‘ಛೋಟಾ ಪ್ಯಾಕೆಟ್​ ಬಡಾ ಧಮಾಕಾ’ ತಮಟೆ ಬೀಟ್​ಗೆ ಸ್ಟೈಲಿಶ್​ ಸ್ಟೆಪ್​ ಹಾಕಿದ ಪೋರ! ನೆಟ್ಟಿಗರೆಲ್ಲಾ ಫುಲ್​ ಫಿದಾ

ಸಾಮಾಜಿಕ ಜಾಲತಾಣದಲ್ಲಿ ಅದೆಷ್ಟೋ ವಿಡಿಯೋಗಳು ವೈರಲ್​ ಆಗುತ್ತವೆ. ಅವುಗಳಲ್ಲಿ ಚಿಕ್ಕ ಮಕ್ಕಳ(Little Boy) ತಮಾಷೆ ವಿಡಿಯೋಗಳು ಹೆಚ್ಚು ಮನಸ್ಸುಗಳನ್ನು ಗೆಲ್ಲುತ್ತವೆ. ವಯಸ್ಸಿಗೂ ಮೀರಿದ್ದ ಕೆಲವು ಪ್ರತಿಭೆಗಳನ್ನು(Talent) ನೋಡಿದಾಕ್ಷಣ ಖುಷಿಯಾಗುತ್ತೆ ಜತೆಗೆ ಹೆಮ್ಮೆ ಅನಿಸುತ್ತದೆ. ಇದೀಗ ವೈರಲ್​ ಆದ ವಿಡಿಯೋದಲ್ಲಿ(Viral Video) ಚಿಕ್ಕ ವಯಸ್ಸಿನ ಪೋರ ಸಕ್ಕತ್ತಾಗಿ ಸ್ಟೆಪ್​ ಹಾಕುತ್ತಿದ್ದಾನೆ. ಈತನ ಡಾನ್ಸ್(Dance)​ ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ.

ಟ್ವಿಟರ್​ನಲ್ಲಿ ಹರಿಬಿಡಲಾದ 24 ಸೆಕೆಂಡುಗಳ ವಿಡಿಯೋ ಕ್ಲಿಪ್​ನಲ್ಲಿ ಗಮನಿಸುವಂತೆ ಬಾಲಕ ತಮಟೆ ಬೀಟ್​ಗೆ ಸ್ಟೈಲಿಶ್​ ಡಾನ್ಸ್​ ಮಾಡಿದ್ದಾನೆ. ಕೆಸರಿರುವ ರಸ್ತೆಯನ್ನೂ ಲೆಕ್ಕಿಸದೇ ತಮಟೆ ಸದ್ದಿನ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕಿದ್ದಾನೆ. ವಿಡಿಯೋ ಇದೀಗ ವೈರಲ್ ಆಗಿದೆ.

ರಸ್ತೆ ತುಂಬಾ ಕೆಸರಾಗಿದೆ. ತಮಟೆ ಬೀಟ್​ ಸದ್ದು ಕೇಳಿಸುತ್ತಿದೆ. ಸುತ್ತಲೂ ಜನರು ಸೇರಿದ್ದಾರೆ. ಅವರ ಮಧ್ಯದಲ್ಲಿ ನಿಂತ ಪೋರ ಕುಣಿಯುತ್ತಿದ್ದಾನೆ. ತಮಟೆ ಬೀಟ್​ ವೇಗಗೊಳ್ಳುತ್ತಿದ್ದಂತೆಯೇ ಆತನೂ ವೇಗವಾಗಿ ಭರ್ಜರಿ ಡಾನ್ಸ್​ ಮಾಡಿದ್ದಾನೆ. ವಿಡಿಯೋ ನೋಡಿದ ನೆಟ್ಟಿಗರು ಛೋಟಾ ಪ್ಯಾಕೆಟ್​ ಬಡಾ ಧಮಾಕಾ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

ಬಾಲಕನು ಉದ್ದ ಕೈತೋಳಿನ ಶರ್ಟ್​ ಮತ್ತು ಪ್ಯಾಂಟ್​ ಧರಿಸಿದ್ದಾನೆ. ಮುಖಗವಸನ್ನೂ ಸಹ ಧರಿಸಿದ್ದಾನೆ. ತಮಟೆ ಸದ್ದು ಕಿವಿಗೆ ಬೀಳುತ್ತಿದ್ದಂತೆಯೇ ಕುಣಿಯಲು ಪ್ರಾರಂಭಿಸುತ್ತಾನೆ. ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗುತ್ತಿದ್ದಂತೆಯೇ 64 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿಕೊಂಡಿದೆ. 8 ಸಾವಿರಕ್ಕೂ ಹೆಚ್ಚು ಲೈಕ್ಸ್​ಗಳು ಲಭ್ಯವಾಗಿವೆ. ರೀಟ್ವೀಟ್​ಗಳನ್ನು ಸಹ ಮಾಡಲಾಗಿದೆ. ಬಾಲಕನ ಪ್ರತಿಭೆಗೆ ಕಾಮೆಂಟ್ಸ್​ಗಳ ಸುರಿಮಳೆಯೇ ಹರಿದು ಬಂದಿದ್ದು, ಚಿಕ್ಕ ವಯಸ್ಸಿಗೆ ಒಳ್ಳೆಯ ಟ್ಯಾಲೆಂಟ್​ ಇದೆ ಎಂಬ ಶ್ಲಾಘನೆ ವ್ಯಕ್ತವಾಗಿದೆ.

ಇದನ್ನೂ ಓದಿ:

Viral Video: ನಾದಿನಿ ಜತೆ ನೃತ್ಯ ಮಾಡಲು ನಾಚುತ್ತಿದ್ದಾರೆ ಬಾವ! ಕೊನೆಗೂ ಬಾಲಿವುಡ್​ ಸಾಂಗ್​ಗೆ ಸ್ಟೆಪ್​ ಹಾಕಿಯೇ ಬಿಟ್ರು

Viral Video: ಮೈದುನನ ಮದುವೆಯಲ್ಲಿ ಹಮ್ ಆಪ್ ಕೆ ಹೈ ಕೋನ್​ ಚಿತ್ರದ ಹಾಡಿ​ಗೆ ಅತ್ತಿಗೆಯ ಸಕತ್​ ಸ್ಟೆಪ್​! ವಿಡಿಯೋ ವೈರಲ್