‘ಸೂಕ್ತರೀತಿಯ ಒಳಉಡುಪು ಧರಿಸಿ’ ಕ್ಯಾಬಿನ್​ ಸಿಬ್ಬಂದಿಗೆ ಪಾಕ್​ ರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯಿಂದ ಆದೇಶ

Wear proper undergarments : ಕ್ಯಾಬಿನ್​ ಸಿಬ್ಬಂದಿಯು ಕಡ್ಡಾಯವಾಗಿ ಸೂಕ್ತರೀತಿಯ ಒಳಉಡುಪು ಧರಿಸಲೇಬೇಕು ಇಲ್ಲವಾದಲ್ಲಿ ಏರ್​ ಕ್ಯಾರಿಯರ್ ಬಗ್ಗೆ ನಕಾರಾತ್ಮಕ ಧೋರಣೆ ಹೊಮ್ಮುತ್ತದೆ ಎಂದು ಪಿಎಐ ಅಧಿಸೂಚನೆ ಹೊರಡಿಸಿದೆ.

‘ಸೂಕ್ತರೀತಿಯ ಒಳಉಡುಪು ಧರಿಸಿ’ ಕ್ಯಾಬಿನ್​ ಸಿಬ್ಬಂದಿಗೆ ಪಾಕ್​ ರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯಿಂದ ಆದೇಶ
ಪ್ರಾತಿನಿಧಿಕ ಚಿತ್ರ
TV9kannada Web Team

| Edited By: ಶ್ರೀದೇವಿ ಕಳಸದ | Shridevi Kalasad

Sep 30, 2022 | 11:06 AM

Trending : ವಿಮಾನ ಸಂಸ್ಥೆಯಲ್ಲಿ ಮತ್ತು ವಿಮಾನಯಾನದಲ್ಲಿ ತಮ್ಮ ದಿರಿಸು, ಮೇಕ್ಅಪ್​, ಶಿಸ್ತಿನೊಂದಿಗೆ ಉತ್ತಮವಾದ ನಡೆವಳಿಕೆಗಳಿಂದ ಗಮನ ಸೆಳೆದು ಪ್ರಯಾಣಸ್ನೇಹಿ ಎನ್ನಿಸಿಕೊಳ್ಳುವ ಕ್ಯಾಬಿನ್​ ಸಿಬ್ಬಂದಿಗೆ ಹೀಗೊಂದು ವಿಚಿತ್ರ  ಆದೇಶವನ್ನು ಪಾಕಿಸ್ತಾನ ಅಂತಾರಾಷ್ಟ್ರೀಯ ವಿಮಾನ ಸಂಸ್ಥೆಯು (PIA) ಹೊರಡಿಸಿದೆ. ಕ್ಯಾಬಿನ್​ ಸಿಬ್ಬಂದಿಯು ಸೂಕ್ತವಾದ ಒಳಉಡುಪುಗಳನ್ನು ಅಗತ್ಯವಾಗಿ ಧರಿಸಲೇಬೇಕು ಎಂದು ಸಂಸ್ಥೆಯು ಪ್ರಕಟಣೆ ಹೊರಡಿಸಿದೆ. ಕ್ಯಾಬಿನ್​ ಸಿಬ್ಬಂದಿಗೆ ಡ್ರೆಸ್ಸಿಂಗ್​ ಸೆನ್ಸ್​ ಬಹಳ ಮುಖ್ಯ. ಇಲ್ಲವಾದಲ್ಲಿ ಸಂಸ್ಥೆಯ ಬಗ್ಗೆ ಪ್ರಯಾಣಿಕರು ನಕಾರಾತ್ಮಕ ಧೋರಣೆ ಹೊಂದುತ್ತಾರೆ ಎಂದಿದೆ ಪಿಐಎ. ಈ ಆದೇಶವು ವಿಚಿತ್ರ ಮತ್ತು ವಿಲಕ್ಷಣ ಎನ್ನಿಸುತ್ತಿದೆ ನಿಜ.

ಆದರೆ, ಪಾಕಿಸ್ತಾನ ಅಂತಾರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯು ಸಿಬ್ಬಂದಿಗೆ ಸೂಕ್ತವಾದಂಥ ಒಳ ಉಡುಪುಗಳನ್ನು ಧರಿಸುವುದು ಅತ್ಯಗತ್ಯ ಎಂದು ಆದೇಶ ಹೊರಡಿಸಿದೆ. ಹಾಗಾಗಿ ಪಾಕಿಸ್ತಾನ ಸರ್ಕಾರದ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಂತಾರಾಷ್ಟ್ರೀಯ ಏರ್ ಕ್ಯಾರಿಯರ್​ ಈ ಹೊಸ ಅಧಿಸೂಚನೆಯನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ತನ್ನ ವಿಮಾನ ಸಿಬ್ಬಂದಿಯನ್ನು ಕೇಳಿಕೊಂಡಿದೆ. ಈ ಸುದ್ದಿಯನ್ನು ಜಿಯೋ ಸುದ್ದಿ ಸಂಸ್ಥೆಯು ವರದಿ ಮಾಡಿದೆ.

‘ಕೆಲ ಕ್ಯಾಬಿನ್ ಸಿಬ್ಬಂದಿ ಇಂಟರ್‌ಸಿಟಿ ಪ್ರಯಾಣ ಮಾಡುವಾಗ, ಹೋಟೆಲ್‌ಗಳಲ್ಲಿ ಉಳಿದುಕೊಳ್ಳುವಾಗ ಮತ್ತು ವಿವಿಧ ಭೇಟಿಗಳ ಸಂದರ್ಭದಲ್ಲಿ ತಮ್ಮಿಚ್ಛೆಯಂತೆ ಉಡುಗೆ ಧರಿಸುತ್ತಾರೆ. ಇಂತಹ ಡ್ರೆಸ್ಸಿಂಗ್ ಸೆನ್ಸ್​ ನೋಡುಗರಲ್ಲಿ ಮುಜುಗರ ಉಂಟುಮಾಡುತ್ತದೆ. ಇಷ್ಟೇ ಅಲ್ಲ, ಸಂಸ್ಥೆಯ ಬಗ್ಗೆ ಪ್ರಯಾಣಿಕರಲ್ಲಿ ತಪ್ಪು ಗ್ರಹಿಕೆಗೆ ಈಡುಮಾಡುತ್ತದೆ’  ಎಂದು ಪಿಐಎ ಜನರಲ್ ಮ್ಯಾನೇಜರ್ ಅಮೀರ್ ಬಶೀರ್ ಹೇಳಿದ್ಧಾರೆ.

‘ಪುರುಷರೇ ಆಗಲಿ ಮಹಿಳೆಯರೇ ಆಗಲಿ ಸೂಕ್ತ ಒಳಉಡುಪು ಮತ್ತು ಸರಳವಾದ ಉಡುಪುಗಳನ್ನು ಧರಿಸಬೇಕು. ಈ ಧರಿಸುವಿಕೆ ನಮ್ಮ ಸಾಂಸ್ಕೃತಿಕ ಮತ್ತು ರಾಷ್ಟ್ರೀಯ ನೈತಿಕತೆಗೆ ಅನುಗುಣವಾಗಿರಬೇಕು. ಈ ಕುರಿತು ಅಧಿಕಾರಿಗಳು ಗಮನಿಸಬೇಕು’ ಎಂದು ಬಶೀರ್​ ತಿಳಿಸಿದ್ದಾರೆ.

ಮತ್ತಷ್ಟು ಟ್ರೆಂಡಿಂಗ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

ಇದನ್ನೂ ಓದಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada