ನಿರ್ದೇಶಕ ಎಸ್​. ನಾರಾಯಣ್​ ಹೆಸರಲ್ಲಿ ವಂಚನೆಗೆ ಯತ್ನ; ಹಣ ಕಳೆದುಕೊಳ್ಳಬೇಡಿ ಹುಷಾರ್​

‘ಯಾರಾದರೂ ಹಣ ಕಳೆದುಕೊಂಡರೆ ನಾನು ಜವಾಬ್ದಾರನಲ್ಲ. ಹಾಗಾಗಿ ದಯವಿಟ್ಟು ನನ್ನ ಫೇಸ್​ಬುಕ್​ಗೆ ಯಾರೂ ಸ್ಪಂದಿಸಬೇಡಿ’ ಎಂದು ನಿರ್ದೇಶಕ ಎಸ್​. ನಾರಾಯಣ್​ ಮನವಿ ಮಾಡಿಕೊಂಡಿದ್ದಾರೆ.

ಖ್ಯಾತ ನಿರ್ದೇಶಕ ಎಸ್​. ನಾರಾಯಣ್​ ಅವರ ಹೆಸರು ಬಳಸಿಕೊಂಡು ಜನರನ್ನು ಯಾಮಾರಿಸುವ ಯತ್ನ ನಡೆದಿದೆ. ಅವರ ಫೇಸ್​ಬುಕ್​ ಖಾತೆಯನ್ನು ಹ್ಯಾಕ್​ ಮಾಡಲಾಗಿದ್ದು, ಜನರಿಂದ ಹಣ ಕೇಳುತ್ತಿದ್ದಾರೆ ಕಿಡಿಗೇಡಿಗಳು. ಇದು ಎಸ್​. ನಾರಾಯಣ್​ ಗಮನಕ್ಕೂ ಬಂದಿದೆ. ಹಾಗಾಗಿ ಅವರು ಅಭಿಮಾನಿಗಳಿಗೆ ಮತ್ತು ಸ್ನೇಹಿತರಿಗೆ ಎಚ್ಚರಿಕೆ ನೀಡಿದ್ದಾರೆ. ಯಾರೂ ಮೋಸಕ್ಕೆ ಒಳಗಾಗಬಾರದು ಎಂದು ಅವರು ತಿಳಿಸಿದ್ದಾರೆ. ಈ ಬಗ್ಗೆ ವಿಡಿಯೋ ಮೂಲಕ ಸಂದೇಶ ರವಾನಿಸಿದ್ದಾರೆ.

‘ನನ್ನ 5ಡಿ ಸಿನಿಮಾದ ಟ್ರೇಲರ್​ ರಿಲೀಸ್​ ಆಗಿದೆ. ಅದಕ್ಕೆ ರಾಜ್ಯಾದ್ಯಂತ ಒಳ್ಳೆಯ ಪ್ರಶಂಸೆ ಸಿಕ್ಕಿದೆ. ಬಹಳಷ್ಟು ಫೋನ್​ ಕರೆ, ಸಂದೇಶಗಳು ಬಂದಿದೆ. ಈ ಮಧ್ಯೆ ಯಾರೋ ನನ್ನ ಫೇಸ್​ಬುಕ್​ ಹ್ಯಾಕ್​ ಮಾಡಿ ಬ್ಯುಸಿನೆಸ್​ ಮಾಡುತ್ತಿದ್ದಾರೆ. ಜನರಿಗೆ ಮೆಸೇಜ್​ ಮಾಡಿ ಹಣ ಕೇಳಿದ್ದಾರೆ. ಹಾಗಾಗಿ ನಾನು ಪೊಲೀಸರಿಗೆ ದೂರು ನೀಡುತ್ತಿದ್ದೇನೆ. ಫೇಸ್​ಬುಕ್​ ಮೂಲಕ ಸಂಪರ್ಕಮಾಡಿ ಯಾರಾದರೂ ಹಣ ಕಳೆದುಕೊಂಡರೆ ನಾನು ಜವಾಬ್ದಾರನಲ್ಲ. ಹಾಗಾಗಿ ದಯವಿಟ್ಟು ನನ್ನ ಫೇಸ್​ಬುಕ್​ಗೆ ಯಾರೂ ಸ್ಪಂದಿಸಬೇಡಿ’ ಎಂದು ಎಸ್​. ನಾರಾಯಣ್​ ಮನವಿ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ:

WhatsApp: ಯಾರು ಬೇಕಿದ್ದರೂ ನಿಮ್ಮ ವಾಟ್ಸ್​ಆ್ಯಪ್​ ಹ್ಯಾಕ್​ ಮಾಡಬಹುದು; ಸ್ಕ್ರೀನ್​ ಶೇರ್​ ಮಾಡುವಾಗ ಇರಲಿ ಎಚ್ಚರ!

Ranjani Raghavan: ‘ಕನ್ನಡತಿ’ ಧಾರಾವಾಹಿ ನಟಿ ರಂಜನಿ ರಾಘವನ್​ ಫೇಸ್​ಬುಕ್​ ಹ್ಯಾಕ್​; ಯಾರ ಮೇಲಿದೆ ಅನುಮಾನ?

Click on your DTH Provider to Add TV9 Kannada