‘ಡಾರ್ಲಿಂಗ್’​ ಕೃಷ್ಣ ಜತೆ ಬಂದು ‘ಲಕ್ಕಿ ಮ್ಯಾನ್​’ ಚಿತ್ರ ನೋಡಿದ ಮಿಲನಾ ನಾಗರಾಜ್​; ಇಲ್ಲಿದೆ ವಿಡಿಯೋ

ಡಾರ್ಲಿಂಗ್​ ಕೃಷ್ಣ ಅಭಿನಯದ ‘ಲಕ್ಕಿ ಮ್ಯಾನ್​’ (Lucky Man) ಸಿನಿಮಾ ಇಂದು (ಸೆ.9) ಬಿಡುಗಡೆ ಆಗಿದೆ. ಪತಿಯ ಸಿನಿಮಾ ನೋಡಲು ಮಿಲನಾ ನಾಗರಾಜ್ (Milana Nagaraj)​ ಅವರು ಚಿತ್ರಮಂದಿರಕ್ಕೆ ಬಂದಿದ್ದಾರೆ. ಅಭಿಮಾನಿಗಳ ಜೊತೆ ಕುಳಿತು ಅವರು ಚಿತ್ರ ವೀಕ್ಷಿಸಿದ್ದಾರೆ. ‘ಲಕ್ಕಿ ಮ್ಯಾನ್​’ ಕಲಾವಿದರಾದ ನಾಗಭೂಷಣ್​, ಸಂಗೀತಾ ಶೃಂಗೇರಿ, ಡಾರ್ಲಿಂಗ್​ ಕೃಷ್ಣ (Darling Krishna) ಮುಂತಾದವರು ಮಿಲನಾಗೆ ಸಾಥ್​ ನೀಡಿದ್ದಾರೆ. ಈ ಚಿತ್ರದಲ್ಲಿ ‘ಪವರ್​ ಸ್ಟಾರ್​’ ಪುನೀತ್​ ರಾಜ್​ಕುಮಾರ್​ ಒಂದು ವಿಶೇಷ ಪಾತ್ರ ಮಾಡಿದ್ದಾರೆ. ಅದರಿಂದಾಗಿ ಅಭಿಮಾನಿಗಳಿಗೆ ಈ ಸಿನಿಮಾ ಹೆಚ್ಚು ಇಷ್ಟವಾಗುತ್ತಿದೆ. ಈ ಚಿತ್ರಕ್ಕೆ ಎಸ್​. ನಾಗೇಂದ್ರ ಪ್ರಸಾದ್​ ನಿರ್ದೇಶನ ಮಾಡಿದ್ದಾರೆ.