Israel-Palestine conflict: ಭಾರತ ನಮ್ಮ ಜನರ ಎರಡನೇ ಮನೆ.. ಹಮಾಸ್ ಉಗ್ರರನ್ನು ಹಿಮ್ಮಟ್ಟಿಸುವವರೆಗೆ ಇಸ್ರೇಲ್ ಅನ್ನು ಯಾರಿಂದಲೂ ತಡೆಯುವುದು ಸಾಧ್ಯವಿಲ್ಲ!’ ನ್ಯೂಸ್9 ಜೊತೆ ಇಸ್ರೇಲ್ ರಾಯಭಾರಿ ನಾರ್ ಗಿಲೋನ್ ಸಂದರ್ಶನ..

Israel-Palestine conflict:  ಇಸ್ರೇಲಿ ಪಡೆಗಳು ಗಾಜಾದ ಮೇಲೆ ದಾಳಿ ಮಾಡುವುದನ್ನು ಸಹ ಮುಂದುವರೆಸಿವೆ. ಈ ದಾಳಿಯಲ್ಲಿ 960 ಪ್ಯಾಲೇಸ್ಟಿನಿಯನ್ ನಾಗರಿಕರು ಮೃತರಾಗಿದ್ದಾರೆ ಮತ್ತು 4000 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಆದಾಗ್ಯೂ, ಹಮಾಸ್ ವಶದಲ್ಲಿರುವ ಇಸ್ರೇಲಿ ನಾಗರಿಕರ ಬಗ್ಗೆ ಯಾವುದೇ ಕುರುಹು ಪತ್ತೆಯಾಗಿಲ್ಲ. ಇಸ್ರೇಲ್‌ನ ಉತ್ತರ ಗಡಿಯಲ್ಲಿ ಲೆಬನಾನ್ ಮತ್ತು ಸಿರಿಯಾದಿಂದ ದಾಳಿಗಳು ಮುಂದುವರಿಯುವ ಸಾಧ್ಯತೆಯಿದೆ. ಹಾಗಾಗಿ ಯುದ್ಧ ಇನ್ನಷ್ಟು ತೀವ್ರಗೊಳ್ಳುವ ಎಲ್ಲ ಸಾಧ್ಯತೆಗಳನ್ನು ಅಲ್ಲಗಳೆಯಲಾಗದು. ಯುದ್ಧದ ಕಾವು ಹೆಚ್ಚಾಗುತ್ತಿದ್ದಂತೆಯೇ ಸಂಯಮದಿಂದ ವರ್ತಿಸುವಂತೆ ಎರಡೂ ದೇಶಗಳಿಗೆ ವಿಶ್ವದ ರಾಷ್ಟ್ರಗಳು ಮನವಿ ಮಾಡುತ್ತಿವೆ. ಈ ಸಂದರ್ಭದಲ್ಲಿ, ಭಾರತದಲ್ಲಿರುವ ಇಸ್ರೇಲ್ ರಾಯಭಾರಿ ನಾರ್ ಗಿಲೋನ್, ಹಮಾಸ್ ವರ್ತನೆಯ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಾವಿರಾರು ಅಮಾಯಕರು ಬಲಿಯಾಗುತ್ತಿದ್ದಾರೆ ಎಂದು ತಮ್ಮ ದುಃಖವನ್ನು ಅವರು ನ್ಯೂಸ್ 9 ಪ್ಲಸ್ ಕಾರ್ಯನಿರ್ವಾಹಕ ಸಂಪಾದಕ ಆದಿತ್ಯ ರಾಜ್ ಕೌಲ್ ನಡೆಸಿದ ವಿಶೇಷ ಸಂದರ್ಶನದಲ್ಲಿ ತೋಡಿಕೊಂಡಿದ್ದಾರೆ. ಸಂದರ್ಶದಲ್ಲಿ ಗಿಲೋನ್ ಅವರು ಹಮಾಸ್ ದಾಳಿಯ ಪ್ರಮುಖ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ. ಇಸ್ರೇಲ್ ಪ್ರಜೆಗಳ ಮೇಲೆ ಹಮಾಸ್ ನಡೆಸಿದ ಭಯೋತ್ಪಾದಕ ದಾಳಿಯ ನಂತರ ಇಸ್ರೇಲ್ ನ ಮುಂದಿನ ಕ್ರಮ, ದಾಳಿಯ ಹಿಂದೆ ಇರಾನ್ ಕೈವಾಡ, ಅದರ ಯೋಜನೆ ಮೊದಲಾದವುಗಳ ಬಗ್ಗೆ ಮಾತಾಡಿದ್ದಾರೆ.

ರಾಯಭಾರಿ ಗಿಲೋನ್ ಇಸ್ರೇಲ್-ಹಮಾಸ್ ಯುದ್ಧ ಮತ್ತು ಹಮಾಸ್ ಅರಾಜಕತೆಯ ಬಗ್ಗೆ ಹಲವಾರು ವಿವರಗಳನ್ನು ಹಂಚಿಕೊಂಡಿದ್ದಾರೆ. ಹಮಾಸ್ ಪಡೆಗಳು ದಕ್ಷಿಣ ಇಸ್ರೇಲ್‌ ಮೇಲೆ ಹಲವಾರು ದಾಳಿಗಳನ್ನು ನಡೆಸಿವೆ. ಇಸ್ರೇಲ್ ನ 30ಕ್ಕೂ ಹೆಚ್ಚು ಸಮುದಾಯ ಕೇಂದ್ರಗಳಿಗೆ ಹಮಾಸ್ ನುಸುಳಿದೆ. ಇಸ್ರೇಲ್ ನ ರಕ್ಷಣಾ ವ್ಯವಸ್ಥೆ ಕುಸಿದಿದೆ ಎಂದು ಹೇಳಿದ ಅವರು ಐಡಿಎಫ್ (ಇಸ್ರೇಲ್ ಡಿಫೆನ್ಸ್ ಫೋರ್ಸ್) ಭಯೋತ್ಪಾದಕರ ಜೊತೆ ಹೋರಾಡುತ್ತಿದೆ ಎಂದು ಹೇಳಿದರು. ಗಾಜಾ ಪಟ್ಟಿಯ ಮೇಲೆ ಐಡಿಎಫ್ ವೈಮಾನಿಕ ದಾಳಿ ಮುಂದುವರೆದಿದೆ.

ಪ್ರಚೋದಿತ ದಾಳಿಗಳು

ಹಮಾಸ್ ದಾಳಿಯ ಬಗ್ಗೆ ಗಿಲೋನ್ ಸಂವೇದನೆಯಿಂದ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಹಮಾಸ್‌ನ ದಾಳಿಯ ಹಿಂದೆ ಹಿಜ್ಬುಲ್ಲಾ ಮತ್ತು ಇರಾನ್‌ನ ಕೈವಾಡ ಇರಬಹುದು ಎಂದು ಹೇಳಲಾಗಿದೆ. ಅವರಿಂದಲೇ ಇಸ್ರೇಲ್-ಪ್ಯಾಲೆಸ್ತೀನ್ ಸಂಘರ್ಷ ಉಂಟಾಗಿದೆ ಎಂದು ಅವರು ಹೇಳುತ್ತಾರೆ. ಪೀಸ್ ಪಾರ್ಟಿಯ ಹತ್ಯಾಕಾಂಡದಲ್ಲಿ ಸುಮಾರು 260 ಜನರು ಸತ್ತರು. ಈ ಹಿಂದೆ ಇಸ್ರೇಲ್ ಕಡೆಗೆ 5000 ಕ್ಕಿಂತ ಹೆಚ್ಚು ರಾಕೆಟ್‌ಗಳನ್ನು ಹಾರಿಸಲಾಗಿತ್ತು. ಇಲ್ಲಿಯವರೆಗೆ ಸುಮಾರು 1200 ಇಸ್ರೇಲಿ ನಾಗರಿಕರು ಸಾವನ್ನಪ್ಪಿದ್ದಾರೆ ಎಂದು ಗಿಲೋನ್ ಹೇಳಿದರು.

ಇದಲ್ಲದೆ, ಹಮಾಸ್ ಭಯೋತ್ಪಾದಕರು ಅಮಾಯರು ಹಾಗೂ ದುರ್ಬಲರ ಮೇಲೆ ದೌರ್ಜನ್ಯ ಎಸಗುತ್ತಿದ್ದಾರೆ ಎಂದು ಗಿಲೋನ್ ಹೇಳುತ್ತಾರೆ. ಹಮಾಸ್ ಭಯೋತ್ಪಾದಕರು ಮಹಿಳೆಯರ ಮೇಲೆ ಅತ್ಯಾಚಾರ, ಯುವತಿಯರನ್ನು ಅಪಹರಿಸಿ ಹತ್ಯೆ ನಡೆಸುತ್ತಿದ್ದಾರೆ ಅಂತ ಅವರು ಹೇಳುತ್ತಾರೆ. ಇದಲ್ಲದೆ, ಹಮಾಸ್ ದಕ್ಷಿಣ ಏಷ್ಯಾ, ಅಮೇರಿಕನ್ ಮತ್ತು ಯುರೋಪಿಯನ್ ನಾಗರಿಕರನ್ನು ಅಪಹರಿಸುತ್ತಿದೆ ಎಂದು ಗಿಲೋನ್ ಕಳವಳ ವ್ಯಕ್ತಪಡಿಸಿದರು. ಮಕ್ಕಳನ್ನು ಕೊಂದು ಚಿತ್ರಹಿಂಸೆ ನೀಡುವ ನೀಚ ಕೃತ್ಯವನ್ನೂ ಅವರ ಎಸಗುತ್ತಿದ್ದಾರೆ ಅಂತ ಅವರು ಹೇಳುತ್ತಾರೆ.

ಹಮಾಸ್ ನಿರ್ಮೂಲನೆಗಾಗಿ ಹೋರಾಟ

ಈ ಅನುಕ್ರಮವು ಇಸ್ರೇಲಿ ಪಡೆಗಳ ಗುಪ್ತಚರ ವೈಫಲ್ಯವನ್ನು ಸಹ ಉಲ್ಲೇಖಿಸುತ್ತದೆ ಗುಪ್ತಚರ ವ್ಯವಸ್ಥೆ ವಿಫಲವಾಗಿದೆ ಎನ್ನುವ ಗಿಲೋನ್ ಹಮಾಸ್ ಮೇಲೆ ದಾಳಿ ಮಾಡಲು ಇಸ್ರೇಲಿ ಪಡೆಗಳನ್ನು ಒಂದುಗೂಡಿಸಲಾಗುತ್ತಿದೆ, ಹಮಾಸ್ ಅನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುವುದು ಐಡಿಎಫ್ ಗುರಿಯಾಗಿದೆ ಎಂದು ಹೇಳುತ್ತಾರೆ.

ಪ್ರಮುಖ ಅಂಶವೆಂದರೆ ಗಾಜಾವನ್ನು ಪಟ್ಟಿಯನ್ನು ಹಮಾಸ್ ಆಕ್ರಮಿಸಿಕೊಂಡಿದೆ, ಇಸ್ರೇಲ್ ಮೇಲಿನ ದಾಳಿಯನ್ನು ವಿನೂತನ ಭಯೋತ್ಪಾದಕ ದಾಳಿ, 9/11 ಮಾದರಿಯ ಎಂದು ವಿವರಿಸಲಾಗಿದೆ ಎಂದು ಹೇಳುವ ಗಿಲೋನ್; ತನ್ನ ಆಕ್ರಮಿತ ಭೂಮಿಯನ್ನು ವಾಪಸ್ಸು ಪಡೆಯಲು ಇಸ್ರೇಲ್ ತಯಾರಿ ನಡೆಸುತ್ತಿದೆ ಎನ್ನುತ್ತಾರೆ. ಮಧ್ಯಪ್ರಾಚ್ಯದಲ್ಲಿ ಇಸ್ರೇಲ್ ಮಧ್ಯಮ ಶಕ್ತಿಗಳಿಗೆ ಸೇವೆ ಸಲ್ಲಿಸುತ್ತಿದೆ. ಮಧ್ಯಪ್ರಾಚ್ಯದ ಅಸ್ಥಿರತೆಯ ಹಿಂದೆ ಇರಾನ್ ಇದೆ. ಅಬ್ರಹಾಂ ಒಪ್ಪಂದ ಅಪಾಯದಲ್ಲಿದೆ ಎಂದು ಹೇಳಿದ ರಾಯಭಾರಿ ಗಿಲೋನ್ ಯೋಮ್ ಕಿಪ್ಪೂರ್ ಯುದ್ಧವನ್ನು ನೆನಪಿಸಿಕೊಂಡರು.

ಭಾರತವು ಇಸ್ರೇಲ್ ಜನರ ಎರಡನೇ ಮನೆಯಾಗಿದೆ

ಈ ಸಂದರ್ಭದಲ್ಲಿ ಇಸ್ರೇಲ್‌ಗೆ ಅಮೆರಿಕ ಬೆಂಬಲ ಘೋಷಿಸಿರುವುದನ್ನು ಗಿಲೋನ್ ಶ್ಲಾಘಿಸಿದರು. ಸೌದಿಯ ದ್ವಂದ್ವ ಧೋರಣೆಯನ್ನು ಟೀಕಿಸಿದ ಅವರು, ಇಸ್ರೇಲ್ 2ನೇ ಯುದ್ಧಕ್ಕೆ ಸಿದ್ಧವಾಗಿದೆ ಅಂತ ಹೇಳಿ ಭಾರತದ ಬೆಂಬಲದ ಬಗ್ಗೆಯೂ ಮಾತನಾಡಿದರು. ಭಾರತದ ಬೆಂಬಲವನ್ನು ಪದೇಪದೆ ಕೊಂಡಾಡಿದ ಅವರು ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ದೇಶದ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರೊಂದಿಗೆ ಸತತವಾಗಿ ಸಂಪರ್ಕದಲ್ಲಿದ್ದಾರೆ ಎಂದರು. ಯುದ್ಧದ ಸ್ಥಿತಿಗತಿಗಳ ಬಗ್ಗೆ ಪ್ರಧಾನಿ ಮೋದಿ ವಿಚಾರಿಸುತ್ತಿದ್ದಾರೆ ಎಂದು ಅವರು ಹೇಳಿದರು.

ಭಾರತ-ಇಸ್ರೇಲ್ ಸ್ನೇಹದ ಬಗ್ಗೆ ಗಿಲೋನ್ ಹಲವು ಪ್ರಮುಖ ಕಾಮೆಂಟ್‌ಗಳನ್ನು ಸಹ ಮಾಡಿದ್ದಾರೆ. ಇಸ್ರೇಲ್ ಜನರಿಗೆ ಭಾರತ ಎರಡನೇ ಮನೆ ಇದ್ದಂತೆ, ಭಾರತದಲ್ಲಿ ಯಹೂದಿಗಳ ವಿರುದ್ಧ ಯಾವತ್ತೂ ವಿಚಾರಣೆ ನಡೆದಿಲ್ಲ, ದಾಳಿಯೂ ನಡೆದಿಲ್ಲ ಎಂದರು.

ಯುದ್ಧವನ್ನು ಅಂತ್ಯಗೊಳಿಸುವತ್ತ ಇಸ್ರೇಲ್ ಮುನ್ನಡೆಯುತ್ತಿದೆ ಎಂದ ಅವರು ಹಮಾಸ್‌ನ ದಾಳಿಯ ಸಾಮರ್ಥ್ಯವನ್ನು ದೃಷ್ಟುಯಲ್ಲಿಟ್ಟುಕೊಂಡು ಇಸ್ರೇಲ್ ದಾಳಿ ನಡೆಸುತ್ತಿದೆ ಎಂದರು. ಇಂಥ ಸಮಯದಲ್ಲಿ ಶಾಂತಿಯುತವಾಗಿ ಯೋಚಿಸಿ ಎಂದು ಎಲ್ಲರೂ ಹೇಳುತ್ತಾರೆ. ಆದರೆ, ಹಮಾಸ್ ಮತ್ತೆ ಇಸ್ರೇಲ್ ಮೇಲೆ ದಾಳಿ ಮಾಡುವುದಿಲ್ಲ ಎಂದು ಖಾತರಿಯಾಗುವವರೆಗೂ ಇಸ್ರೇಲ್ ಅನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ, ಹಮಾಸ್‌ಗೆ ನಾವು ದಿಟ್ಟ ಉತ್ತರ ನೀಡುತ್ತೇವೆ ಎಂದು ರಾಯಭಾರಿ ನೂರ್ ಗಿಲೋನ್ ನ್ಯೂಸ್9 ಕಾರ್ಯನಿರ್ವಾಹ ಸಂಪಾದಕ ಆದಿತ್ಯ ರಾಜ್ ಕೌಲ್ ಜೊತೆ ನಡೆಸಿದ ಸಂವಾದದಲ್ಲಿ ತಿಳಿಸಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ