Chikkaballapura: ನಂದಿಗ್ರಾಮ ರಾಸುಗಳ ಜಾತ್ರೆಯಲ್ಲಿ ಮಾರಾಟವಾಗಲಿರುವ ಜೋಡಿ ಹೋರಿಗಳ ಬೆಲೆ ಕೇಳಿದರೆ ನೀವು ದಂಗಾಗುತ್ತೀರಿ!

ಚಿಕ್ಕಬಳ್ಳಾಪುರ: ಜಿಲ್ಲೆಯ ನಂದಿಗ್ರಾಮದಲ್ಲಿ (Nandigram) ಮಹಾಶಿವರಾತ್ರಿ ಸಂದರ್ಭದಲ್ಲಿ ನಡೆಯುವ ರಾಸುಗಳ ಜಾತ್ರೆ (cattle fair) ಬಹಳ ಪೇಮಸ್ಸು ಮಾರಾಯ್ರೇ. ಕೋವಿಡ್-19, ಗಂಟುರೋಗ ಮೊದಲಾದ ಕಾರಣಗಳಿಂದಾಗಿ ಕಳೆದರೆಡು-ಮೂರು ವರ್ಷಗಳಿಂದ ಜಾತ್ರೆ ನಡೆದಿರಲಿಲ್ಲ. ಜಿಲ್ಲಾಡಳಿತ ಈ ವರ್ಷ ಜಾತ್ರೆಗೆ ಅನುಮತಿ ನೀಡಿದ್ದು ಬೇರೆ ಬೇರೆ ಪ್ರದೇಶಗಳಿಂದ ಹಳ್ಳಿಕಾರ್, ಅಮೃತ್ ಮಹಲ್ ಸೇರಿದಂತೆ ಹಲವಾರು ತಳಿಗಳ ದನಕರುಗಳು ಜಾತ್ರೆಗೆ ಕರೆತರಲಾಗಿದೆ. ರಾಸುಗಳ ಬೆಲೆ ಭಾರಿ ದುಬಾರಿ ಅಂತ ಹೇಳಲಾಗುತ್ತಿದ್ದು ಹಳ್ಳಿಕಾರ್ ಮತ್ತು ಅಮೃತ್ ಮಹಲ್ ಎತ್ತುಗಳ ಜೋಡಿ ಸುಮಾರು ರೂ. 8 ಲಕ್ಷಗಳಿಗೆ ಬಿಕರಿಯಾಗುವ ನಿರೀಕ್ಷೆಯಿದೆ ಎನ್ನಲಾಗಿದೆ. ರಾಸುಗಳ ಜಾತ್ರೆಯಲ್ಲೂ ಆಫರ್ ಗಳ (offers) ಭರಾಟೆ ಜೋರಾಗಿದೆ. ಎತ್ತುಕೊಂಡವರಿಗೆ ಟಗರು, ಕುರಿ ಇಲ್ಲವೇ ಕೋಳಿಯನ್ನು ಉಚಿತವಾಗಿ ನೀಡಲಾಗುತ್ತಿದೆ!

ಮತ್ತಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ