Taliban vs ISIS-K: ತಾಲಿಬಾನ್​​ನಿಂದ ಹೊರ ಬಂದವರೇ ಐಸಿಸ್​-ಕೆ ಸ್ಥಾಪಕ ಸದಸ್ಯರು; ಉಗ್ರರಿಗೆ ಉಗ್ರರೇ ಶತ್ರು

ತಾಲಿಬಾನ್​ ಉಗ್ರರ ಹಿಡಿತಕ್ಕೆ ಸಿಲುಕಿರುವ ಅಫ್ಘಾನಿಸ್ತಾನದಲ್ಲೀಗ ಮತ್ತೊಂದು ಉಗ್ರವಾದಿ ಗುಂಪು ಸಕ್ರಿಯವಾಗಿದ್ದು, ಕಾಬೂಲ್​ನಲ್ಲಿ ನಡೆದ ಸರಣಿ ಸ್ಫೋಟದ ಹಿಂದೆ ತನ್ನದೇ ಕೈವಾಡ ಇದೆ ಎಂದು ಐಸಿಸ್​-ಕೆ ಹೊಣೆ ಹೊತ್ತುಕೊಂಡಿದೆ. ಐಸಿಸ್​-ಕೆ ಹಾಗೂ ತಾಲಿಬಾನ್​ ಎರಡರ ನಡುವೆ ವೈರತ್ವವಿದ್ದು, ಅದೀಗ ಅಫ್ಘಾನಿಸ್ತಾನಕ್ಕೆ ಮತ್ತೊಂದು ಕಗ್ಗಂಟಾಗಿದೆ. ಅಸಲಿಗೆ ಐಸಿಸ್​-ಕೆ ತಾಲಿಬಾನ್​ ವಿರುದ್ಧ ಕಾರ್ಯಾಚರಣೆ ಆರಂಭಿಸಿದ್ದೇಕೆ? ಅವೆರೆಡೂ ಗುಂಪುಗಳ ನಡುವಿನ ವ್ಯತ್ಯಾಸವೇನು? ಎಂಬುದರ ಬಗ್ಗೆ ಇಲ್ಲಿ ಸಂಕ್ಷಿಪ್ತ ಮಾಹಿತಿಯನ್ನು ಕಟ್ಟಿಕೊಡಲಾಗಿದೆ.

ಐಸಿಸ್​-ಕೆ ಸಂಘಟನೆಯ ಪೂರ್ಣ ಹೆಸರು ಇಸ್ಲಾಮಿಕ್ ಸ್ಟೇಟ್ ಖೋರಾಸನ್. ಇದು 2014 ರಲ್ಲಿ ರಚನೆಯಾಗಿದ್ದು, ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನದಲ್ಲಿ ಐಸಿಸ್ ಅಂಗಸಂಸ್ಥೆಯಾಗಿ ಕಾರ್ಯಾಚರಣೆ ನಡೆಸುತ್ತಿದೆ. ಅಂದಹಾಗೆ ಖೋರಾಸನ್ ಎಂಬುದು ಒಂದು ಐತಿಹಾಸಿಕ ಪದವಾಗಿದ್ದು, ಈ ಗುಂಪನ್ನು ISIS-K ಅಥವಾ IS-K ಎಂದು ಕರೆಯುತ್ತಾರೆ. ತಾಲಿಬಾನ್ ತೊರೆದವರೇ ISIS-K ಸ್ಥಾಪಕ ಸದಸ್ಯರಾಗಿದ್ದು, ಅಫ್ಘಾನ್ ತಾಲಿಬಾನ್ ಮತ್ತು ಪಾಕಿಸ್ತಾನದ ತಾಲಿಬಾನ್​ನ ಅಸಮಾಧಾನಿತ ಉಗ್ರರಿಂದ ISIS- K ಸ್ಥಾಪನೆಯಾಗಿದೆ.

ಐಸಿಸ್​-ಕೆ ಸ್ಥಾಪನೆಗೂ ಮುನ್ನ ಐಸಿಸ್ ತನ್ನ ಪ್ರತಿನಿಧಿಗಳನ್ನು ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನಕ್ಕೆ  ಕಳುಹಿಸಿತ್ತು. ಅಲ್ಲಿ ತಾಲಿಬಾನ್ ಬಗ್ಗೆ ಅಸಮಾಧಾನ ಹೊಂದಿರುವವರನ್ನು ಗುರುತಿಸುವ ಕೆಲಸ ನಡೆದಿತ್ತು. ಮೂಲಭೂತವಾಗಿ ಕೆಲವು ಅಸಮಾಧಾನ ಹೊಂದಿದ ತಾಲಿಬಾನಿಗಳ ಗುರುತು ಮಾಡಲಾಗಿತ್ತು. ಪಾಕಿಸ್ತಾನಿ ತಾಲಿಬಾನ್ ಮತ್ತು ಅಫ್ಘಾನ್ ತಾಲಿಬಾನ್​ನ ಕೆಲ ಅಸಮಾಧಾನಿತರು ಐಸಿಸ್​​ ಪ್ರತಿನಿಧಿಗಳ ಸಂಪರ್ಕಕ್ಕೆ ಸಿಕ್ಕ ಬಳಿಕ ಅವರಿಂದಲೇ ಐಸಿಸ್-ಕೆ ಸ್ಥಾಪನೆ ಮಾಡಲಾಯಿತು. ISIS-K ಉಗ್ರರು ತಾಲಿಬಾನ್ ಜತೆಗೂ ಸಂಬಂಧ ಹೊಂದಿದ್ದರೂ ತಾಲಿಬಾನ್ ಮತ್ತು ಐಸಿಸ್- ಕೆ ಗುಂಪುಗಳ ನಡುವೆ ಸೈದ್ದಾಂತಿಕ ವೈರತ್ವ ಇದೆ. ಹೀಗಾಗಿ ಅವರೀಗ ತಾಲಿಬಾನ್ ಹಿಡಿತದಲ್ಲಿರುವ ಅಫ್ಘಾನಿಸ್ತಾನದಲ್ಲಿ ಬಾಂಬ್​ ಸ್ಫೋಟ ಸೇರಿದಂತೆ ಇನ್ನಿತರ ರೀತಿಯಲ್ಲಿ ಆತಂಕ ಸೃಷ್ಟಿಸಲು ನೋಡುತ್ತಿದ್ದಾರೆ.

(ISIS K and Taliban what is the difference why they are fighting each other here is the interesting points)

ಇದನ್ನೂ ಓದಿ: Kabul Airport Blast: ಅಫ್ಘಾನಿಸ್ತಾನದಲ್ಲಿ ಸರಣಿ ಸ್ಫೋಟ: ದುಷ್ಕೃತ್ಯದ ಹೊಣೆ ಹೊತ್ತ ಐಸಿಸ್​-ಕೆ ಸಂಘಟನೆ 

ಐಸಿಸ್​ ಉಗ್ರರ ದಾಳಿ ಬೆದರಿಕೆ ಇರುವುದನ್ನು ಸ್ಪಷ್ಟಪಡಿಸಿದ ಜೋ ಬೈಡನ್​; ಸಾವು-ನೋವಿಲ್ಲದೆ ಸ್ಥಳಾಂತರ ಸಾಧ್ಯವಿಲ್ಲ ಎಂದರೇನು ಅರ್ಥ?

Published On - 9:42 am, Fri, 27 August 21