‘ಜಾಕಿ’ ಸಿನಿಮಾದಿಂದ ರವಿವರ್ಮಾ, ಡಿಫರೆಂಟ್ ಡ್ಯಾನಿ ನಡುವೆ ಕಿರಿಕ್ ಶುರುವಾಗಿದ್ದು ಹೇಗೆ?
Updated on: Mar 13, 2024 | 8:07 PM
ಪುನೀತ್ ರಾಜ್ಕುಮಾರ್ ಅಭಿನಯದ ‘ಜಾಕಿ’ ಸಿನಿಮಾ 2010ರಲ್ಲಿ ತೆರೆಕಂಡಿತ್ತು. ಆ ಸಿನಿಮಾಗೆ ರವಿಮರ್ಮಾ ಮತ್ತು ಡಿಫರೆಂಟ್ ಡ್ಯಾನಿ ಅವರು ಸಾಹಸ ನಿರ್ದೇಶನ ಮಾಡಿದ್ದರು. ಅವರಿಬ್ಬರ ನಡುವೆ ಜಗಳ ಶುರುವಾಗಿದೆ. ಈ ವಿವಾದವು ಕೊಲೆ ಬೆದರಿಕೆ ಹಾಕುವ ಮಟ್ಟಕ್ಕೆ ಬೆಳೆದಿದೆ. ಇದೆಲ್ಲ ಹೇಗೆ ಆರಂಭ ಆಯಿತು ಎಂಬುದನ್ನು ಡಿಫರೆಂಟ್ ಡ್ಯಾನಿ ಅವರು ವಿವರಿಸಿದ್ದಾರೆ.
ಕನ್ನಡ ಚಿತ್ರರಂಗದ ಖ್ಯಾತ ಸಾಹಸ ನಿರ್ದೇಶಕರಾದ ಡಿಫರೆಂಟ್ ಡ್ಯಾನಿ ಹಾಗೂ ರವಿವರ್ಮಾ (Ravi Varma) ಅವರ ನಡುವೆ ಕಿರಿಕ್ ಆರಂಭ ಆಗಿದೆ. ಪುನೀತ್ ರಾಜ್ಕುಮಾರ್ ನಟನೆಯ ‘ಜಾಕಿ’ (Jackie Movie) ಸಿನಿಮಾದಲ್ಲಿನ ಒಂದು ಫೈಟ್ಗೆ ಕ್ರೆಡಿಟ್ ಪಡೆಯುವ ವಿಚಾರದಿಂದ ಆರಂಭವಾದ ಜಗಳ ನಂತರ ಕೊಲೆ ಬೆದರಿಕೆ ಹಾಕುವ ಮಟ್ಟಕ್ಕೂ ಹೋಗಿದೆ. ಅಷ್ಟಕ್ಕೂ ಈ ಎಲ್ಲ ಕಿರಿಕ್ ಹುಟ್ಟಿಕೊಂಡಿದ್ದಕ್ಕೆ ಅಸಲಿ ಕಾರಣ ಏನು ಎಂಬುದನ್ನು ಡಿಫರೆಂಟ್ ಡ್ಯಾನಿ (Different Danny) ವಿವರಿಸಿದ್ದಾರೆ. ‘ಜಾಕಿ ಸಿನಿಮಾದ ಫೈರ್ ಫೈಟ್ ಮಾಡಿದ್ದು ನಾನು. ಆಗ ಅದನ್ನು ತಾನೇ ಮಾಡಿದ್ದು ಅಂತ ರವಿವರ್ಮಾ ಹೇಳಿಕೊಂಡ. ನನಗೆ ಆ ವಿಷಯ ಗೊತ್ತಾಯಿತು. ಕಾರಣಾಂತರಗಳಿಂದ ಇದುವರೆಗೆ ನಾನು ಆ ಬಗ್ಗೆ ಹೆಚ್ಚು ಮಾತನಾಡಿಲ್ಲ. ಈಗ ಜಾಕಿ ಸಿನಿಮಾ ಮತ್ತೆ ರಿಲೀಸ್ ಆಗುತ್ತಿರುವ ಹಿನ್ನೆಲೆಯಲ್ಲಿ ರವಿವರ್ಮಾ ಕೆಲವು ಮಾಧ್ಯಮಕ್ಕೆ ಸಂದರ್ಶನ ನೀಡಿದ್ದಾನೆ. ನನ್ನ ಫೈಟ್ನ ಹೀಯಾಳಿಸುವ ರೀತಿ ಮಾತನಾಡಿದ್ದಾನೆ. ಅದರಿಂದ ನನಗೆ ಕೋಪ ಬಂತು. ಆ ವಿಚಾರ ನಾನು ಮಾತನಾಡಿದೆ. ಬಳಿಕ ಅವನು ಡ್ರಿಂಕ್ಸ್ ಮಾಡಿ ನನಗೆ ಫೋನ್ ಮಾಡಿದ. ನಾನು ಬ್ಯುಸಿ ಇದ್ದೆ. ನನಗೆ ಕೊಲೆ ಬೆದರಿಕೆ ಹಾಕಿದ್ದಾನೆ’ ಎಂದು ಡಿಫರೆಂಟ್ ಡ್ಯಾನಿ ಹೇಳಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
