Viral Video: ಅಪ್ಸರಾ ಆಲಿ: ‘ನಟರಂಗ’ದ ಅಪ್ಸರೆಯನ್ನು ಕರೆತಂದ ಆವಂತಿ ನಾಗರಾಳ ಮತ್ತು ಸಾಯೀ ಗೋಡ್ಬೋಲೆ
Natarang : 13 ವರ್ಷಗಳ ಹಿಂದೆ ಬಿಡುಗಡೆಯಾದ ಮರಾಠಿಯ ನಟರಂಗ ಸಿನೆಮಾದ ಗೀತೆ ಅಪ್ಸರಾ ಆಲೀ. ಬೇಲಾ ಶೇಂಡೆ ಹಾಡಿರುವ ಈ ಹಾಡು ಇಂದಿಗೂ ಚಿರನೂತನ. ಬೆಂಗಳೂರು ಮೂಲದ ಆವಂತಿ ನಾಗರಾಳ ಮತ್ತು ಮುಂಬೈ ಮೂಲದ ಸಾಯಿ ಗೋಡಬೋಲೆ ಈ ಹಾಡನ್ನು ಸುಶ್ರಾವ್ಯವಾಗಿ ಹಾಡಿದ್ದಾರೆ. ಈಗಾಗಲೇ ಸುಮಾರು 10 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ.
Marathi: ‘ಮುಂದಿನ 50 ವಾರಗಳಲ್ಲಿ 50 ವಿಭಿನ್ನ ಭಾಷೆಗಳಲ್ಲಿ 50 ವಿಭಿನ್ನ ಹಾಡುಗಳನ್ನು ಹಾಡಲಿದ್ದೇನೆ, ನೀವು ಇಷ್ಟಪಡುವ ಯಾವುದೇ ಭಾಷೆಯಲ್ಲಿ ನಿಮ್ಮ ನೆಚ್ಚಿನ ಹಾಡನ್ನು ಪ್ರತಿಕ್ರಿಯೆಯ ಮೂಲಕ ತಿಳಿಸಿ’ ಕರ್ನಾಟಕ ಮೂಲದ ಅಮೆರಿಕದಲ್ಲಿ ನೆಲೆಸಿರುವ ಗಾಯಕಿ ಆವಂತಿ ನಾಗರಾಳ (Avanti Nagral) ತಮ್ಮ ಇನ್ಸ್ಟಾಗ್ರಾಂನಲ್ಲಿ ತಿಳಿಸಿದ್ದಾರೆ. ಇದೀಗ ಅವರು ಮುಂಬೈನ ಗಾಯಕಿ ಸಾಯಿ ಗೋಡ್ಬೋಲೆಯೊಂದಿಗೆ ಹಾಡಿದ ಮರಾಠಿಯ ಪ್ರಸಿದ್ಧ ಸಿನೆಮಾ ‘ನಟರಂಗ’ದಿಂದ ‘ಅಪ್ಸರಾ ಆಲಿ’ ಹಾಡು ಮಿಲಿಯನ್ ಜನರ ಮನಸೂರೆಗೊಂಡಿದೆ. ಮಹಾರಾಷ್ಟ್ರದ ವೇಷಭೂಷಣದೊಂದಿಗೆ ಇವರಿಬ್ಬರೂ ಹಾಡಿದ ಈ ಲಾವಣಿ ಕೇಳಿದವರೆಲ್ಲರನ್ನೂ ತಲೆದೂಗುವಂತೆ ಮಾಡುತ್ತಿದೆ.
ಇದನ್ನೂ ಓದಿ : Viral Video: ‘ಹಾವುರಾಣಿ’ ನಿಮಗೆ ಬೆಡ್ ಬೆಡ್ಶೀಟ್ ಏನೂ ಬೇಕಾಗಿಲ್ಲ ಬಿಡಿ ಎನ್ನುತ್ತಿರುವ ನೆಟ್ಟಿಗರು
5 ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋ ಅನ್ನು ಈತನಕ 10 ಮಿಲಿಯನ್ ಜನರು ನೋಡಿದ್ದಾರೆ. 1ಮಿಲಿಯನ್ಗಿಂತಲೂ ಹೆಚ್ಚು ಜನ ಇದನ್ನು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ತಮ್ಮ ನೆಚ್ಚಿನ ಈ ಗೀತೆಯನ್ನು ಹಾಡಿದ್ದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಾಗೆಯೇ ತಮ್ಮ ನೆಚ್ಚಿನ ಗೀತೆಗಳನ್ನು ಹಾಡುವಂತೆ ಆವಂತಿಗೆ ಕೋರಿಕೆ ಸಲ್ಲಿಸಿದ್ದಾರೆ.
ಅಪ್ಸರಾ ಆಲಿ…
View this post on Instagram
ಇದು ಮೂಲಹಾಡಿಗಿಂತ ಸುಂದರವಾಗಿ ಕೇಳಿಬಂದಿದೆ, ನಾನು ಮತ್ತೆ ಮತ್ತೆ ಈ ಹಾಡನ್ನು ಕೇಳುತ್ತಿದ್ದೇನೆ ಎಂದಿದ್ದಾರೆ ಒಬ್ಬರು. ನೀವಿಬ್ಬರೂ ನೋಡಲೂ ಛಂದವಾಗಿದ್ದೀರಿ, ನಿಮ್ಮ ಧ್ವನಿಯೂ ಅಷ್ಟೇ ಮಧುರವಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ತುಂಬಾ ಆಪ್ತವಾದ ಪ್ರಸ್ತುತಿ ಎಂದಿದ್ದಾರೆ ಮತ್ತೊಬ್ಬರು. ಈ ಹಾಡಿನ ವೈಬ್ ಮಾತ್ರ ಬಹಳ ಅದ್ಭುತ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಗುಜರಾತ್; ಜಾಯಿಂಟ್ ವೀಲ್ನಲ್ಲಿ ಯುವತಿಯ ಕೂದಲು ಸಿಕ್ಕಿಹಾಕಿಕೊಂಡಾಗ
ಈ ಹಾಡು ರವಿ ಜಾಧವ್ ನಿರ್ದೇಶನದ ಮರಾಠಿ ಸಿನೆಮಾದ್ದು. 2010ರಲ್ಲಿ ಇದು ಬಿಡುಗಡೆಯಾಗಿದೆ. ಆಂದಿನಿಂದ ಇಂದಿನವರೆಗೂ ಈ ಹಾಡು ಸಂಗೀತಪ್ರೇಮಿಗಳ ನೆಚ್ಚಿನ ಹಾಡುಗಳಲ್ಲೊಂದು. ಅಜಯ್ ಮತ್ತು ಅತುಲ್ ಕುಲಕರ್ಣಿ ಈ ಹಾಡಿನ ಸಂಗೀತ ನಿರ್ದೇಶಕರು. ಬೇಲಾ ಶೆಂಡೆ ಮತ್ತು ಅಜಯ್ ಅತುಲ್ ಈ ಹಾಡನ್ನು ಹಾಡಿದ್ದು, ಇದನ್ನು ಬರೆದವರು ಗುರು ಠಾಕೂರ್. ಸೋನಾಲಿ ಕುಲಕರ್ಣಿ ಈ ಹಾಡಿಗೆ ನಟಿಸಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು? ನೀವೂ ಈ ಹಾಡನ್ನು ಗುನಗುತ್ತಿರುವಿರೇ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
