‘ನಾನು ತೋರಿಸಿದ ಆ ಸನ್ನೆಗೂ ಸಂಚಾರಿ ವಿಜಯ್ ಚಿತ್ರಕ್ಕೂ ಸಂಬಂಧ ಇದೆ’; ಚಕ್ರವರ್ತಿ ಚಂದ್ರಚೂಡ್
Updated on: Aug 02, 2021 | 6:01 PM
ಬಿಗ್ ಬಾಸ್ ಮನೆಯೊಳಗೆ ಚಕ್ರವರ್ತಿ ಚಂದ್ರಚೂಡ್ ಅವರು ಮಧ್ಯ ಬೆರಳು ತೋರಿಸಿ ವೀಕ್ಷಕರ ಅಸಮಾಧಾನಕ್ಕೆ ಕಾರಣ ಆಗಿದ್ದರು. ಆ ವಿವಾದದ ಬಗ್ಗೆ ಅವರೀಗ ಸ್ಪಷ್ಟನೆ ನೀಡಿದ್ದಾರೆ.
ಬಿಗ್ ಬಾಸ್ ಕನ್ನಡ (Bigg Boss Kannada) ಸೀಸನ್ 8ರಲ್ಲಿ ಭಿನ್ನ ವ್ಯಕ್ತಿತ್ವದ ಮೂಲಕ ಗುರುತಿಸಿಕೊಂಡವರು ಚಕ್ರವರ್ತಿ ಚಂದ್ರಡೂಡ್ (Chakravarthy Chandrachud). ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಪಡೆದ ಅವರು ಕಳೆದ ವಾರ ಮಿಡ್ ವೀಕ್ ಎಲಿಮಿನೇಷನ್ನಲ್ಲಿ ಮನೆಯಿಂದ ಹೊರಬರಬೇಕಾಯಿತು. ಇದ್ದಷ್ಟು ದಿನವೂ ಅವರು ಒಂದಿಲ್ಲೊಂದು ವಿವಾದ ಮಾಡಿಕೊಳ್ಳುತ್ತಲೇ ಇದ್ದರು. ಆದರೆ ಹೆಚ್ಚು ಚರ್ಚೆ ಆಗಿದ್ದು ಮಾತ್ರ ಅವರು ತೋರಿಸಿದ ಒಂದು ಅಸಭ್ಯ ಸನ್ನೆ. ಪ್ರಿಯಾಂಕಾ ತಿಮ್ಮೇಶ್ (Priyanka Thimmesh) ಅವರು ಎಲಿಮಿನೇಟ್ ಆದಾಗ ಚಕ್ರವರ್ತಿಯನ್ನು ನೇರವಾಗಿ ನಾಮಿನೇಟ್ ಮಾಡಿದ್ದರು. ಅದರಿಂದ ಅಸಮಾಧಾನಗೊಂಡ ಅವರು ಮಧ್ಯ ಬೆರಳು ತೋರಿಸಿ ತಪ್ಪು ಮಾಡಿದರು. ಆದರೆ ತಾವು ತೋರಿಸಿದ ಆ ಸನ್ನೆಗೂ ಸಂಚಾರಿ ವಿಜಯ್ ಸಿನಿಮಾಗೂ ಸಂಬಂಧ ಇದೆ ಎಂಬುದು ಚಕ್ರವರ್ತಿ ಚಂದ್ರಚೂಡ್ ವಾದ!
ಸಂಚಾರಿ ವಿಜಯ್ ನಟಿಸಿದ ‘ಮೇಲೊಬ್ಬ ಮಾಯಾವಿ’ ಸಿನಿಮಾದಲ್ಲಿ ಚಂದ್ರಚೂಡ್ ಕೂಡ ಬಣ್ಣ ಹಚ್ಚಿದ್ದಾರೆ. ಆ ಚಿತ್ರದ ಶೂಟಿಂಗ್ ಸಂದರ್ಭದಲ್ಲಿ ಬೇರೊಂದು ಕಾರಣಕ್ಕೆ ಈ ಸನ್ನೆ ಬಳಕೆ ಆಗುತ್ತಿತ್ತು ಎಂದು ಅವರು ಹೇಳಿದ್ದಾರೆ. ಆ ಕಾರಣ ಏನು ಎಂಬುದನ್ನು ಕೂಡ ವಿವರಿಸಿದ್ದಾರೆ. ಆದರೆ ಕಿಚ್ಚನ ಪಂಚಾಯ್ತಿಯಲ್ಲಿ ಸುದೀಪ್ ಪ್ರಶ್ನೆ ಕೇಳಿದ್ದಾಗ ಚಕ್ರವರ್ತಿ ಕೊಟ್ಟ ಉತ್ತರವೇ ಬೇರೆ ಆಗಿತ್ತು.
ಇದನ್ನೂ ಓದಿ:
