‘ದರ್ಶನ್​ ರೀತಿ ಅವರ ಫ್ಯಾನ್ಸ್​ ಸಹ ಕೆಟ್ಟದಾಗಿ ಮಾತಾಡ್ತಾರೆ’: ಮಹಿಳೆಯರ ಆಕ್ರೋಶ

‘ಚಾಲೆಂಜಿಂಗ್​ ಸ್ಟಾರ್​’ ದರ್ಶನ್​ (Darshan) ಅವರ ವಿರುದ್ಧ ಅನೇಕ ದೂರುಗಳು ದಾಖಲಾಗುತ್ತಿವೆ. ಈಗ ಮಹಿಳಾ ಸಂಘದವರು ಪುಟ್ಟೇನಹಳ್ಳಿ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ಈ ವೇಳೆ ಮಾಧ್ಯಮಗಳ ಜೊತೆ ಮಾತನಾಡಿದ ಮಹಿಳಾ ಒಕ್ಕೂಟದ ಸದಸ್ಯರು ದರ್ಶನ್​ ಅಭಿಮಾನಿಗಳ (Darshan Fans) ಮೇಲೂ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ‘ದರ್ಶನ್​ ಹೀಗೆ ಮಾತನಾಡಬಾರದು ಎಂದು ಸೋಶಿಯಲ್​ ಮೀಡಿಯಾದಲ್ಲಿ ನಾವು ಹಾಕಿದ್ವಿ. ಅದಕ್ಕೆ ದರ್ಶನ್​ ಅಭಿಮಾನಿಗಳು ಕೆಟ್ಟದಾಗಿ ಕಮೆಂಟ್​ ಮಾಡಿದ್ದಾರೆ. ಹೋಗೆ, ಬಾರೆ, ಮುಸುರೆ ತಿಕ್ಕಿಕೊಂಡಿರು ಅಂತೆಲ್ಲ ಹೇಳಿದ್ದಾರೆ. ದರ್ಶನ್​ ರೀತಿ ಅವರ ಫ್ಯಾನ್ಸ್​ ಕೂಡ ಕೆಟ್ಟದಾಗಿ ಮಾತನಾಡಿದ್ದರಿಂದ ನಮಗೆ ಬೇಸರ ಆಯ್ತು. ಮೀಡಿಯಾ ಮುಂದೆ ಹೇಳೋಕೆ ಆಗದಂತಹ ಕೆಟ್ಟ ರೀತಿಯಲ್ಲಿ ದರ್ಶನ್​ ಫ್ಯಾನ್ಸ್​ ಉತ್ತರ ನೀಡಿದ್ದಾರೆ. ಅದಕ್ಕಾಗಿ ನಾವು ಮಹಿಳೆಯರ ಒಕ್ಕೂಟದ ಮೂಲಕ ದೂರು ನೀಡಿದ್ದೇನೆ. ದರ್ಶನ್​ ವಿರುದ್ಧ ದೂರು ನೀಡಿದರೆ ಎಲ್ಲ ಸರಿ ಆಗುತ್ತದೆ. ದರ್ಶನ್​ ಸರಿಯಾಗಿ ಮಾತನಾಡಿದರೆ ಅವರ ಅಭಿಮಾನಿಗಳು ಕೂಡ ತಿದ್ದಿಕೊಳ್ಳುತ್ತಾರೆ’ ಎಂದು ದೂರು ನೀಡಿದ ಮಹಿಳೆಯರು ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.