Glass Bridge Tragedy: ಇಂಡೋನೇಷ್ಯಾದಲ್ಲಿ 30 ಅಡಿ ಎತ್ತರದ ಗ್ಲಾಸ್ ಬ್ರಿಡ್ಜ್ ಒಡೆದು ಟೂರ್ ಗೈಡ್ ಸಾವು, ಇಬ್ಬರಿಗೆ ಗಾಯ
Updated on:Oct 28, 2023 | 4:22 PM
ಪ್ರವಾಸಿಗರು ಗಾಜಿನ ಸೇತುವೆಯ ಮೇಲೆ ನಡೆದುಕೊಂಡು ಹೋಗುತ್ತಿದ್ದಾಗ ಏಕಾಏಕಿ ಗಾಜಿನ ಸೇತುವೆಯ ಮೇಲಿನ ಎರಡು ದೊಡ್ಡ ಗಾಜುಗಳು ಮುರಿದು ಬಿದ್ದಿವೆ. ಪರಿಣಾಮ ಇಬ್ಬರು 30 ಅಡಿ ಎತ್ತರದಿಂದ ಬಿದ್ದಿದ್ದಾರೆ. ಇಂಡೋನೇಷ್ಯಾದ ಪ್ರಸಿದ್ಧ ಗಾಜಿನ ಸೇತುವೆಯ ಮೇಲೆ ಫ್ಯಾನ್ಸಿ ವಾಸ್ತುಶಿಲ್ಪದಿಂದ ಮಾಡಲ್ಪಟ್ಟ ಸೇತುವೆ ಮೇಲೆ ಈ ಅಪಘಾತ ಸಂಭವಿಸಿದೆ.
ಅಲಂಕಾರಿಕ ವಾಸ್ತುಶಿಲ್ಪದೊಂದಿಗೆ ಭವ್ಯವಾಗಿ ನಿರ್ಮಿಸಲಾದ ಗಾಜಿನ ಸೇತುವೆಯು ಛಿದ್ರಗೊಂಡಿದೆ. ಅದರ ಮೇಲೆ ನಡೆದುಕೊಂಡು ಹೋಗುತ್ತಿದ್ದ ಜನರು ಏಕಾಏಕಿ 30 ಅಡಿ ಕೆಳಗೆ ಬಿದ್ದಂತಹ ಅನುಭವಕ್ಕೆ ತುತ್ತಾಗಿದ್ದಾರೆ. ಅದರಲ್ಲಿ ಒಬ್ಬ ಟೂರ್ ಗೈಡ್ ಕೆಳಕ್ಕೆ ಬಿದ್ದು ಸಾವನ್ನಪ್ಪಿದ್ದಾರೆ. 11 ಪ್ರವಾಸಿಗರು ಗಾಜಿನ ಸೇತುವೆಯ ಮೇಲೆ ನಡೆದುಕೊಂಡು ಹೋಗುತ್ತಿದ್ದಾಗ ಏಕಾಏಕಿ ಗಾಜಿನ ಸೇತುವೆಯ ಮೇಲಿನ ಎರಡು ದೊಡ್ಡ ಜಾಗುಗಳು ಮುರಿದು ಬಿದ್ದಿವೆ. ಪರಿಣಾಮ ಇಬ್ಬರು 30 ಅಡಿ ಎತ್ತರದಿಂದ ಬಿದ್ದಿದ್ದಾರೆ.
ಅಷ್ಟೊಂದು ಎತ್ತರದಿಂದ ಬಿದ್ದವರಲ್ಲಿ ಒಬ್ಬರು ಗಾಯಗೊಂಡಿದ್ದು, ಮತ್ತೊಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇಂಡೋನೇಷ್ಯಾದ ಪ್ರಸಿದ್ಧ ಗಾಜಿನ ಸೇತುವೆಯ ಮೇಲೆ ಫ್ಯಾನ್ಸಿ ವಾಸ್ತುಶಿಲ್ಪದಿಂದ ಮಾಡಲ್ಪಟ್ಟ ಸೇತುವೆ ಮೇಲೆ ಅಪಘಾತ ಸಂಭವಿಸಿದೆ. ಇದೇ ವೇಳೆ ಇನ್ನಿಬ್ಬರು ಪ್ರವಾಸಿಗರು ಮಾರ್ಗದರ್ಶಕರ ಹಗ್ಗದ ಸಹಾಯದಿಂದ ಪ್ರಾಣ ಉಳಿಸಿಕೊಂಡರು. ಉಳಿದವರು ತಮ್ಮನ್ನು ತಾವು ನಿಯಂತ್ರಿಸಿಕೊಂಡು ಸುರಕ್ಷಿತವಾಗಿ ಕೆಳಗಿಳಿದುಬಂದಿದ್ದಾರೆ.
ಇದನ್ನೂ ಓದಿ: ಇಂದೇ ಹೊರಡಿ ಮಡಿಕೇರಿಗೆ! ಗ್ಲಾಸ್ ಬ್ರಿಡ್ಜ್ ಮೇಲಿಂದ ಬಗ್ಗಿ ನೋಡಿದರೆ ಎದೆ ಝಲ್ ಝಲ್! ಇಲ್ಲಿದೆ ಒಂದು ಝಲಕ್!
ಈ ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಅದನ್ನು ನೋಡಿದ ಜನ ಬೆಚ್ಚಿಬಿದ್ದಿದ್ದಾರೆ. ವಿಡಿಯೋ ದೃಶ್ಯ ನೋಡಲು ತುಂಬಾ ಭಯಾನಕವಾಗಿವೆ.
