ಅಮ್ರುಲ್ಲಾಹ್ ಸಾಲೆಹ್​​ಗೆ ನಿಷ್ಠೆ ವ್ಯಕ್ತಪಡಿಸಿ ಪಂಜಶೀರ್ ಕಣಿವೆಯತ್ತ ಧಾವಿಸುತ್ತಿರುವ ಆಫ್ಘನ್ ಸೇನಾ ಪಡೆಗಳು!

ದಿನದಿಂದ ದಿನಕ್ಕೆ ಪಂಜ​​ಶೀರ್ ತಾಲಿಬಾನಿಗಳಿಗೆ ಕಬ್ಬಿಣದ ಕಡಲೆಯಾಗುತ್ತಿದೆ. ಆದರೆ ಈ ಪ್ರಾಂತ್ಯವನ್ನು ವಶಪಡಿಸಿಕೊಳ್ಳದೆ, ಸಮಗ್ರ ಅಫ್ಘಾನಿಸ್ತಾನದ ಮೇಲೆ ಪ್ರಭುತ್ವ ಸಾಧಿಸಿದಂತಾಗದು ಅನ್ನುವ ಅಂಶ ತಾಲಿಬಾನ್ ನಾಯಕತ್ವಕ್ಕೆ ಚೆನ್ನಾಗಿ ಗೊತ್ತಿದೆ. ಹಾಗೆಯೇ, ಪಂಜಶಿರ್​ ಅನ್ನು ವಶಪಡಿಸಿಕೊಳ್ಳವುದು ಸುಲಭವಲ್ಲ ಅನ್ನೋದು ಸಹ ತಾಲಿಬಾನ್​ ಗೊತ್ತು. ಪಂಜಶೀರ್ ಪ್ರಾಂತ್ಯದ ಪ್ರತಿರೋಧ ಈಗ ಮತ್ತಷ್ಟು ಹೆಚ್ಚಲಿದೆ. ಅಫ್ಫಾನಿಸ್ತಾನದ ಉಪಾಧ್ಯಕ್ಷ ಅಮ್ರುಲ್ಲಾಹ್ ಸಾಲೆಹ್ ಅವರು ಇದೇ ಪ್ರಾಂತ್ಯದವರಾಗಿದ್ದು ತಾಲಿಬಾನ್​ ಕಾಬೂಲ್​​ ನಗರವನ್ನು ವಶಪಡಿಸಿಕೊಂಡ ನಂತರ ಅಲ್ಲಿಗೆ ಮರಳಿದ್ದಾರೆ.

ಒಂದು ಮುಖ್ಯ ಬೆಳವಣಿಗೆಯೆಂದರೆ, ಸಾಲೆಹ್ ಅವರಿಗೆ ನಿಷ್ಠೆ ಪ್ರದರ್ಶಿರುವ ಅಫ್ಘಾನಿಸ್ತಾನದ ಸೇನೆ ಪಂಜಶಿರ್​ನಲ್ಲಿ ಜಮಾವಣೆಗೊಳ್ಳುತ್ತಿದೆ. ಇಲ್ಲಿರುವ ವಿಡಿಯೋನಲ್ಲಿ ನೀವು ಆಫ್ಘನ್ ಸೇನೆ ಪಂಜಶೀರ್ ಕಣಿವೆಯತ್ತ ಸಾಗುತ್ತಿರುವುದನ್ನು ಕಾಣಬಹುದು. ಈ ಬೆಳವಣಿಯಿಂದ ಪಂಜಶೀರ್​ ನಾಯಕ ಅಹ್ಮದ್​ ಮಸ್ಸೂದ್ ಅವರ ನೈತಿಕ ಸ್ಥೈರ್ಯ ಹೆಚ್ಚಿದೆ. ಸುಮಾರು 11,000 ಆಫ್ಘನ್​ ಯೋಧರು ಪಂಜಶೀರ್ ಕಣಿವೆಯಲ್ಲಿ ಜಮಾವಣೆಗೊಂಡಿದ್ದಾರೆಂಬ ವರದಿ ಇದೆ.

ಅಹ್ಮದ್​ ಅವರೊಂದಿಗೆ 9,000 ಹೋರಾಟಗಾರರ ಪಡೆಯಿದೆ. ಇದರಲ್ಲಿ ಸ್ಥಳೀಯ ಯೋಧರು, ಆಫ್ಘನ್ ಸೇನೆಯನ್ನು ತೊರೆದು ಬಂದವರು ಸೇರಿದ್ದಾರೆ. ಆಹ್ಮದ್​ ಮತ್ತು ಸಾಲೆಹ್ ಅವರ ನೇತೃತ್ವದಲ್ಲಿ ಸೇನೆಗಳು ಹೇಗೆ ತಾಲಿಬಾನ್​ ಸೇನೆಯನ್ನು ಹಿಮ್ಮೆಟ್ಟಿಸುತ್ತಾರೆ ಅಂತ ಕಾದು ನೋಡಬೇಕು.

ಇದನ್ನೂ ಓದಿ: ಬಾತುಕೋಳಿ ಸುರಕ್ಷಿತವಾಗಿ ರಸ್ತೆ ದಾಟಲು ಸಹಾಯ ಮಾಡಿ ಮಾನವೀಯತೆ ಮೆರೆದ ವ್ಯಕ್ತಿ; ಹೃದಯಸ್ಪರ್ಶಿ ವಿಡಿಯೋ ವೈರಲ್