15 ಎಸೆತಗಳಲ್ಲಿ ಯಾವುದೇ ರನ್ ನೀಡದೆ 4 ವಿಕೆಟ್ ಉರುಳಿಸಿದ ಸೂಪರ್ ಕಿಂಗ್ಸ್ ಬೌಲರ್

ಮೇಜರ್ ಲೀಗ್ ಕ್ರಿಕೆಟ್ 2025 ರ ಐದನೇ ಪಂದ್ಯದಲ್ಲಿ, ಟೆಕ್ಸಾಸ್ ಸೂಪರ್ ಕಿಂಗ್ಸ್ ತಂಡವು ಲಾಸ್ ಏಂಜಲೀಸ್ ನೈಟ್ ರೈಡರ್ಸ್ ವಿರುದ್ಧ 57 ರನ್‌ಗಳಿಂದ ಜಯಗಳಿಸಿತು. ಈ ಪಂದ್ಯದಲ್ಲಿ, ಟೆಕ್ಸಾಸ್ ಸೂಪರ್ ಕಿಂಗ್ಸ್‌ನ ಅದ್ಭುತ ಸ್ಪಿನ್ನರ್ ನೂರ್ ಅಹ್ಮದ್ ಮಾರಕ ಬೌಲಿಂಗ್ ಮಾಡಿ 4 ಪ್ರಮುಖ ವಿಕೆಟ್‌ಗಳನ್ನು ಪಡೆದರು. ಮೊದಲು ನಿತೀಶ್ ಕುಮಾರ್ ಅವರನ್ನು ಔಟ್ ಮಾಡಿದ ನೂರ್, ಇದಾದ ನಂತರ ಸತತ ಎರಡು ಎಸೆತಗಳಲ್ಲಿ ಎರಡು ವಿಕೆಟ್ ಪಡೆದರು. ಮೊದಲು ಆಂಡ್ರೆ ರಸೆಲ್ ಔಟಾದರೆ ನಂತರ ಸುನಿಲ್ ನರೇನ್ ವಿಕೆಟ್ ಒಪ್ಪಿಸಿದರು. ಮ್ಯಾಥ್ಯೂ ಟ್ರಂಪ್ ಅವರನ್ನು ಔಟ್ ಮಾಡುವ ಮೂಲಕ ನೂರ್ ಅಹ್ಮದ್ ಈ ಪಂದ್ಯದ ನಾಲ್ಕನೇ ವಿಕೆಟ್ ಪಡೆದರು.