ಜನಾಕ್ರೋಶ ಬೆನ್ನಲ್ಲೇ ಎಚ್ಚೆತ್ತ ರಾಜ್ಯ ಸರ್ಕಾರ, ಮೊಸರಿನ ದರ ಇಳಿಕೆಗೆ ಸಿಎಂ ಸೂಚನೆ

ಬೆಂಗಳೂರು, ನವೆಂಬರ್ 2: ಕರ್ನಾಟಕದಲ್ಲಿ ನಂದಿನಿ ಹಾಲು, ಮೊಸರಿನ ದರ ಏರಿಕೆಗೆ ಆಕ್ರೋಶಗಳು ವ್ಯಕ್ತವಾಗುತ್ತಿವೆ. ನಂದಿನ ಹಾಲಿನ ದರ ಲೀಟರ್​​​ಗೆ 8 ರೂ. ಏರಿಕೆ ಮಾಡಿದೆ. ಈ 8 ರೂಪಾಯಿ ಪೈಕಿ 7 ರೂ. ರೈತರಿಗೆ 1 ರೂ.ಕೆಎಂಎಫ್​​​ಗೆ ಓಕೆ. ಆದ್ರೆ, ಮೊಸರು ಲೀಟರ್​​​ಗೆ 14 ರೂಪಾಯಿ ಹೆಚ್ಚಿಸಿದ್ಯಾಕೆ? ಈ ಹಣ ರೈತರಿಗೆ ಹೋಗುತ್ತಾ ಎಂದು ಪ್ರಶ್ನೆಗಳು ಉದ್ಭವಿಸಿವೆ. ಈ ಬಗ್ಗೆ ಸಾಮಾಜಿ ಜಾಲತಾಣಗಳಲ್ಲಿ ಭಾರೀ ಚರ್ಚೆ ಆಗುತ್ತಿದವೆ. ಇದರ ಬೆನ್ನಲ್ಲೇ ಎಚ್ಚೆತ್ತ ಸಿಎಂ ಡಿಕೆ ಶಿವಕುಮಾರ್, ಏರಿಕೆ ಮಾಡಲಾಗಿದ್ದ ಮೊಸರಿ ಬೆಲೆಯಲ್ಲಿ ಎರಡು ರೂ. ಇಳಿಕೆ ಮಾಡಲು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಈ ಸಂಬಂಧ ಇಂದು (ನವೆಂಬರ್ 02) ಬೆಂಗಳೂರಿನಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಸಿಎಂ ಡಿಕೆ ಶಿವಕುಮಾರ್,ಹಾಲಿನ ದರದ 8 ರೂ. ಪೈಕಿ 7 ರೂ. ರೈತರಿಗೆ ಕೊಡುತ್ತಿದ್ದೇವೆ. ಮೊಸರು ದರ ಕಡಿಮೆ ಮಾಡುವುದಕ್ಕೆ ಹೇಳಿದ್ದೇನೆ. ನೀರಿನ ಬಾಟಲಿ ದರ ಹೆಚ್ಚಾದಾಗ ಒಬ್ಬರೂ ಮಾತಾಡಿಲ್ಲ. ಯಾಕಂದ್ರೆ ಆ ಹಣ ಕೇಂದ್ರ ಸರ್ಕಾರಕ್ಕೆ ಹೋಗುತ್ತಲ್ವಾ? ಎಂದು ಪ್ರಶ್ನಿಸಿದ್ದು, ಮೊಸರಿನ ಬೆಲೆ ಒಂದೆರಡು ರೂಪಾಯಿ ಇಳಿಸೋದಕ್ಕೆ ಹೇಳಿದ್ದೇನೆ ಎಂದು ಸ್ಪಷ್ಟಪಡಿಸಿದರು. ಇದರೊಂದಿಗೆ ಲೀಟರ್ ಮೊಸರಿಗೆ 14 ರೂ. ಹೆಚ್ಚಿಸಿದ್ದನ್ನು 12 ರೂ.ಗೆ ಇಳಕೆ ಮಾಡಲಾಗುತ್ತಿದೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ