ಡಿವೋರ್ಸ್ ಪಡೆದು ಕೈ-ಕೈ ಹಿಡಿದುಕೊಂಡು ಹೋದ ವಿವೇದಿತಾ ಗೌಡ, ಚಂದನ್ ಶೆಟ್ಟಿ
Updated on: Jun 07, 2024 | 10:36 PM
ಗಾಯಕ ಚಂದನ್ ಶೆಟ್ಟಿ ಮತ್ತು ನಟಿ ನಿವೇದಿತಾ ಗೌಡ ಅವರು ತಮ್ಮಿಬ್ಬರ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದ್ದಾರೆ. ಇಂದು (ಜೂ.7) ಶಾಂತಿನಗರದ ಫ್ಯಾಮಿಲಿ ಕೋರ್ಟ್ಗೆ ಬಂದಿದ್ದ ನಿವೇದಿತಾ ಗೌಡ ಮತ್ತು ಚಂದನ್ ಶೆಟ್ಟಿ ಅವರು ವಾಪಸ್ ಹೋಗುವಾಗ ಕೈ-ಕೈ ಹಿಡಿದುಕೊಂಡು ಸಾಗಿದರು. ಈ ಸಂದರ್ಭದ ವಿಡಿಯೋ ಇಲ್ಲಿದೆ ನೋಡಿ...
ಪ್ರೀತಿಸಿ ಮದುವೆ ಆದ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ (Niveditha Gowda) ಅವರು ಇಂದು (ಜೂನ್ 7) ವಿಚ್ಛೇದನ ಪಡೆದಿದ್ದು ಎಲ್ಲರಿಗೂ ಶಾಕ್ ಆಯಿತು. ಬೆಂಗಳೂರಿನ ಶಾಂತಿನಗರದ ಕೌಟುಂಬಿಕ ನ್ಯಾಯಾಲಯದಲ್ಲಿ ನಿವೇದಿತಾ ಗೌಡ ಹಾಗೂ ಚಂದನ್ ಶೆಟ್ಟಿ ಅವರು ಡಿವೋರ್ಸ್ (Divorce) ಪಡೆದಿದ್ದಾರೆ. ಈ ಸಲುವಾಗಿ ಕೋರ್ಟ್ಗೆ ಬಂದಿದ್ದ ಅವರು ವಾಪಸ್ ತೆರಳುವಾಗ ಕೈ-ಕೈ ಹಿಡಿದು ಸಾಗಿದ್ದು ವಿಶೇಷವಾಗಿತ್ತು. ಅದಕ್ಕೂ ಮುನ್ನ ಕೋರ್ಟ್ ಹಾಲ್ನಲ್ಲಿ ಅಕ್ಕಪಕ್ಕ ಕುಳಿತ ಅವರು ನಗುನಗುತ್ತಾ ಕಾಲ ಕಳೆದಿದ್ದರು. ಹಾಗಿದ್ದರೂ ಕೂಡ ಅವರು ವಿಚ್ಛೇದನ ಪಡೆದಿದ್ದು ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ. ‘ಬಿಗ್ ಬಾಸ್ ಕನ್ನಡ ಸೀಸನ್ 5’ ರಿಯಾಲಿಟಿ ಶೋನಲ್ಲಿ ಮೊದಲ ಬಾರಿಗೆ ಚಂದನ್ ಶೆಟ್ಟಿ (Chandan Shetty) ಮತ್ತು ನಿವೇದಿತಾ ಗೌಡ ಅವರ ಪರಿಚಯ ಆಗಿತ್ತು. ನಂತರ ಅವರಿಬ್ಬರ ನಡುವೆ ಪ್ರೀತಿ ಮೂಡಿತು. ಈಗ ಡಿವೋರ್ಸ್ ಪಡೆದುಕೊಂಡು ಅವರು ತಮ್ಮ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
