ಒಂದು ಸೆಕೆಂಡಿನಲ್ಲಿ 150 ಸಿನಿಮಾ ರವಾನಿಸುವ ಸಾಮರ್ಥ್ಯ; ವಿಶ್ವದ ಅತೀ ವೇಗದ ಇಂಟರ್ನೆಟ್ ಪ್ರಾರಂಭಿಸಿದ ಚೀನಾ
3,000 ಕಿಲೋಮೀಟರ್‌ಗಳಷ್ಟು ವ್ಯಾಪಿಸಿರುವ ಈ ನೆಟ್ವರ್ಕ್ ಬೀಜಿಂಗ್, ವುಹಾನ್ ಮತ್ತು ಗುವಾಂಗ್‌ಝೌವನ್ನು ವ್ಯಾಪಕವಾದ ಆಪ್ಟಿಕಲ್ ಫೈಬರ್ ಕೇಬಲ್ ವ್ಯವಸ್ಥೆಯ ಮೂಲಕ ಸಂಪರ್ಕಿಸುತ್ತದೆ. ಪ್ರತಿ ಸೆಕೆಂಡಿಗೆ 1.2 ಟೆರಾಬಿಟ್‌ಗಳಲ್ಲಿ (1,200 ಗಿಗಾಬಿಟ್‌ಗಳು) ಡೇಟಾವನ್ನು ರವಾನಿಸುವ ಸಾಮರ್ಥ್ಯವನ್ನು ಹೊಂದಿದೆ. ಪ್ರ
Updated on: Nov 16, 2023 | 12:58 PM
ಬೀಜಿಂಗ್ ನವೆಂಬರ್ 16: ಚೀನಾದ (China) ಕಂಪನಿಗಳು ‘ವಿಶ್ವದ ಅತ್ಯಂತ ವೇಗದ ಇಂಟರ್ನೆಟ್’ (world’s fastest internet)ನೆಟ್ವರ್ಕ್ ಅನ್ನು ಅನಾವರಣಗೊಳಿಸಿದ್ದು ಇದು ಪ್ರತಿ ಸೆಕೆಂಡಿಗೆ 1.2 ಟೆರಾಬಿಟ್‌ಗಳಲ್ಲಿ ಡೇಟಾವನ್ನು ರವಾನಿಸಬಹುದು ಎಂದು ಹೇಳಿಕೊಂಡಿದೆ. ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ಈ ವೇಗವು ಪ್ರಸ್ತುತ ಪ್ರಮುಖ ಇಂಟರ್ನೆಟ್ ರೂಟ್ಗಳಿಗಿಂತ ಹತ್ತು ಪಟ್ಟು ಹೆಚ್ಚು ವೇಗವಾಗಿದೆ ಎಂದು ಹೇಳಲಾಗುತ್ತದೆ. ಈ ಯೋಜನೆಯು ಸಿಂಗುವಾ ವಿಶ್ವವಿದ್ಯಾಲಯ, ಚೀನಾ ಮೊಬೈಲ್, ಹುವಾವೇ ಟೆಕ್ನಾಲಜೀಸ್ ಮತ್ತು ಸೆರ್ನೆಟ್ ಕಾರ್ಪೊರೇಷನ್ ನಡುವಿನ ಸಹಯೋಗವಾಗಿದೆ.
3,000 ಕಿಲೋಮೀಟರ್‌ಗಳಷ್ಟು ವ್ಯಾಪಿಸಿರುವ ಈ ನೆಟ್ವರ್ಕ್ ಬೀಜಿಂಗ್, ವುಹಾನ್ ಮತ್ತು ಗುವಾಂಗ್‌ಝೌವನ್ನು ವ್ಯಾಪಕವಾದ ಆಪ್ಟಿಕಲ್ ಫೈಬರ್ ಕೇಬಲ್ ವ್ಯವಸ್ಥೆಯ ಮೂಲಕ ಸಂಪರ್ಕಿಸುತ್ತದೆ. ಪ್ರತಿ ಸೆಕೆಂಡಿಗೆ 1.2 ಟೆರಾಬಿಟ್‌ಗಳಲ್ಲಿ (1,200 ಗಿಗಾಬಿಟ್‌ಗಳು) ಡೇಟಾವನ್ನು ರವಾನಿಸುವ ಸಾಮರ್ಥ್ಯವನ್ನು ಹೊಂದಿದೆ. ಪ್ರಪಂಚದ ಹೆಚ್ಚಿನ ಇಂಟರ್ನೆಟ್ ಬ್ಯಾಕ್‌ಬೋನ್ ನೆಟ್‌ವರ್ಕ್‌ಗಳು ಪ್ರತಿ ಸೆಕೆಂಡಿಗೆ ಕೇವಲ 100 ಗಿಗಾಬಿಟ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತವೆ. ಯುನೈಟೆಡ್ ಸ್ಟೇಟ್ಸ್ ಇತ್ತೀಚೆಗೆ ತನ್ನ ಐದನೇ ತಲೆಮಾರಿನ ಇಂಟರ್ನೆಟ್2 ಗೆ 400 ಗಿಗಾಬಿಟ್‌ಗಳು ಪ್ರತಿ ಸೆಕೆಂಡಿಗೆ ಪರಿವರ್ತನೆಯನ್ನು ಪೂರ್ಣಗೊಳಿಸಿದೆ.
ಬೀಜಿಂಗ್-ವುಹಾನ್-ಗುವಾಂಗ್‌ಝೌ ಸಂಪರ್ಕವು ಚೀನಾದ ಭವಿಷ್ಯದ ಇಂಟರ್ನೆಟ್ ತಂತ್ರಜ್ಞಾನ ಮೂಲಸೌಕರ್ಯದ ಭಾಗವಾಗಿದೆ, ಇದು ದಶಕದ ಅವಧಿಯ ಉಪಕ್ರಮ ಮತ್ತು ರಾಷ್ಟ್ರೀಯ ಚೀನಾ ಶಿಕ್ಷಣ ಮತ್ತು ಸಂಶೋಧನಾ ಜಾಲದ (Cernet) ಇತ್ತೀಚಿನದ್ದಾಗಿದೆ. ಜುಲೈನಲ್ಲಿ ಸಕ್ರಿಯಗೊಳಿಸಲಾಗಿದ್ದ ಇದನ್ನು ಸೋಮವಾರ ಅಧಿಕೃತವಾಗಿ ಪ್ರಾರಂಭಿಸಲಾಯಿತು. ನೆಟ್ವರ್ಕ್ ಎಲ್ಲಾ ಕಾರ್ಯಾಚರಣೆಯ ಪರೀಕ್ಷೆಗಳಲ್ಲಿ ಯಶಸ್ವಿಯಾಗಿದ್ದು ವಿಶ್ವಾಸಾರ್ಹವಾಗಿ ಕಾರ್ಯನಿರ್ವಹಿಸಿತು ಎಂದು ಹೇಳಲಾಗಿದೆ.
ನೆಟ್ವರ್ಕ್ ನಿಜವಾಗಿಯೂ ಎಷ್ಟು ವೇಗವಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು, ಹುವಾವೇ ಟೆಕ್ನಾಲಜೀಸ್ ಉಪಾಧ್ಯಕ್ಷ ವಾಂಗ್ ಲೀ ಅವರು “ಕೇವಲ ಒಂದು ಸೆಕೆಂಡಿನಲ್ಲಿ 150 ಹೈ-ಡೆಫಿನಿಷನ್ ಫಿಲ್ಮ್‌ಗಳಿಗೆ ಸಮಾನವಾದ ಡೇಟಾವನ್ನು ವರ್ಗಾಯಿಸುವ ಸಾಮರ್ಥ್ಯವನ್ನು ಹೊಂದಿದೆ” ಎಂದು ವಿವರಿಸಿದರು.
ಏತನ್ಮಧ್ಯೆ, ಚೀನೀ ಅಕಾಡೆಮಿ ಆಫ್ ಇಂಜಿನಿಯರಿಂಗ್‌ನ ಎಫ್‌ಐಟಿಐ ಪ್ರಾಜೆಕ್ಟ್ ಲೀಡರ್ ವು ಜಿಯಾನ್‌ಪಿಂಗ್ ಅವರು ಸೂಪರ್‌ಫಾಸ್ಟ್ ಲೈನ್ “ಯಶಸ್ವಿ ಕಾರ್ಯಾಚರಣೆ ಮಾತ್ರವಲ್ಲ”, ಆದರೆ ಚೀನಾಕ್ಕೆ “ಇನ್ನೂ ವೇಗವಾದ ಇಂಟರ್ನೆಟ್ ಅನ್ನು ನಿರ್ಮಿಸಲು ಸುಧಾರಿತ ತಂತ್ರಜ್ಞಾನವನ್ನು ನೀಡುತ್ತದೆ” ಎಂದು ಹೇಳಿದರು.
ಇದನ್ನೂ ಓದಿ:ಭಾರತದ ವಿದ್ಯಾರ್ಥಿಗಳು ಈಗ 24 ಯುಎಸ್ ರಾಜ್ಯಗಳಲ್ಲಿ ಚೀನಾದ ವಿದ್ಯಾರ್ಥಿಗಳಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ- ವರದಿ
ಹೊಸ ಇಂಟರ್ನೆಟ್ ನ್ನು ಸೂಪರ್‌ಫಾಸ್ಟ್ ರೈಲು ಟ್ರ್ಯಾಕ್‌ಗೆ ಹೋಲಿಸಿದ ಸಿಂಘುವಾ ವಿಶ್ವವಿದ್ಯಾಲಯದ ಕ್ಸು ಮಿಂಗ್ವೀ, ಅದೇ ಪ್ರಮಾಣದ ಡೇಟಾವನ್ನು ಸಾಗಿಸಲು 10 ನಿಯಮಿತ ಟ್ರ್ಯಾಕ್‌ಗಳ ಅಗತ್ಯವನ್ನು ಬದಲಾಯಿಸುತ್ತದೆ, ಇದು ಹೆಚ್ಚು ವೆಚ್ಚ-ಪರಿಣಾಮಕಾರಿ ಮತ್ತು ನಿರ್ವಹಣಾ ವ್ಯವಸ್ಥೆಗೆ ಕಾರಣವಾಗುತ್ತದೆ ಎಂದು ವಿವರಿಸಿದರು.
ಸಿಸ್ಟಮ್‌ನ ಎಲ್ಲಾ ಸಾಫ್ಟ್‌ವೇರ್ ಮತ್ತು ಹಾರ್ಡ್‌ವೇರ್ ಅನ್ನು ದೇಶದಲ್ಲೇ ಉತ್ಪಾದಿಸಲಾಗಿದೆ.
ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
