ಮಕ್ಕಳ ಆನ್​ಲೈನ್ ತರಗತಿಗಳಿಗಾಗಿ ಉತ್ತಮ ಫೀಚರ್​ಗಳುಳ್ಳ ಸ್ಮಾರ್ಟ್ ಫೋನ್ ಕೈಗೆಟಕುವ ಬೆಲೆಯಲ್ಲಿ ಸಿಗುತ್ತಿವೆ

ಕೋವಿಡ್-19 ಪಿಡುಗು ನಮ್ಮ ಬದುಕಿನ ಶೈಲಿಯನ್ನು ಬದಲಿಸಿಬಿಟ್ಟಿದೆ. ಎರಡಯ ವರ್ಷಗಳ ಹಿಂದೆ ಇದ್ದಂತೆ ಈಗಿಲ್ಲ. ನಮ್ಮ ಜೀವನ ಶೈಲಿಯಲ್ಲಿ ನೂರೆಂಟು ಬದಲಾವಣೆಗಳು. ನಮ್ಮಂತೆ ಮಕ್ಕಳ ಬದುಕಿನಲ್ಲೂ ಮಹತ್ತರ ಚೇಂಜ್​ಗಳು. ಮೂರನೇ ಅಲೆ ಭೀತಿಯ್ಲಲೇ ಶಾಲೆಗಳು ಆರಂಭವಾಗಿವೆಯಾದರೂ ಬಹಳಷ್ಟು ಪೋಷಕರು ತಮ್ಮ ಮಕ್ಕಳನ್ನು ಶಾಲೆಗೆ ಕಳಿಸುತ್ತಿಲ್ಲ. ಹಾಗಾಗಿ ಹೆಚ್ಚು ಕಡಿಮೆ ಎಲ್ಲ ಶಾಲೆಗಳು ಆಫ್​ಲೈನ್​ ಮತ್ತು ಆನ್​ಲೈನ್​ ತರಗತಿಗಳನ್ನು ಜೊತೆಜೊತೆಯಾಗಿ ನಡೆಸುತ್ತಿವೆ. ಓಕೆ, ಆನ್ ಲೈನ್ ತರಗತಿಗಳೆಂದಾಕ್ಷಣ ಮಕ್ಕಳಿಗೆ ಸ್ಮಾರ್ಟ್ ಫೋನ್ ಕೊಡಿಸುವ ಅನಿವಾರ್ಯತೆ ಎದುರಾಗುತ್ತದೆ.

ಮಕ್ಕಳ ಕೈಗಳಿಗೆ ದುಬಾರಿ ಫೋನ್​ಗಳನ್ನು ಕೊಡುವುದು ಕಷ್ಟವೇ. ಎಷ್ಟಾದರೂ ಅವರದ್ದು ಹುಡುಗು ಬುದ್ಧಿ. ಕೆಳಗೆ ಬೀಳಿಸುತ್ತಾರೆ, ಹಾಳು ಮಾಡುತ್ತಾರೆ. ಪೆಟ್ರೋಲ್ ಬೆಲೆ ಲೀಟರ್ ಗೆ 100 ರೂ. ಗಳಿಗಿಂತ ಹೆಚ್ಚಾಗಿರುವ ಇವತ್ತಿನ ತುಟ್ಟಿಕಾಲದಲ್ಲಿ ಬಡ, ಕೆಳ-ಮಧ್ಯಮ ಮತ್ತು ಮಧ್ಯಮ ವರ್ಗದ ಕುಟಂಬಗಳು ಮಕ್ಕಳಿಗೆ ಸ್ಮಾರ್ಟ್ ಫೋನ್ ಕೊಡಿಸಲು ಪರದಾಡಬೇಕಾಗುತ್ತದೆ.

ಆದರೆ, ಸಂತೋಷದ ಸಂಗತಿಯೆಂದರೆ, ರೂ. 6,000 ಕ್ಕಿಂತ ಕಡಿಮೆ ಬೆಲೆಗೆ ಉತ್ತಮ ಫೀಚರ್ ಉಳ್ಳ ಅತ್ಯುತ್ತಮ ಗುಣಮಟ್ಟದ ಸ್ಮಾರ್ಟ್ ಫೋನ್​ಗಳು ಈಗಲೂ ಸಿಗುತ್ತಿವೆ. ಸ್ಯಾಮ್ಸಂಗ್, ನೊಕಿಯಾ ಮತ್ತು ಕಾರ್ಬನ್ ಕಂಪನಿಗಳು ಕೈಗೆಟಕುವ ದರದಲ್ಲಿ ತಮ್ಮ ಸ್ಮಾರ್ಟ್ ಪೋನ್ಗಳನ್ನು ಮಾರುತ್ತಿವೆ.

ರಿಲಯನ್ಸ್ ಡಿಜಿಟಲ್ ವೆಬ್​ಸೈಟ್​​ನಲ್ಲಿ ಸ್ಯಾಮ್ಸಂಗ್ ಗೆಲಾಕ್ಸಿ ಎಮ್01 ಕೋರ್ ಸ್ಮಾರ್ಟ್ ಪೋನ್ ಕೇವಲ 5,199 ರೂ. ಗಳಿಗೆ ಲಭ್ಯವಿದೆ. ಇದು 5.3 ಇಂಚ್ ಡಿಸ್ಪ್ಲೇ, 8 ಎಮ್ ಪಿ ರೇರ್ ಕೆಮೆರಾ, 5 ಎಮ್ ಪಿ ಸೆಲ್ಫೀ ಕೆಮೆರಾ, 1 ಜಿಬಿ ಆರ್ ಎ ಎಮ್ ಮತ್ತು 16 ಜಿಬಿ ಸ್ಟೋರೇಜ್ ಸಾಮರ್ಥ್ಯದೊಂದಿಗೆ ಬರುತ್ತದೆ.

2 ಜಿಬಿ ಆರ್ ಎ ಎಮ್, 32 ಜಿಬಿ ಸ್ಟೋರೇಜ್ ನೊಂದಿಗೆ ಕಾರ್ಬನ್ ಸ್ಮಾರ್ಟ್ ಪೋನ್ ರೂ. 5,498ಕ್ಕೆ ಸಿಗುತ್ತಿದೆ. ಹಾಗೆಯೇ, ನೋಕಿಯಾ, ಸಿ01 ಪ್ಲಸ್ 2 ಜಿಬಿ ಆರ್ ಎ ಎಮ್, 16 ಜಿಬಿ ಸ್ಟೋರೇಜ್ ಮತ್ತು ಇತರ ಫೀಚರ್ಗಳೊಂದಿಗೆ ರೂ. 5,999 ಕ್ಕೆ ಅಮೇಜಾನ್ ಮತ್ತು ನೋಕಿಯ ವೆಬ್​ಸೈಟ್​​​ನಲ್ಲಿ ಲಭ್ಯವಿದೆ.

ಇದನ್ನೂ ಓದಿ: Viral Video: ಬಾಂಗ್ರಾ ನೃತ್ಯಕ್ಕೆ ಸಖತ್ತಾಗಿ ಹೆಜ್ಜೆ ಹಾಕಿದ ಪಂಜಾಬ್ ಸಿಎಂ ಚರಣ್​ಜಿತ್ ಸಿಂಗ್; ವಿಡಿಯೋ ವೈರಲ್