ಆನೆಕಲ್​: ಯೂನಿವರ್​ ಕಾಯಿನ್​ ಕ್ರಿಪ್ಟೋ ಕರೆನ್ಸಿ ಹೆಸರಿನಲ್ಲಿ ಸಾವಿರಾರು ಜನರಿಗೆ ವಂಚನೆ

ಆನೆಕಲ್​, ಮೇ 24: ಯೂನಿವರ್​ ಕಾಯಿನ್​ ಕ್ರಿಪ್ಟೋ ಕರೆನ್ಸಿಯಲ್ಲಿ ಹೂಡಿಕೆ ಮಾಡಿ, ಹಣ ಡಬಲ್​ ಆಗುತ್ತದೆ ಎಂದು ತಮಿಳುನಾಡು ಮೂಲದ ವ್ಯಕ್ತಿ ಆನೇಕಲ್​ನ ಸಾವಿರಾರು ಜನರಿಗೆ ವಂಚಿಸಿರುವ ಆರೋಪ ಕೇಳಿಬಂದಿದೆ. ತಮಿಳುನಾಡು ಮೂಲದ ಅರುಣ್​ ಕುಮಾರ್​ ವಂಚಿಸಿದ ಆರೋಪಿ. ಎ.ಕೆ.ಟ್ರೇಡರ್ಸ್​ನಲ್ಲಿ ಒಮ್ಮೆ ಹಣ ಹೂಡಿಕೆ ಮಾಡಿದರೆ ಹಣ ಡಬಲ್​ ಆಗುತ್ತದೆ. 77 ಸಾವಿರ ಹಣ ಹೂಡಿಕೆಮಾಡಿದರೆ ವಾರಕ್ಕೆ 6375 ರಂತೆ ₹1,20,000 ಬರುತ್ತೆ. 7,70,000 ಲಕ್ಷ ಹಣ ಹೂಡಿಕೆ ಮಾಡಿದರೆ 95 ಸಾವಿರದಂತೆ 20 ವಾರಗಳಲ್ಲಿ 19 ಲಕ್ಷ ಹಣವನ್ನು ಗಳಿಸಬಹುದೆಂದು ನಂಬಿಸಿ ಆರೋಪಿ ಅರುಣ್​ ಕುಮಾರ್ ವಂಚಿಸಿದ್ದಾನೆ ಎನ್ನಲಾಗಿದೆ.