‘ಆ ಜಾಗದಲ್ಲಿ ನಿಲ್ಲಲು ಶಿವಣ್ಣ ಸ್ಫೂರ್ತಿ’: ‘ಜೋಗ್ 101’ ಘಟನೆ ವಿವರಿಸಿದ ವಿಜಯ್ ರಾಘವೇಂದ್ರ
Updated on: Mar 03, 2024 | 8:21 PM
‘ಜೋಗ್ 101’ ಸಿನಿಮಾದಲ್ಲಿ ವಿಜಯ್ ರಾಘವೇಂದ್ರ ಮುಖ್ಯ ಭೂಮಿಕೆ ನಿಭಾಯಿಸಿದ್ದಾರೆ. ತೇಜಸ್ವಿನಿ ಶೇಖರ್, ರಾಜೇಶ್ ನಟರಂಗ, ಗೋವಿಂದೇ ಗೌಡ, ನಿರಂಜನ್ ದೇಶಪಾಂಡೆ, ಯಶಸ್ವಿನಿ ದೇಶಪಾಂಡೆ, ತಿಲಕ್ ಶೇಖರ್, ಕಡ್ಡಿಪುಡಿ ಚಂದ್ರ ಮುಂತಾದವರು ಈ ಸಿನಿಮಾದ ಪಾತ್ರವರ್ಗದಲ್ಲಿ ಇದ್ದಾರೆ. ಚಿತ್ರದ ಟ್ರೇಲರ್ ಬಿಡುಗಡೆ ಆಗಿದ್ದು, ಪಾತ್ರದ ಬಗ್ಗೆ ವಿಜಯ್ ರಾಘವೇಂದ್ರ ಮಾತನಾಡಿದ್ದಾರೆ.
ನಟ ವಿಜಯ್ ರಾಘವೇಂದ್ರ ಅವರು ‘ಜೋಗ್ 101’ (Jog 101) ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಈ ಸಿನಿಮಾದ ಟ್ರೇಲರ್ ಇತ್ತೀಚೆಗೆ ಬಿಡುಗಡೆ ಆಗಿದೆ. ಟ್ರೇಲರ್ ರಿಲೀಸ್ ಸಮಾರಂಭದಲ್ಲಿ ವಿಜಯ್ ರಾಘವೇಂದ್ರ ಅವರು ಒಂದಷ್ಟು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಶೀರ್ಷಿಕೆಗೆ ತಕ್ಕಂತೆಯೇ ಈ ಸಿನಿಮಾದ ಚಿತ್ರೀಕರಣ ಜೋಗ ಜಲತಾಪದ ಸುತ್ತಮುತ್ತ ಮಾಡಲಾಗಿದೆ. ಅದು ಅಪಾಯಕಾರಿ ಜಾಗ. ಅಂಥ ಜಾಗದಲ್ಲಿ ನಿಂತುಕೊಳ್ಳಲು ತಮಗೆ ಶಿವರಾಜ್ಕುಮಾರ್ (Shivarajkumar) ಸ್ಫೂರ್ತಿ ಎಂದು ವಿಜಯ್ ರಾಘವೇಂದ್ರ ಹೇಳಿದ್ದಾರೆ. ‘ಟ್ರೇಲರ್ನಲ್ಲಿ ನಾವು ಹಿಂಟ್ ನೀಡಿದ್ದೇವೆ. ಇದು ಆ್ಯಕ್ಷನ್-ಸಸ್ಪೆನ್ಸ್-ಥ್ರಿಲ್ಲರ್ ಸಿನಿಮಾ. ಜೋಗ ಜಲಪಾತದಲ್ಲಿ ನಾನು ನಿಂತಿದ್ದ ಜಾಗದ ಬಗ್ಗೆ ಒಂದು ಅನುಭವ ಇದೆ. ಅಲ್ಲಿ ನಿಂತುಕೊಂಡರೆ ಎಂಥವರನ್ನೂ ನಡುಗಿಸುತ್ತದೆ. ನನ್ನ ಎದೆಬಡಿತವನ್ನು ನಾನೇ ಕಂಟ್ರೋಲ್ಗೆ ತೆಗೆದುಕೊಳ್ಳಬೇಕಾಯ್ತು. ಅದಕ್ಕೆ ಶಿವಣ್ಣ ನನಗೆ ಸ್ಫೂರ್ತಿ’ ಎಂದಿದ್ದಾರೆ ವಿಜಯ್ ರಾಘವೇಂದ್ರ (Vijay Raghavendra). ಈ ಸಿನಿಮಾಗೆ ವಿಜಯ್ ಕನ್ನಡಿಗ ಅವರು ನಿರ್ದೇಶನ ಮಾಡಿದ್ದಾರೆ. ನಿರ್ಮಾಪಕ ರಾಘು ಅವರು ಕ್ರಿಯೇಟಿವ್ ಡೈರೆಕ್ಟರ್ ಆಗಿಯೂ ಕೆಲಸ ಮಾಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
