ಬೆಂಗಳೂರಿನ ಜ್ಞಾನಭಾರತಿ ವಿವಿ ಬಳಿ ಸಿಕ್ಕಿದ್ದು ಫೇಕ್​ ಬಾಂಬ್​! ಖಾಲಿ ಪೈಪ್ ಪತ್ತೆ

ಬೆಂಗಳೂರು, ಅಕ್ಟೋಬರ್​​ 31: ನಗರದ ಜ್ಞಾನಭಾರತಿ ಸಮೀಪ ಪತ್ತೆಯಾದ ಶಂಕಿತ ಸ್ಫೋಟಕ ವಸ್ತುವೊಂದು ನಕಲಿ ಎಂಬುವುದು ದೃಢವಾಗಿದೆ. ಆರಂಭದಲ್ಲಿ ಇದೊಂದು ಬಾಂಬ್ ಇರಬಹುದು ಎಂಬ ಮಾಹಿತಿ ಲಭ್ಯವಾಗಿತ್ತು. ತಕ್ಷಣ ಸ್ಥಳಕ್ಕೆ ಧಾವಿಸಿದ ಬಾಂಬ್ ನಿಷ್ಕ್ರಿಯ ದಳ ಮತ್ತು ಪೊಲೀಸರು ಪರಿಶೀಲನೆ ಮಾಡಿದ್ದು, ಫೇಕ್​ ಬಾಂಬ್​​ ಎಂದು ಪತ್ತೆ ಆಗಿದೆ. ಈ ಕುರಿತಾಗಿ ಬೆಂಗಳೂರು ನೈರುತ್ಯ ವಿಭಾಗದ ಡಿಸಿಪಿ ಸೌಮ್ಯಲತಾ ಪ್ರತಿಕ್ರಿಯಿಸಿದ್ದು, ‘ಸಾರ್ವಜನಿಕರು ಅನುಮಾನಾಸ್ಪದ ವಸ್ತು ಇದೆ ಅಂತಾ ಹೇಳಿದರು. ಸೋಕೋ ಟೀಂ ಮತ್ತು ಬಾಂಬ್ ನಿಷ್ಕ್ರಿಯ ದಳ ಕರೆಸಿಕೊಂಡಿದ್ದೆವು. ಪರಿಶೀಲಿಸಿದಾಗ ಖಾಲಿ ಪೈಪ್ ಅನ್ನೋದು ಗೊತ್ತಾಗಿದೆ. ಐಇಡಿ ಮಾದರಿಯಲ್ಲಿ ಮೂರು ಪೈಪ್ ಜೋಡಿಸಿ ಇಡಲಾಗಿತ್ತು. ಜನರನ್ನು ಭಯಪಡಿಸುವ ಉದ್ದೇಶದಿಂದ ಈ ರೀತಿ ಮಾಡಲಾಗಿದೆ’ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.