Viral Video: ‘ಅತ್ಯಂತ ಮೂರ್ಖ ವ್ಯಕ್ತಿ ಪ್ರಶಸ್ತಿ’ ಪಡೆದ ಮಹಿಳೆ; ಈ ಪ್ರಶಸ್ತಿಯ ಮಾನದಂಡ ಇಲ್ಲಿದೆ
Super Glue: ಈ ಮಹಿಳೆಗೆ ಈ ಪ್ರಶಸ್ತಿ ಹೇಗೆ ಸಿಕ್ಕಿತು? ಯಾವ ಕೆಲಸವನ್ನು ಮಾಡಿ ಈಕೆ ಮೂರ್ಖಳು ಎನ್ನಿಸಿಕೊಂಡಿದ್ದಾಳೆ ಎಂದು ಆಲೋಚಿಸುತ್ತಿದ್ದೀರಾ? ಬಹುಶಃ ನಿಮ್ಮಲ್ಲಿಯೂ ಕೂಡ ಅನೇಕರಿಗೆ ಇಂಥ ಅನುಭವವಾಗಿರುವ ಸಾಧ್ಯತೆ ಇದೆ. ಆದರೆ ಈಕೆ ಮಾಡಿಕೊಂಡಂಥ ಮಹಾನ್ ಯಡವಟ್ಟನ್ನು ನೀವು ಖಂಡಿತ ಮಾಡಿಕೊಂಡಿರಲಾರಿರಿ. ಇನ್ನು ಮುಂದೆಯೂ ಮಾಡಿಕೊಳ್ಳದಿರಿ!
Updated on: Oct 04, 2023 | 4:08 PM
Eye Drops : ಏನೋ ಮಾಡಲು ಹೋಗಿ ಏನೋ ಆಗುತ್ತಿರುತ್ತದೆ. ಇದು ಬದುಕಿನ ವಿವಿಧ ಹಂತಗಳಲ್ಲಿ ಆಗುವುದು ಸಾಮಾನ್ಯ. ಅದರಲ್ಲೂ ನಮಗೆ ನಾವೇ ಕೈಯ್ಯಾರೆ ಏನಾದರೂ ಯಡವಟ್ಟು ಮಾಡಿಕೊಂಡಾಗ! ಅದರಲ್ಲೂ ಅದು ಅಪಾಯಕಾರಿಯಾಗಿದ್ದಾಗ ಏನು ಮಾಡುವುದು? ಅದಕ್ಕಾಗಿ ಈ ಮಹಿಳೆಯ ಬಳಿ ಒಂದು ಉಪಾಯವಿದೆ. ಈಕೆ ತನಗೆ ತಾನೇ ಅತ್ಯಂತ ಮೂರ್ಖ ವ್ಯಕ್ತಿ ಪ್ರಶಸ್ತಿಯನ್ನು ಕೊಟ್ಟುಕೊಂಡಿದ್ದಾಳೆ. ಏಕೆಂದರೆ ಕಣ್ಣಿಗೆ ಔಷಧಿ ಹಾಕಿಕೊಳ್ಳುವ ಬದಲಾಗಿ ಅಂಟನ್ನು (Super Glue) ಸುರಿದುಕೊಂಡಿದ್ದಾಳೆ! ಅಷ್ಟಕ್ಕೆ ಸುಮ್ಮನಾಗದೇ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾಳೆ.
ಇದನ್ನೂ ಓದಿ : Viral Video: ‘ಕ್ಯಾನ್ಸರ್ಮುಕ್ತಳಾಗಿ ನಿಮ್ಮೆದುರು ಇಂದು ಹೀಗೆ ಇರುತ್ತೇನೆಂದು ಅಂದುಕೊಂಡಿರಲೇ ಇಲ್ಲ’
ಸ್ವಯಂಕೃತ ಅಪರಾಧ ಮಾಡಿಕೊಂಡು ಸ್ವಯಂ ಪ್ರಶಸ್ತಿ ಕೊಟ್ಟುಕೊಂಡ ಮಹಿಳೆಯ ಹೆಸರು ಜೆನ್ನಿಫರ್ ಎವರ್ಸೊಲ್. ತುಂಬಾ ಉರಿಯುತ್ತಿತ್ತು, ನಿಜಕ್ಕೂ ಈ ಉರಿಯನ್ನು ತಡೆದುಕೊಳ್ಳಲಾಗಲಿಲ್ಲ. ಬಿಸಿಬಿಸಿ ಬುಗ್ಗೆ ಕಣ್ಣೊಳಗೆ ನುಗ್ಗಿದಂತೆ ಆಗುತ್ತಿತ್ತು ಎಂದು ಆಕೆ ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ.
ಇವಳೇ ಅತ್ಯಂತ ಮೂರ್ಖ ಪ್ರಶಸ್ತಿ ಕೊಟ್ಟುಕೊಂಡ ಮಹಿಳೆ
Woman mistakes super glue for eye drops pic.twitter.com/Ca50qiDTjc
— CCTV IDIOTS (@cctvidiots) October 2, 2023
ಕ್ಯಾಲಿಫೋರ್ನಿಯಾದ ಸಾಂಟಾ ರೋಸಾದಲ್ಲಿ ಈ ಮಹಿಳೆ ವಾಸಿಸುತ್ತಾಳೆ. ಮೊದಲು ಟಿಕ್ ಟಾಕ್ನಲ್ಲಿ ಈ ವಿಡಿಯೋ ಅನ್ನು ಹಂಚಿಕೊಂಡಿದ್ದಾಳೆ. ಆ ನಂತರ ಇದು X ನಲ್ಲಿ ವೈರಲ್ ಆಗಿದೆ. ಪೀಪಲ್ ಮ್ಯಾಗಝೀನ್ ಹಳೆಯ ವರದಿಯ ಪ್ರಕಾರ, ಈ ಘಟನೆ ಇದೇ ಜೂನ್ನಲ್ಲಿ ನಡೆದಿದೆ. ಇದೀಗ ವೈರಲ್ ಆಗುತ್ತಿದೆ. ಈತನಕ ಸುಮಾರು 2.5 ಲಕ್ಷ ಜನರು ಇದನ್ನು ನೋಡಿದ್ದಾರೆ.
ಇದನ್ನು ಓದಿ : Viral: ‘ಆನೆ ನನ್ನ ಮನೆ ಧ್ವಂಸ ಮಾಡಿ ನನಗೆ ಜೀವನ ಪಾಠ ಕಲಿಸಿತು’
‘ದ್ರವವು ನನ್ನ ಕಣ್ಣನ್ನು ಸೇರುತ್ತಿದ್ದಂತೆ ನಾನು ಅತಿವೇಗದಲ್ಲಿ ಕಣ್ಣನ್ನು ಮುಚ್ಚಿದೆ. ಕಣ್ಣೊಳಗೆ ಬಿದ್ದಿದ್ದು ಏನೆಂದೇ ನನಗೆ ಅರ್ಥವಾಗಿರಲಿಲ್ಲ. ಸದ್ಯ ಗುಡ್ಡೆಯ ಮೇಲೆ ದ್ರವ ಎಂದರೆ ಅಂಟು ಬೀಳಲಿಲ್ಲ. ಅಕಸ್ಮಾತ್ ನಾನು ಕಣ್ಣನ್ನು ಮುಚ್ಚದಿದ್ದರೆ ಏನಾಗುತ್ತಿತ್ತೋ ಗೊತ್ತಿಲ್ಲ’ ಎಂದಿದ್ದಾಳೆ ಆಕೆ. ನಂತರ ಆ್ಯಂಬುಲೆನ್ಸ್ನಲ್ಲಿ ಆಕೆಯನ್ನು ತುರ್ತು ಚಿಕಿತ್ಸಾ ವಿಭಾಗಕ್ಕೆ ಸೇರಿಸಲಾಯಿತು. ಚಿಕಿತ್ಸೆ ನಂತರ ಆಕೆಗೆ ಕಣ್ಣು ತೆರೆಯಲು ಸಾಧ್ಯವಾಯಿತು. ಆದರೆ ಕಣ್ಣಿನಲ್ಲಿ ಗೀರುಗಳು ಮೂಡಿದ್ದು ದೃಷ್ಟಿಯೂ ಮಸುಕಾಗಿದೆ. ಆ ಗಾಯ ಮಾಯವಾಗುವತನಕ ಆಕೆ ಕಣ್ಣನ್ನು ಮುಚ್ಚಿಕೊಂಡೇ ಇರಬೇಕು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
