ಲೆಟರ್ ವಿಷಯದಲ್ಲಿ ಗಾನವಿಗೆ ಕ್ಲಾಸ್? ಸೂಚನೆ ಕೊಟ್ಟ ಸುದೀಪ್
Updated on:Nov 07, 2026 | 1:20 PM
ಬಿಗ್ ಬಾಸ್ ಕನ್ನಡ 13 ಕಾರ್ಯಕ್ರಮದಲ್ಲಿ, ನಿರೂಪಕ ಕಿಚ್ಚ ಸುದೀಪ್ ಅವರು ಸ್ಪರ್ಧಿಗಳಿಗೆ ಬಂದ ಅನಾಮಧೇಯ ಪತ್ರಗಳ ಬಗ್ಗೆ ಮಾತನಾಡಿದ್ದಾರೆ. ವಿಳಾಸವಿಲ್ಲದ ಪತ್ರಗಳಲ್ಲಿನ ಹೊಗಳಿಕೆ ಅಥವಾ ಟೀಕೆಗಳು ತಲೆಕೆಡಿಸುತ್ತವೆ ಎಂದು ಅವರು ವಿವರಿಸಿದರು. ಕೆಲವರು ಟೀಕೆಯಿಂದ ವಿಚಲಿತರಾದರೆ, ಇನ್ನು ಕೆಲವರು ಹೊಗಳಿಕೆಗಾಗಿ ಸ್ವತಃ ತಾವೇ ಇತರರಿಗೆ ತೊಂದರೆ ಕೊಡುತ್ತಾರೆ ಎಂಬ ವಿಷಯವನ್ನು ಸುದೀಪ್ ಪ್ರಸ್ತಾಪಿಸಿದರು. ಈ ಪತ್ರಗಳಿಂದ ಸ್ಪರ್ಧಿಗಳಲ್ಲಿ ಉಂಟಾದ ಮಾನಸಿಕ ತೊಂದರೆಗಳ ಬಗ್ಗೆ ಅವರು ಬೆಳಕು ಚೆಲ್ಲಿದರು.
ಬಿಗ್ ಬಾಸ್ ಕನ್ನಡ 13 ವೇದಿಕೆಯಲ್ಲಿ ನಿರೂಪಕ ಕಿಚ್ಚ ಸುದೀಪ್ ಅವರು ಮನೆಯ ಸದಸ್ಯರಿಗೆ ಬಂದ ಪತ್ರಗಳ ಕುರಿತು ಮಹತ್ವದ ವಿಚಾರಗಳನ್ನು ಪ್ರಸ್ತಾಪಿಸಿದರು. ಈ ಕುರಿತು ಮಾತನಾಡಿದ ಸುದೀಪ್, ‘ನಮಗೆ ಕೆಲವು ಪತ್ರಗಳು ಬರ್ತವೆ. ಅದರಲ್ಲಿ ಫ್ರಮ್ ಅಡ್ರೆಸ್ ಇದ್ದಾಗ, ಒಳ್ಳೆದೋ, ಕೆಟ್ಟದೋ, ಒಂದು ಕ್ಲಾರಿಟಿ ಅಂತೂ ಇರುತ್ತೆ. ಫ್ರಮ್ ಅಡ್ರೆಸ್ ಇಲ್ಲದೆ ಬರೋ ಪತ್ರಗಳಲ್ಲಿ, ಹೊಗಳಿದ್ರೂ ಅಥವಾ ಬೈದಿದ್ದರೂನು, ಒಂದು ತಲೆ ಅಂತೂ ಖಂಡಿತ ಕೆಡುತ್ತೆ’ ಎಂದು ಸುದೀಪ್ ವಿವರಿಸಿದರು. ‘ನಂಗೆ ಅಮ್ಮ ಮಾತ್ರ ಇರೋದು’ ಎಂದು ಸೆಂಟಿಮೆಂಟ್ ಹೊಡೆದು ಪತ್ರ ಪಡೆದಿದ್ದರು ಗಾನವಿ. ಇದನ್ನು ಸುದೀಪ್ ಪ್ರಸ್ತಾಪ ಮಾಡೋ ಸಾಧ್ಯತೆ ಇದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published on: Nov 07, 2026 01:18 PM
Follow Us
Related Video
Latest Videos
