ವಿಶ್ವ ಬಂಟರ ಸಮ್ಮೇಳನದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಭಾಗಿ, ಅಸೆಂಬ್ಲಿ ಸ್ಪೀಕರ್ ಯುಟಿ ಖಾದರ್ ಉಪಸ್ಥಿತಿ
Updated on: Oct 28, 2023 | 3:34 PM
ಅದಕ್ಕೂ ಮೊದಲು ವೇದಿಕೆ ಮೇಲಿದ್ದವರಿಗೆ ಎಳನೀರು ತಂದು ಕೊಟ್ಟಾಗಲೂ ಸಿದ್ದರಾಮಯ್ಯ ಪೇಪರ್ ನಲ್ಲಿದ್ದಿದನ್ನು ಓದುತ್ತಲೇ ಕುಡಿಯುತ್ತಾರೆ. ಮುಖ್ಯಮಂತ್ರಿ ಎಡಭಾಗದಲ್ಲಿ ವಿಧಾನ ಸಭಾ ಸ್ಪೀಕರ್ ಯುಟಿ ಖಾದರ್, ಮತ್ತೊಂದು ಭಾಗದಲ್ಲಿ ಮಾಜಿ ವಿಧಾನ ಪರಿಷತ್ ಸದಸ್ಯ ಐವಾನ್ ಡಿಸೋಜ ಕೂತಿರುವುದನ್ನು ನೋಡಬಹುದು.
ಉಡುಪಿ: ಮುಖ್ಯಮಂತ್ರಿ ಸಿದ್ದರಾಮಯ್ಯ (CM Siddaramaiah) ಉಡುಪಿಯಲ್ಲಿ ಆಯೋಜಿಸಲಾಗಿರುವ ವಿಶ್ವ ಬಂಟರ ಸಮ್ಮೇಳನದಲ್ಲಿ (World Bunts Convention) ಭಾಗಿಯಾಗಿದ್ದರು. ಬೆಂಗಳೂರುನಿಂದ ಮಂಗಳೂರಿಗೆ ವಿಮಾನದಲ್ಲಿ ತೆರಳಿದ ಅಲ್ಲಿಂದ ಉಡುಪಿಗೆ ರಸ್ತೆಮಾರ್ಗವಾಗಿ ಪಯಣಿಸಿದರು. ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್ (Lakshmi Hebbalkar) ಮತ್ತು ಉಡುಪಿ ನೂರಾರು ಕಾಂಗ್ರೆಸ್ ಕಾರ್ಯಕರ್ತರು ಸಿದ್ದರಾಮಯ್ಯ ಅವರನ್ನು ಸ್ವಾಗತಿಸಿದರು. ವಿಶ್ವ ಬಂಟರ ಸಮ್ಮೇಳನ ವೇದಿಕೆಯಲ್ಲಿ ನಿರೂಪಕರು ವಿವರಣೆ ಮತ್ತು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಜಾಗತಿಕ ಬಂಟರ ಒಕ್ಕೂಟದ ಅಧ್ಯಕ್ಷ ಐಕಳ ಹರೀಶ್ ಶೆಟ್ಟಿಯವರಿಗೆ ಅಧ್ಯಕ್ಷೀಯ ಪೇಟ ತೊಡಿಸಬೇಕೆಂದು ಮನವಿ ಮಾಡಿದಾಗ ಏನ್ನನ್ನೋ ಓದುತ್ತಿದ್ದ ಸಿದ್ದರಾಮಯ್ಯ ಅದನ್ನು ಕೇಳಿಸಿಕೊಳ್ಳುವುದಿಲ್ಲ. ಅವರ ಬಲಭಾಗದದಲ್ಲಿ ಕುಳಿತಿದ್ದ ಲಕ್ಷ್ಮಿ ಹೆಬ್ಬಾಳ್ಕರ್ ಮುಖ್ಯಮಂತ್ರಿಯವರಿಗೆ ಮಾಡಬೇಕಿರುವುದರ ಬಗ್ಗೆ ಹೇಳುತ್ತಾರೆ. ಅದಕ್ಕೂ ಮೊದಲು ವೇದಿಕೆ ಮೇಲಿದ್ದವರಿಗೆ ಎಳನೀರು ತಂದು ಕೊಟ್ಟಾಗಲೂ ಸಿದ್ದರಾಮಯ್ಯ ಪೇಪರ್ ನಲ್ಲಿದ್ದಿದನ್ನು ಓದುತ್ತಲೇ ಕುಡಿಯುತ್ತಾರೆ. ಮುಖ್ಯಮಂತ್ರಿ ಎಡಭಾಗದಲ್ಲಿ ವಿಧಾನ ಸಭಾ ಸ್ಪೀಕರ್ ಯುಟಿ ಖಾದರ್ (UT Khader), ಮತ್ತೊಂದು ಭಾಗದಲ್ಲಿ ಮಾಜಿ ವಿಧಾನ ಪರಿಷತ್ ಸದಸ್ಯ ಐವಾನ್ ಡಿಸೋಜ ಕೂತಿರುವುದನ್ನು ನೋಡಬಹುದು.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
