರೈಸಿದ್ಧಾರೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:58 pm, Wed, 19 October 22
