ಕಾಂಗ್ರೆಸ್ ಮುಖಂಡನ ಮನೆ ಮುಂದೆ ವಾಮಾಚಾರ: ಲಗ್ನ ಪತ್ರಿಕೆಯೊಂದಿಗೆ ನವದಂಪತಿಗೆ ಕೆಡುಕು ಮಾಡಲು ಯತ್ನ

ಕೋಲಾರ, ಸೆಪ್ಟೆಂಬರ್​ 28: ಜಿಲ್ಲೆಯ ಬಂಗಾರಪೇಟೆ ತಾಲೂಕಿನ ಸಕ್ಕನಹಳ್ಳಿ ಗ್ರಾಮದಲ್ಲಿ ಕಾಂಗ್ರೆಸ್ ಮುಖಂಡ ಕುಪೇಂದ್ರ ಮನೆ ಮುಂದೆ ದುಷ್ಕರ್ಮಿಗಳು ವಾಮಾಚಾರ ನಡೆಸಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ವಾಮಾಚಾರಕ್ಕಾಗಿ ಮದುವೆಯ ಲಗ್ನ ಪತ್ರಿಕೆ, ಮೂಳೆ ಹಾಗೂ ಕಪ್ಪು ಅನ್ನವನ್ನು ಬಳಸಿರುವುದು ಪತ್ತೆಯಾಗಿದೆ. ಕುಪೇಂದ್ರ ಅವರು ಕಳೆದ ಒಂದು ತಿಂಗಳ ಹಿಂದೆಯಷ್ಟೇ ತಮ್ಮ ಮಗನ ವಿವಾಹ ಮಾಡಿದ್ದಾರೆ. ಇದೀಗ ನವದಂಪತಿಗೆ ಕೆಡುಕು ಉಂಟುಮಾಡುವ ದುರುದ್ದೇಶದಿಂದಲೇ ಕಿಡಿಗೇಡಿಗಳು ಲಗ್ನ ಪತ್ರಿಕೆ ಇಟ್ಟು ವಾಮಾಚಾರ ಮಾಡಿದ್ದಾರೆ ಎಂದು ಕುಟುಂಬಸ್ಥರು ಗಂಭೀರ ಆರೋಪ ಮಾಡಿದ್ದಾರೆ. ಸದ್ಯ ವಾಮಾಚಾರ ಕಂಡು ಕುಪೇಂದ್ರ ಕುಟುಂಬ ಭಯಭೀತರಾಗಿದ್ದಾರೆ. ಬೂದಿಕೋಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.