ಚಾಮರಾಜನಗರ ಪ್ರಕರಣ: ಗೃಹ ಪ್ರವೇಶದ ಸಂಭ್ರಮ ತುಂಬಿರಬೇಕಿದ್ದ ಕುಮಾರ್​​ ಮನೆಯಲ್ಲೀಗ ಸೂತಕ!

ಚಾಮರಾಜನಗರ, ಆಗಸ್ಟ್​​ 21: ಹನೂರು ಬಳಿ ನಡೆದ ಅರಣ್ಯ ಇಲಾಖೆ ಎನ್​ಕೌಂಟರ್​ನಲ್ಲಿ ಕುಮಾರ್, ಆಂಟೋನಿಸ್ವಾಮಿ ಹಾಗೂ ಪೀಟರ್ ಎಂಬ ಮೂವರು ಬಲಿಯಾಗಿದ್ದಾರೆ. ಈ ಪೈಕಿ ಕುಮಾರ್ ಅವರ ಮನೆ ಗೃಹಪ್ರವೇಶ ಇಂದು (ಆಗಸ್ಟ್​​ 21) ನಿಗದಿಯಾಗಿತ್ತು. ಆದರೆ, ಘಟನೆ ನಡೆದ ನಂತರ ಗೃಹಪ್ರವೇಶದ ಬದಲು ಕುಟುಂಬಸ್ಥರು ಶ್ರಾದ್ಧ ಕಾರ್ಯಗಳನ್ನು ನಡೆಸುತ್ತಿದ್ದಾರೆ. ಕೇರಳದಲ್ಲಿ ಹಿಟಾಚಿ ಆಪರೇಟರ್ ಆಗಿದ್ದ ಕುಮಾರ್, ಮೂಲತಃ ಚಾಮರಾಜನಗರದವರಾಗಿದ್ದು, ಆಗಾಗ ಊರಿಗೆ ಬರುತ್ತಿದ್ದರು. ಮೃತರ ಕುಟುಂಬಸ್ಥರು ಈ ಎನ್​ಕೌಂಟರ್ ನಕಲಿ ಎಂದು ಆರೋಪಿಸಿದ್ದು, ಅರಣ್ಯ ಅಧಿಕಾರಿಗಳೇ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾರೆ ಎಂದು ದೂರಿದ್ದಾರೆ. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಸೂಚನೆ ಮೇರೆಗೆ ಕೊಳ್ಳೇಗಾಲ ಎಸಿ ನೇತೃತ್ವದಲ್ಲಿ ಘಟನೆ ಸಂಬಂಧ ಮ್ಯಾಜಿಸ್ಟ್ರೇಟ್ ತನಿಖೆ ನಡೆಯುತ್ತಿದೆ.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.