‘ಕರಿಮಣಿ ಮಾಲಿಕ ನೀನಲ್ಲ..’ ಹಾಡು ಹುಟ್ಟಿದ ಸಂದರ್ಭದಲ್ಲಿ ಹರಡಿತ್ತು ಒಂದು ಗಾಸಿಪ್​

ಸೋಶಿಯಲ್​ ಮೀಡಿಯಾದಲ್ಲಿ ‘ಏನಿಲ್ಲ.. ಏನಿಲ್ಲ..’ ಸಾಂಗ್​ ವೈರಲ್​ ಆಗಿದೆ. ‘ಉಪೇಂದ್ರ’ ಸಿನಿಮಾದ ಆ ಗೀತೆಯಲ್ಲಿನ ‘ಕರಿಮಣಿ ಮಾಲಿಕ ನೀನಲ್ಲ’ (Karimani Malika Ninalla) ಸಾಲನ್ನು ಯುವಕರು ಮೆಚ್ಚಿಕೊಳ್ಳುತ್ತಿದ್ದಾರೆ. ಉಪೇಂದ್ರ ಬರೆದ ಈ ಹಾಡಿಗೆ ಸಂಗೀತ ನೀಡಿದವರು ಗುರುಕಿರಣ್​. ಆ ದಿನಗಳನ್ನು ಈಗ ಗುರುಕಿರಣ್​ (Gurukiran) ಮೆಲುಕು ಹಾಕಿದ್ದಾರೆ. ‘ಉಪೇಂದ್ರ’ ಸಿನಿಮಾ ತೆರೆಕಂಡಿದ್ದು 1999ರಲ್ಲಿ. ಆ ಸಂದರ್ಭದಲ್ಲಿ ಸಿನಿಮಾದ ನಾಯಕ-ನಾಯಕಿ ಬಗ್ಗೆ ಗಾಸಿಪ್​ಗಳು ಹಬ್ಬಿದ್ದವು. ಅದಕ್ಕೆ ಪ್ರತಿಕ್ರಿಯೆ ನೀಡುವ ರೀತಿಯಲ್ಲಿ ‘ಏನಿಲ್ಲ.. ಏನಿಲ್ಲ..’ ಹಾಡು ಮೂಡಿಬಂದಿತ್ತು. ಅದರಲ್ಲಿನ ಕೆಲವು ಸಾಲುಗಳಿಗೆ ಎರಡು ಅರ್ಥಗಳಿದ್ದವು. ಅದರ ಕುರಿತು ಗುರುಕಿರಣ್​ ಮಾತನಾಡಿದ್ದಾರೆ. ಆ ಕಾಲದಲ್ಲಿ ‘ಉಪೇಂದ್ರ’ (Upendra) ಸಿನಿಮಾದ ಆಡಿಯೋ ಹಕ್ಕುಗಳು ದಾಖಲೆಯ ಮೊತ್ತಕ್ಕೆ ಮಾರಾಟ ಆಗಿದ್ದವು. ಈಗ 25 ವರ್ಷ ಕಳೆದಿದ್ದರೂ ಕೂಡ ಆ ಸಿನಿಮಾದ ಹಾಡುಗಳು ಜೀವಂತಿಕೆ ಉಳಿಸಿಕೊಂಡಿವೆ. ಕೇಳುಗರ ಫೇವರಿಟ್​ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ