Video:‘ಪಾಕಿಸ್ತಾನ ಸರ್ವನಾಶವಾಗಲಿ’- ಕಾಬೂಲ್ನಲ್ಲಿ ಅಫ್ಘಾನ್ ಮಹಿಳೆಯರ ಪ್ರತಿಭಟನೆ; ತಾಲಿಬಾನಿಗಳಿಂದ ಗುಂಡಿನ ದಾಳಿ, ಕುಚೋದ್ಯ

ಪಾಕ್ ವಿರೋಧಿ ಪ್ರತಿಭಟನಾಕಾರರು ಕಾಬೂಲ್ನ ಸೆರೆನಾ ಹೋಟೆಲ್ನತ್ತ, ಘೋಷಣೆ ಕೂಗುತ್ತ ಹೊರಟಿದ್ದಾರೆ. ಈ ಮಧ್ಯೆ ಅಧ್ಯಕ್ಷರ ಭವನದ ಎದುರು ಗುಂಪುಗೂಡಿದ್ದರು.

ಮಹಿಳೆಯರಿಂದ ಪ್ರತಿಭಟನೆ

TV9 Web | Updated By: Lakshmi Hegde
Updated on:Sep 07, 2021 | 4:22 PM

ಅಫ್ಘಾನಿಸ್ತಾನದಲ್ಲಿ ಮಹಿಳೆಯರು ಪಾಕಿಸ್ತಾನಿ ವಿರೋಧಿ ಪ್ರತಿಭಟನೆ (Anti-Pakistan Protest) ನಡೆಸುತ್ತಿದ್ದರೆ, ತಾಲಿಬಾನಿ (Taliban Terrorists)ಗಳು ಆ ಮಹಿಳೆಯರ ಮೇಲೆ ಗುಂಡಿನ ದಾಳಿ ಮಾಡುತ್ತಿದ್ದಾರೆ. ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್ (Kabul)ನಲ್ಲೀಗ ಪಾಕ್ ವಿರೋಧಿ ಪ್ರತಿಭಟನೆಗಳು ಶುರುವಾಗಿವೆ. ಅಪಾರ ಸಂಖ್ಯೆಯ ಮಹಿಳೆಯರು ಪಾಕಿಸ್ತಾನ, ಅದರ ಗುಪ್ತಚರ ಸಂಸ್ಥೆ ಐಎಸ್ಐ (ISI) ವಿರುದ್ಧ ಘೋಷಣೆಗಳನ್ನು ಕೂಗುತ್ತ ಪ್ರತಿಭಟನಾ ಮೆರವಣಿಗೆ ಸಾಗುತ್ತಿದ್ದಾರೆ. ಈ ಹೋರಾಟ ತೀವ್ರಗೊಳ್ಳುತ್ತಿದ್ದಂತೆ ಸಿಟ್ಟಿಗೆದ್ದ ತಾಲಿಬಾನಿಗಳು ಮಹಿಳೆಯರ ಮೇಲೆ ಗುಂಡು ಹಾರಿಸುತ್ತಿದ್ದಾರೆ.

ಸ್ಥಳೀಯ ಮಾಧ್ಯಮ ಅಸ್ವಾಕಾ ವಿಡಿಯೋವನ್ನು ಕೂಡ ಶೇರ್ ಮಾಡಿದೆ. ಈ ಪಾಕ್ ವಿರೋಧಿ ಪ್ರತಿಭಟನಾಕಾರರು ಕಾಬೂಲ್ನ ಸೆರೆನಾ ಹೋಟೆಲ್ನತ್ತ, ಘೋಷಣೆ ಕೂಗುತ್ತ ಹೊರಟಿದ್ದಾರೆ. ಈ ಮಧ್ಯೆ ಅಧ್ಯಕ್ಷರ ಭವನದ ಎದುರು ಗುಂಪುಗೂಡಿದ್ದರು. ಅದೇ ಹೊತ್ತಲ್ಲಿ ತಾಲಿಬಾನಿಗಳು ಅಲ್ಲಿ ಗುಂಡಿನ ದಾಳಿ ನಡೆಸಿದ್ದಾರೆ. ಮೊದಲು ಗಾಳಿಯಲ್ಲಿ ಗುಂಡು ಹಾರಿಸಿದ ಅವರು, ಬರುಬರುತ್ತ ಪ್ರತಿಭಟನಾಕಾರರಿಗೆ ಗುರಿಯಿಟ್ಟೇ ಹೊಡೆಯಲು ಶುರು ಮಾಡಿದರು ಎಂದು ವರದಿ ಮಾಡಿದೆ. ಇನ್ನು ಸೆರೆನಾ ಹೋಟೆಲ್ನಲ್ಲಿ ಪಾಕಿಸ್ತಾನ ಐಎಸ್ಐ ನಿರ್ದೇಶಕ ಕಳೆದ ಒಂದು ವಾರದಿಂದಲೂ ವಾಸವಾಗಿದ್ದಾರೆ. ಇದೇ ಕಾರಣಕ್ಕೆ ಪ್ರತಿಭಟನಾಕಾರರು ಆ ಕಡೆಗೆ ಹೊರಟಿದ್ದಾರೆ.

#Breaking (Asvaka Exclusive) Happening now near Presidential Palace. Taliban open fire on anti-Pakistan protesters who were marching towards ARG & Kabul Serena Hotel where the #Pak ISI director is living. pic.twitter.com/XvtMcM3OcI

— Aśvaka – آسواکا News Agency (@AsvakaNews) September 7, 2021

ಪ್ರತಿಭಟನೆಯಲ್ಲಿ ಪುರುಷರೂ ಇದ್ದಾರೆ.. ಈ ಪಾಕ್ ವಿರೋಧಿ ಪ್ರತಿಭಟನೆಯಲ್ಲಿ ನೂರಾರು ಜನ ತೊಡಗಿದ್ದಾರೆ. ಪುರುಷರೂ ಭಾಗವಹಿಸಿದ್ದಾರೆ. ಆದರೆ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರೇ ಇದ್ದಾರೆ. ಇವರು ಮೆರವಣಿಗೆಯ ದಾರಿಯುದ್ದಕ್ಕೂ ಪಾಕಿಸ್ತಾನಿ ವಿರೋಧಿ ಘೋಷಣೆ ಕೂಗುತ್ತಿದ್ದು ಅಂಥ ಪ್ಲೇಕಾರ್ಡ್ಗಳನ್ನೇ ಹಿಡಿದುಕೊಂಡಿದ್ದಾರೆ. ಮೊದಲು ಕಾಬೂಲ್ನ ರಸ್ತೆಯಲ್ಲಿ ಶುರುವಾದ ಪ್ರತಿಭಟನೆ ಬರುಬರುತ್ತ ಬಲ್ಖ್ ಪ್ರಾಂತ್ಯಕ್ಕೂ ಹಬ್ಬಿತು. ಪ್ರತಿಭಟನಾಕಾರರು ಅದೆಷ್ಟು ಕ್ರೋಧಗೊಂಡಿದ್ದಾರೆಂದರೆ..ತುಂಬ ಆವೇಶ ಭರಿತವಾಗಿ ‘ಪಾಕಿಸ್ತಾನ ನಾಶವಾಗಲಿ’ ‘ಐಎಸ್ಐ ನಾಶವಾಗಲಿ’ ಎಂದು ಘೋಷಣೆ ಕೂಗುತ್ತಿದ್ದಾರೆ. ಹಾಗೇ, ತಮಗೆ ಸ್ವಾತಂತ್ರ್ಯ ಬೇಕು ಎಂದೂ ಆಗ್ರಹಿಸುತ್ತಿದ್ದಾರೆ.

Anger mounting on the streets of Kabul, people chanting “freedom” and “death to Pakistan”. The demonstrators, many of them women, are in the centre of the Afghan capital #Afghanistan pic.twitter.com/Jg5RDzFsiA

— Yalda Hakim (@BBCYaldaHakim) September 7, 2021

ಪಂಜಶಿರ್ ಆಕ್ರಮಣ ಮಾಡಲು ಯಾರಿಗೂ ಹಕ್ಕಿಲ್ಲ ಶನಿವಾರ ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ಐ ಮುಖ್ಯಸ್ಥ ಫೈಜ್ ಹಮೀದ್ ಕಾಬೂಲ್ಗೆ ಭೇಟಿ ಕೊಟ್ಟಿದ್ದರು. ಇನ್ನು ತಾಲಿಬಾನಿಗಳಿಗೆ ಯಾವುದೇ ಬೆಂಬಲ ಕೊಡಲು ಸಿದ್ಧ ಎಂಬುದನ್ನು ಪಾಕಿಸ್ತಾನ ಹೇಳಿಕೊಳ್ಳುತ್ತಲೇ ಬಂದಿದೆ. ಈ ಮಧ್ಯೆ ಅಫ್ಘಾನ್ನಲ್ಲಿ ನೂತನ ಸರ್ಕಾರ ರಚನೆಯಾಗುವ ಹೊತ್ತಲ್ಲಿ ಪಾಕಿಸ್ತಾನ ಬಹುಮುಖ್ಯ ಪಾತ್ರ ವಹಿಸುತ್ತಿದೆ ಎಂದೂ ಹೇಳಲಾಗಿದೆ. ಅದಕ್ಕೂ ಮಿಗಿಲಾಗಿ, ಕಳೆದ 20ವರ್ಷಗಳಿಂದಲೂ ತಾಲಿಬಾನ್ಗೆ ಅಗತ್ಯವಿರುವ ನೆರವು, ಆಶ್ರಯಗಳನ್ನು ನೀಡಿದ್ದಾಗಿ ಪಾಕ್ ಒಪ್ಪಿಕೊಂಡಿದೆ. ಹಾಗೇ ತಾಲಿಬಾನ್ ಮುಖಂಡರೂ ಕೂಡ ಪಾಕಿಸ್ತಾನದ ಬಗ್ಗೆ ಒಲವು ಹೊಂದಿದ್ದಾರೆ. ನಮ್ಮಲ್ಲಿ ಅದೆಷ್ಟೋ ಜನರ ಪತ್ನಿ, ಮಕ್ಕಳು ಪಾಕ್ನಲ್ಲಿಯೇ ಇದ್ದಾರೆ ಎಂಬುದನ್ನು ವಕ್ತಾರ ಸುಹೇನ್ ಶಹೀಲ್ ಹಿಂದೆಯೇ ಹೇಳಿದ್ದಾರೆ.

ಆದರೆ ತಾಲಿಬಾನಿಗಳ ಆಡಳಿತ ಒಪ್ಪದ ಅಫ್ಘಾನ್ ನಾಗರಿಕರು, ಅದರಲ್ಲೂ ಮುಖ್ಯವಾಗಿ ಮಹಿಳೆಯರು ಪ್ರತಿಭಟನೆ ಶುರುಮಾಡಿದ್ದಾರೆ. ತಾಲಿಬಾನಿಗಳಿಗೆ ಬೆಂಬಲ ನೀಡುತ್ತಿರುವ ಪಾಕ್ ಸರ್ವನಾಶವಾಗಲಿ ಎಂದು ಹೇಳುತ್ತಿದ್ದಾರೆ. ಹಾಗೇ, ಪ್ರತಿಭಟನಾ ನಿರತ ಮಹಿಳೆಯೊಬ್ಬರು ಮಾಧ್ಯಮಗಳೊಟ್ಟಿಗೆ ಮಾತನಾಡಿ, ಪಂಜಶಿರ್ನ್ನು ಅತಿಕ್ರಮಣ ಮಾಡಿಕೊಳ್ಳಲು ಯಾರಿಗೂ ಹಕ್ಕಿಲ್ಲ. ಪಾಕಿಸ್ತಾನವಾಗಲೀ, ತಾಲಿಬಾನಿಗಳೇ ಆಗಲಿ ಅವರಿಗೆ ಯಾವುದೇ ಹಕ್ಕು, ಅಧಿಕಾರ ಇಲ್ಲ ಎಂದು ಹೇಳಿದ್ದಾರೆ.

#تازه بانوی معترض در کابل: «هیچ‌کس حق تجاوز بر پنجشیر را ندارد، نه پاکستان و نه هم طالبان. زنده باد مقاومت.»#آماج_نیوز pic.twitter.com/UnpttpsSHo

— Aamaj News (@AamajN) September 7, 2021

ಪ್ರತಿಭಟನೆ ವರದಿಗೆ ತೆರಳಿದ ಪತ್ರಕರ್ತರನ್ನು ಬಂಧಿಸಿದ ತಾಲಿಬಾನಿಗಳು ಪತ್ರಿಕಾ ಸ್ವಾತಂತ್ರ್ಯಕ್ಕೆ ಯಾವುದೇ ಭಂಗ ತರುವುದಿಲ್ಲ ಎಂದು ಹೇಳಿರುವ ತಾಲಿಬಾನ್ ಅದನ್ನು ಪದೇಪದೆ ಸುಳ್ಳು ಮಾಡುತ್ತಿದ್ದಾರೆ. ಇಂದು ಕಾಬೂಲ್ನಲ್ಲಿ ನಡೆಯುತ್ತಿರುವ ಪಾಕಿಸ್ತಾನ ವಿರೋಧಿ ಪ್ರತಿಭಟನೆಯ ವರದಿಗೆ ತೆರಳಿರುವ ಪತ್ರಕರ್ತರು, ನ್ಯೂಸ್ ಚಾನೆಲ್ ಸಿಬ್ಬಂದಿ, ಕ್ಯಾಮರಾಮೆನ್ಗಳನ್ನೆಲ್ಲ ತಾಲಿಬಾನಿಗಳು ಬಂಧಿಸಿದ್ದಾರೆ. ಅವರಿಗೆ ದೃಶ್ಯ ಚಿತ್ರೀಕರಣಕ್ಕೆ ಅವಕಾಶ ಮಾಡಿಕೊಡುತ್ತಿಲ್ಲ ಎಂದು ಹೇಳಲಾಗಿದೆ. ಈ ಮಧ್ಯೆ ಫೋಟೊಗ್ರಾಫರ್ ಆಂಡ್ರ್ಯೂ ಕ್ವಿಲ್ಟಿ ಎಂಬುವರು ಟ್ವೀಟ್ ಮಾಡಿದ್ದು, ತಾಲಿಬಾನಿಗಳಲ್ಲೂ ಕೆಲವು ಸುಶಿಕ್ಷಿತರಿದ್ದಾರೆ. ಅವರು ಸುಮಾರು 300-500 ಜನರಿಗೆ ಕಾಬೂಲ್ ರಸ್ತೆಯಲ್ಲಿ ಹಲವು ಕಿಮೀ ದೂರಗಳವರೆಗೆ ಪ್ರತಿಭಟನೆ ನಡೆಸಲು ಅನುಮತಿ ನೀಡಿದ್ದರು. ಆದರೆ ಜನ್ಬಾಕ್ ಚೌಕದ ಬಳಿ ಕಾವಲಿಗೆ ನಿಂತಿದ್ದ ಕೆಲವರು ಗಾಳಿಯಲ್ಲಿ ಮನಸಿಗೆ ಬಂದಂತೆ ಗುಂಡು ಹಾರಿಸಿದರು. ಪ್ರತಿಭಟನಾಕಾರರಿಗೆ ಥಳಿಸಿದರು. ಸುದ್ದಿ ಮಾಧ್ಯಮದವರ ವಾಹನ, ಕ್ಯಾಮರಾಗಳನ್ನೆಲ್ಲ ಧ್ವಂಸ ಮಾಡಿದರು ಎಂದು ಹೇಳಿದ್ದಾರೆ.

For several kilometres well-disciplined Taliban members allowed a protest of approx 300-500 to continue through the streets of Kabul. Talibs guarding Zanbak Square, however, fired in the air, beat protesters, vandalised a vehicle leading them and tore cameras from journalists. pic.twitter.com/e9kPPTquUL

— Andrew Quilty (@andrewquilty) September 7, 2021

Today, curse of the Taliban and Pakistan are heard from all over Kabul. In dozens points in Kabul, separate groups, mostly young men and women, have begun protesting. They are chanting “Death to Taliban” “Death to Pakistan”

?This one is from Dahan e Bagh area, Kabul. pic.twitter.com/N3v93wBsm9

— Natiq Malikzada (@natiqmalikzada) September 7, 2021