ಅಮೆರಿಕದ ವ್ಯಕ್ತಿಯೊಬ್ಬರಿಗೆ ಕುಟುಂಬ ಸದಸ್ಯರ ಜನ್ಮದಿನಾಂಕದಿಂದ ಒಲಿದು ಬಂದ ಅದೃಷ್ಟ

ಏಳು ವರ್ಷಗಳಿಂದ ಒಂದೇ ರೀತಿಯ ಸಂಖ್ಯೆಯನ್ನು ಬಳಸಿಕೊಂಡು ಲಾಟರಿ (Lottery) ಖರೀದಿ ಮಾಡಿದ ಅಮೆರಿಕದ ವ್ಯಕ್ತಿಯೊಬ್ಬರು  ಭಾರೀ ಮೊತ್ತದ ಬಹುಮಾನವನ್ನು ಪಡೆದುಕೊಂಡಿದ್ದಾರೆ. ಬಹುಮಾನ ಪಡೆದ ವ್ಯಕ್ತಿಯನ್ನು ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಎಂದು ಗುರುತಿಸಲಾಗಿದ್ದು, ಅವರು ಎರಡು ಕಡೆ ಬೇರೆ ಬೇರೆ ಲಾಟರಿಯನ್ನು ಆಯ್ಕೆ ಮಾಡಿದ್ದು, ಇದೀಗ ಎರಡು ಕಡೆಯಲ್ಲೂ ಅವರಿಗೆ ಬಹುಮಾನ ಬಂದಿದೆ. ಶುಕ್ರವಾರ ನಡೆದ ‘ಲಕ್ಕಿ ಫಾರ್ ಲೈಫ್’ ಡ್ರಾದಲ್ಲಿ, ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ತಮ್ಮ ಕುಟುಂಬದ ಸದಸ್ಯರ ಜನ್ಮದಿನಾಂಕದ ಸಂಖ್ಯೆಯನ್ನು ಬಳಸಿಕೊಂಡು, ಲಾಟರಿಯನ್ನು ಆಯ್ಕೆ ಮಾಡಿದ್ದಾರೆ. ಇದೀಗ ವರ್ಷಕ್ಕೆ 25,000 ಡಾಲರ್ (₹ 2078243.75) ಎಂಬಂತೆ​​ ಬಹುಮಾನ ಬಂದಿದೆ.

ಈ ಬಗ್ಗೆ ಮಾತನಾಡಿದ ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಅವರು, ನಾನು ಪ್ರತಿದಿನ ಅದೇ ಸಂಖ್ಯೆಯ ಲಾಟರಿಯನ್ನು ಆಯ್ಕೆ ಮಾಡುತ್ತಿದ್ದೆ. ಯಾವುದೇ ಲಾಟರಿಯನ್ನು ಖರೀದಿ ಮಾಡಬೇಕಾದರೆ, ನನ್ನ ಕುಟುಂಬದ ಸದಸ್ಯರ ಜನ್ಮ ದಿನದ ಸಂಖ್ಯೆಗಳನ್ನು ಆಯ್ಕೆ ಮಾಡಿದ್ದೇನೆ. ಆದರೆ ಅದೆಷ್ಟೊ ಬಾರಿ ಇದರಿಂದ ಹಿನ್ನಡೆಯಾಗಿ, ನನ್ನ ನಂಬರ್​​ಗೆ ಲಾಟರಿ ಬರುತ್ತಿರಲಿಲ್ಲ. ಇದರಲ್ಲಿ ಏನೋ ಸಮಸ್ಯೆ ಇದೆ ಎಂದುಕೊಂಡಿದೆ ಎಂದು ನಗುತ್ತಾಳೆ ಹೇಳಿದ್ದಾರೆ.

ಉತ್ತರ ಕೆರೊಲಿನಾ ಶಿಕ್ಷಣ ಲಾಟರಿ ಪ್ರಕಾರ ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಅವರು 2 ಡಾಲರ್​ನ (₹166.31) ಮೊದಲ ಲಾಟರಿಯನ್ನು ವೆಸ್ಟ್ ಮೌಂಟೇನ್ ಸ್ಟ್ರೀಟ್‌ನಲ್ಲಿರುವ 1 ಸ್ಟಾಪ್‌ನಿಂದ ಖರೀದಿಸಿದ್ದಾರೆ. ಶುಕ್ರವಾರ ಡ್ರಾ ಮಾಡಲಾದ ಲಾಟರಿಯಲ್ಲಿ ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಪಡೆದ ಸಂಖ್ಯೆಯ ಲಾಟರಿಗೆ ಬಹುಮಾನ ಬಂದಿದೆ. ಇನ್ನೊಂದು ಲಾಟರಿ ಹೈ ಪಾಯಿಂಟ್‌ನಲ್ಲಿರುವ ಈಸ್ಟ್‌ಚೆಸ್ಟರ್ ಡ್ರೈವ್‌ನಲ್ಲಿರುವ ಚಾರ್ಲಿಯ ಔಟ್‌ಲೆಟ್‌ನಿಂದ ಡ್ರಾ ಮಾಡಲಾಗಿದೆ. ಅದಕ್ಕೂ ಕೂಡ ಬಹುಮಾನ ಬಂದಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಅಪ್ಪನ ಅಂಗಡಿಯಿಂದ ಮಗಳು ಖರೀದಿಸಿದ ಲಾಟರಿಗೆ ಒಲಿದು ಬಂತು ಮೊದಲ ಬಹುಮಾನ ₹75 ಲಕ್ಷ

ಇತ್ತೀಚೆಗೆಷ್ಟೇ ವೃತ್ತಿ ಜೀವನದಿಂದ ನಿವೃತ್ತಿ ಪಡೆದ ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಈ ಹಣವನ್ನು ಹೇಗೆ ಬಳಸಬೇಕು ಎಂದು ಯೋಜನೆ ರೂಪಿಸುತ್ತಿದ್ದಾರೆ. ಈ ಹಣವನ್ನು ನನ್ನ ಮನೆಗಾಗಿ ಉಪಯೋಗ ಮಾಡಿಕೊಳ್ಳುವೇ ಎಂದು ಹೇಳಿದ್ದಾರೆ. ಇವರು ಸೋಮವಾರದಂದು ಲಾಟರಿಯ ಬಹುಮಾನವನ್ನು ಪಡೆದುಕೊಂಡಿದ್ದಾರೆ. ಇದರಲ್ಲಿ ಎರಡು ಆಯ್ಕೆಯನ್ನು ನೀಡಲಾಗಿತ್ತು. ವರ್ಷಕ್ಕೆ 25,000 ಡಾಲರ್ ಅಥವಾ ಒಮ್ಮೆಗೆ 390,000 ಡಾಲರ್ (₹32436105.00)​​​ ಮೊತ್ತವನ್ನು ಪಡೆಯುವ ಆಯ್ಕೆಯನ್ನು ನೀಡಲಾಗಿತ್ತು. ಆದರೆ ವಿನ್‌ಸ್ಟನ್-ಸೇಲಂನ ಪಾಲ್ ಕೌಡಿಲ್ ಅವರು 390,000 ಡಾಲರ್​​ನ ಒಟ್ಟು ಮೊತ್ತವನ್ನು ಆಯ್ಕೆ ಮಾಡಿದ್ದಾರೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 1:15 pm, Wed, 16 August 23