ಬುಲೆಟ್​​ ಏರಿ ಕಾಂಗ್ರೆಸ್ ಜನಾಂದೋಲನಕ್ಕೆ ಬಂದ ಡಿಕೆಶಿ, ಗ್ರ್ಯಾಂಡ್ ಎಂಟ್ರಿ ವಿಡಿಯೋ ಇಲ್ಲಿದೆ

ರಾಮನಗರ, (ಆಗಸ್ಟ್​ 02): ಮುಡಾ, ವಾಲ್ಮೀಕಿ ಹಗರಣಗಳನ್ನು ಇಟ್ಟುಕೊಂಡು ಕಾಂಗ್ರೆಸ್​ ಸರ್ಕಾರದ ವಿರುದ್ಧ ವಿಪಕ್ಷಗಳಾದ ಬಿಜೆಪಿ ಮತ್ತು ಜೆಡಿಎಸ್​ ಪಾದಯಾತ್ರೆ ಕೈಗೊಂಡಿವೆ. ನಾಳೆಯಿಂದ (ಆಗಸ್ಟ್ 03) ಬೆಂಗಳೂರು ಟು ಮೈಸೂರು ಪಾದಯಾತ್ರೆಗೆ ಚಾಲನೆ ಸಿಗಲಿದೆ. ಈ ವಿಪಕ್ಷಗಳ ಪಾದಯಾತ್ರೆಗೆ ಟಕ್ಕರ್ ಕೊಡಲು ಕಾಂಗ್ರೆಸ್​​ ಸಹ ಜನಾಂದೋಲ ಕಾರ್ಯಕ್ರಮ ನಡೆಸುತ್ತಿದೆ. ವಿಪಕ್ಷಗಳು ತೆರಳುವ ಮಾರ್ಗದಲ್ಲೇ ಕಾಂಗ್ರೆಸ್​ ಸಭೆ ಮಾಡಲು ತೀರ್ಮಾನಿಸಿದೆ. ನಾಳೆ ಪಾದಯಾತ್ರೆ ಶುರುವಾಗಲಿದ್ದರಿಂದ ಇಂದು (ಆಗಸ್ಟ್​ 02) ರಾಮನಗರದ ಬಿಡದಿಯಲ್ಲಿ ಕಾಂಗ್ರೆಸ್​ ಜನಾಂದೋಲ ಸಭೆ ನಡೆದಿದ್ದು, ಡಿಸಿಎಂ ಡಿಕೆ ಶಿವಕುಮಾರ್ ಸೇರಿದಂತೆ ಹಲವು ನಾಯಕರು ಭಾಗವಹಿಸಿ ಬಿಜೆ-ಜೆಡಿಎಸ್​ ವಿರುದ್ಧ ವಾಗ್ದಾಳಿ ನಡೆಸಿದರು. ಇನ್ನು ಈ ಕಾರ್ಯಕ್ರಮಕ್ಕೆ ಡಿಕೆ ಶಿವಕುಮಾರ್ ಬುಲೆಟ್​ನಲ್ಲಿ ಬಂದು ಗಮನಸೆಳೆದಿದ್ದಾರೆ. ​ ವಂಡರ್ಲಾ ಗೇಟ್ ನಿಂದ ಬಿಡದಿ ತನಕ ಶಾಸಕ ಎಚ್ ಸಿ ಬಾಲಕೃಷ್ಣ ಜೊತೆ ಬುಲೆಟ್​ನಲ್ಲೇ ಕಾರ್ಯಕ್ರಮಕ್ಕೆ ಎಂಟ್ರಿಕೊಟ್ಟಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ