Viral: ನೀನೆಂಥ ಕೆಟ್ಟ ಮೋಸಗಾರ ಎಂದು ಈಗ ಇಡೀ ಊರಿಗೆ ತಿಳಿಯುತ್ತದೆ!

Cheating in Relationship : ಪ್ರೇಮ ಸಂಬಂಧದಲ್ಲಿ ಮೋಸ ಹೋಗುವುದು, ಬ್ರೇಕ್​ಅಪ್​ಗೆ ಒಳಗಾಗುವುದು ಅನೇಕ ಜನರ ಮನಸ್ಸಿನ ಮೇಲೆ ಆಳಗಾಯ ಮಾಡುತ್ತದೆ ನಿಜ. ಬ್ರೇಕ್​ ಅಪ್​ನ ನಂತರ ಕೆಲವರು ಮೌನವಾಗಿದ್ದುಬಿಡುತ್ತಾರೆ. ಇನ್ನೂ ಕೆಲವರು ಅದರಿಂದ ಹೊರಬರಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತಾರೆ. ಮತ್ತೂ ಕೆಲವರು ಇದನ್ನು ಬೇರೊಂದು ಹಂತದಲ್ಲಿ ತಮಗಾದ ನೋವನ್ನು ವ್ಯಕ್ತಪಡಿಸಲು ನೋಡುತ್ತಾರೆ. ಡೈಲಿ ಮೇಲ್​ನಲ್ಲಿ ಪ್ರಕಟವಾದ ವರದಿಯಲ್ಲಿ, ಯುವತಿಯೊಬ್ಬಳು ತನ್ನ ಮಾಜಿ ಪ್ರಿಯಕರನ ‘ನೀಚ’ ಕೃತ್ಯವನ್ನು ಸ್ಥಳೀಯ ಪತ್ರಿಕೆಯಲ್ಲಿ ಜಾಹೀರಾತು ನೀಡುವ ಮೂಲಕ ಬಹಿರಂಗಪಡಿಸಿದ್ದಾಳೆ. ಇದು ತಮಾಷೆಗಾಗಿ ಮಾಡಿದ್ದಲ್ಲ. ಜೆನ್ನಿ ನೀಡಿದ ಈ ಜಾಹೀರಾತು Mackay and Whitsunday Life​ ಪತ್ರಿಕೆಯ ಭಾನುವಾರದ ಸಂಚಿಕೆಯಲ್ಲಿ ಪ್ರಕಟವಾಗಿದೆ. ಜಾಹಿರಾತಿನ ಒಕ್ಕಣೆಯನ್ನು ಓದಿ; ‘ಆತ್ಮೀಯ ಸ್ಟೀವ್, ನೀನು ಅವಳೊಂದಿಗೆ ಖುಷಿಯಿಂದ ಇದ್ದೀಯೆಂದು ಭಾವಿಸುತ್ತೇನೆ. ಈಗ ನೋಡು ನೀನು ಎಂಥ ಮೋಸಗಾರ, ಕೆಟ್ಟವ ಎನ್ನುವುದು ಇಡೀ ಊರಿಗೇ ತಿಳಿಯುತ್ತದೆ. ವಿ.ಸೂ – ಈ ಜಾಹೀರಾತನ್ನು ನಿನ್ನ ಕ್ರೆಡಿಟ್ ಕಾರ್ಡ್ ಉಪಯೋಗಿಸಿ ನೀಡಿದ್ದೇನೆ.’

Mackay and Whitsunday Life​ ಪತ್ರಿಕೆಯು ಜಾಹೀರಾತನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದೆ, ‘ಮ್ಯಾಕೆ ಲೈಫ್‌ನ 4ನೇ ಪುಟದಲ್ಲಿ ಬಂದ ಈ ಜಾಹೀರಾತಿನ ಕುರಿತಾಗಿ ಬರುತ್ತಿರುವ ಸಂದೇಶಗಳಿಗೆ ಉತ್ತರಿಸಲಾಗದಷ್ಟು ಪ್ರಶ್ನೆಗಳಿಂದ ನಾವು ಮುಳುಗಿ ಹೋಗುತ್ತಿದ್ದೇವೆ, ಹಾಗಾಗಿ ಇಲ್ಲಿಯೇ ಆ ಬಗ್ಗೆ ಸ್ಪಷ್ಟನೆ ನೀಡಲು ಬಯಸುತ್ತೇವೆ; ಸ್ಟೀವ್ ಯಾರೆಂದು ನಮಗೆ ಗೊತ್ತಿಲ್ಲ. ಆದರೆ ಆತ ಕೆಟ್ಟ ವ್ಯಕ್ತಿಯಂತೂ ಹೌದು. ಅಲ್ಲದೆ ಜೆನ್ನಿಯ ವಿಷಯವಾಗಿ ಯಾವುದೇ ವಿವರಗಳನ್ನು ಬಹಿರಂಗಪಡಿಸಲಾರೆವು.’ ಈ ಪೋಸ್ಟ್​ ಇದೀಗ ವೈರಲ್ ಆಗಿದ್ದು, 4,000 ಲೈಕ್ಸ್​, 2,500 ಪ್ರತಿಕ್ರಿಯೆ, 1,400 ಶೇರ್ ಆಗಿದೆ.

ನೆಟ್ಟಿಗರೊಬ್ಬರು, ‘ನಾನು ಜೆನ್ನಿಯ ಪರವಾಗಿ ಇದ್ದೇನೆ’ ಎಂದು ಪ್ರತಿಕ್ರಿಯಿಸಿದ್ದಾರೆ. ‘ಯಾಕೆ ನೀವು ಕ್ರೆಡಿಟ್ ಕಾರ್ಡ್​ ಗೆ ಚಾರ್ಜ್​ ಮಾಡಿಲ್ಲ. ಸಾರ್ವಜನಿಕರಿಗಾಗಿ ಉಚಿತ ಸೇವೆ ನೀಡುತ್ತಿದ್ದೀರಾ?’ ಎಂದು ಪತ್ರಿಕೆಯವರಿಗೆ ಇನ್ನೊಬ್ಬ ನೆಟ್ಟಿಗರು ಪ್ರಶ್ನಿಸಿದ್ದಾರೆ.

ಮತ್ತಷ್ಟು ಇಂಥ ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ