Covid-19 4th Wave: ಚೀನಾದಲ್ಲಿ ಹೆಚ್ಚಿದ ಕೊವಿಡ್ ಅಬ್ಬರ; 26 ಮಿಲಿಯನ್ ಜನಸಂಖ್ಯೆಯಿರುವ ಶಾಂಘೈ ಲಾಕ್ಡೌನ್
ಶಾಂಘೈ ನಗರದಾದ್ಯಂತ ಸಾಮೂಹಿಕ ಕೊರೊನಾ ತಪಾಸಣೆ ನಡೆಯುತ್ತಿದೆ. ಇದರ ನಡುವೆ ಶಾಂಘೈನ ಪುಡಾಂಗ್ ಮತ್ತು ಹತ್ತಿರದ ಪ್ರದೇಶಗಳನ್ನು ಇಂದಿನಿಂದ ಶುಕ್ರವಾರದವರೆಗೆ ಲಾಕ್ ಡೌನ್ ಮಾಡಲಾಗುತ್ತದೆ ಎಂದು ಸ್ಥಳೀಯ ಸರ್ಕಾರ ತಿಳಿಸಿದೆ.
Updated on: Mar 28, 2022 | 2:41 PM
ನವದೆಹಲಿ: ಭಾರತದಲ್ಲಿ ಕೋವಿಡ್ ನಾಲ್ಕನೇ ಅಲೆ (Covid 4th Wave) ಭಾರತವನ್ನು ಅಪ್ಪಳಿಸಬಹುದೆಂಬ ಆತಂಕದ ನಡುವೆ ಚೀನಾದಲ್ಲಿ ಕೊವಿಡ್ ಕೇಸುಗಳ (Coronavirus Cases) ಸಂಖ್ಯೆ ಗಣನೀಯವಾಗಿ ಏರಿಕೆಯಾಗುತ್ತಿದೆ. ಚೀನಾದಲ್ಲಿ ದಾಖಲಾದ ಕೊರೊನಾವೈರಸ್ ಪ್ರಕರಣಗಳಿಂದಾಗಿ 26 ದಶಲಕ್ಷಕ್ಕೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಚೀನಾದ ಅತಿದೊಡ್ಡ ನಗರವಾದ ಶಾಂಘೈ ಅನ್ನು ಲಾಕ್ಡೌನ್ (Lockdown) ಮಾಡಲು ಚೀನಾ ನಿರ್ಧರಿಸಿದೆ. ಶಾಂಘೈನಲ್ಲಿ ಭಾನುವಾರ ದಾಖಲೆಯ 3,450 ಲಕ್ಷಣರಹಿತ ಕೋವಿಡ್ -19 ಸೋಂಕುಗಳು ವರದಿಯಾಗಿವೆ. ಇದು ರಾಷ್ಟ್ರವ್ಯಾಪಿ ಒಟ್ಟು ಕೊರೊನಾ ಕೇಸುಗಳ ಶೇ. 70ರಷ್ಟಿದೆ. ಜೊತೆಗೆ 50 ರೋಗಲಕ್ಷಣದ ಪ್ರಕರಣಗಳು ಕೂಡ ದಾಖಲಾಗಿವೆ.
ಶಾಂಘೈ ನಗರದಾದ್ಯಂತ ಸಾಮೂಹಿಕ ಕೊರೊನಾ ತಪಾಸಣೆ ನಡೆಯುತ್ತಿದೆ. ಇದರ ನಡುವೆ ಶಾಂಘೈನ ಪುಡಾಂಗ್ ಮತ್ತು ಹತ್ತಿರದ ಪ್ರದೇಶಗಳನ್ನು ಇಂದಿನಿಂದ (ಮಾರ್ಚ್ 28) ಶುಕ್ರವಾರದವರೆಗೆ ಲಾಕ್ ಡೌನ್ ಮಾಡಲಾಗುತ್ತದೆ ಎಂದು ಸ್ಥಳೀಯ ಸರ್ಕಾರ ತಿಳಿಸಿದೆ. ಲಾಕ್‌ಡೌನ್‌ನ ಎರಡನೇ ಹಂತದಲ್ಲಿ, ನಗರವನ್ನು ವಿಭಜಿಸುವ ಹುವಾಂಗ್‌ಪು ನದಿಯ ಪಶ್ಚಿಮಕ್ಕೆ ವಿಶಾಲವಾದ ಡೌನ್‌ಟೌನ್ ಪ್ರದೇಶವು ಶುಕ್ರವಾರ ತನ್ನದೇ ಆದ ಐದು ದಿನಗಳ ಲಾಕ್ಡೌನ್ ಅನ್ನು ಪ್ರಾರಂಭಿಸುತ್ತದೆ. ಶಾಂಘೈನ ಪಬ್ಲಿಕ್ ಸೆಕ್ಯುರಿಟಿ ಬ್ಯೂರೋ ಏಪ್ರಿಲ್ 1ರವರೆಗೆ ನಗರದ ಪೂರ್ವ ಜಿಲ್ಲೆಗಳಲ್ಲಿ ಕೇಂದ್ರೀಕೃತವಾಗಿರುವ ಸೇತುವೆಗಳು ಮತ್ತು ಸುರಂಗಗಳು ಮತ್ತು ಹೆದ್ದಾರಿ ಟೋಲ್‌ಬೂತ್‌ಗಳನ್ನು ಮುಚ್ಚುತ್ತಿದೆ ಎಂದು ಹೇಳಿದೆ. ಹುವಾಂಗ್‌ಪು ನದಿಯ ಪಶ್ಚಿಮಕ್ಕೆ ಏಪ್ರಿಲ್ 1-5 ರ ನಡುವೆ ಇದೇ ರೀತಿಯ ನಿರ್ಬಂಧಗಳನ್ನು ವಿಧಿಸಲಾಗುತ್ತದೆ.
ಲಾಕ್ ಡೌನ್ ಪ್ರದೇಶಗಳಲ್ಲಿ ರೈಡ್-ಹೇಲಿಂಗ್ ಸೇವೆಗಳು ಸೇರಿದಂತೆ ಸಾರ್ವಜನಿಕ ಸಾರಿಗೆಯನ್ನು ಸಹ ಸ್ಥಗಿತಗೊಳಿಸುವುದಾಗಿ ಅಲ್ಲಿನ ಸರ್ಕಾರ ತಿಳಿಸಿದೆ. ಸಾರ್ವಜನಿಕ ಸೇವೆಗಳನ್ನು ಒದಗಿಸುವ ಅಥವಾ ಆಹಾರವನ್ನು ಪೂರೈಸುವ ಸಂಸ್ಥೆಗಳನ್ನು ಹೊರತುಪಡಿಸಿ, ಸಂಸ್ಥೆಗಳು ಮತ್ತು ಕಾರ್ಖಾನೆಗಳಲ್ಲಿನ ಕೆಲಸವನ್ನು ಅಮಾನತುಗೊಳಿಸುವಂತೆ ಆದೇಶಿಸಿದೆ.
ಕೊರೊನಾಕೇಸುಗಳು ಮತ್ತೆ ಹೆಚ್ಚಾಗುತ್ತಿರುವುದರಿಂದ ಶಾಂಘೈ ನಿವಾಸಿಗಳು ಮನೆಯಲ್ಲೇ ಇರಬೇಕಾಗುತ್ತದೆ. ಅಗತ್ಯವೆಂದು ಪರಿಗಣಿಸದ ಕಚೇರಿಗಳು ಮತ್ತು ಎಲ್ಲಾ ವ್ಯವಹಾರಗಳನ್ನು ಮುಚ್ಚಲಾಗುತ್ತದೆ ಮತ್ತು ಸಾರ್ವಜನಿಕ ಸಾರಿಗೆಯನ್ನು ಸ್ಥಗಿತಗೊಳಿಸಲಾಗುತ್ತದೆ. ಶಾಂಘೈನಲ್ಲಿರುವ ಅನೇಕ ಪ್ರದೇಶಗಳನ್ನು ಈಗಾಗಲೇ ಲಾಕ್ಡೌನ್ ಮಾಡಲಾಗಿದೆ.
ಮಾರ್ಚ್‌ನಲ್ಲಿ ಚೀನಾದಲ್ಲಿ 56,000ಕ್ಕೂ ಹೆಚ್ಚು ಕೊರೊನಾವೈರಸ್ ಪ್ರಕರಣಗಳು ಪತ್ತೆಯಾಗಿದ್ದವು. ಈ ತಿಂಗಳು ಚೀನಾ ಇದುವರೆಗೆ 56,000ಕ್ಕೂ ಹೆಚ್ಚು ಕೊರೊನಾವೈರಸ್ ಸೋಂಕುಗಳನ್ನು ಹೊಂದಿದೆ. ಈಶಾನ್ಯ ಪ್ರಾಂತ್ಯದ ಜಿಲಿನ್‌ನಲ್ಲಿ ಏಕಾಏಕಿ ಕೊವಿಡ್ ಕೇಸುಗಳು ಹೆಚ್ಚುತ್ತಿದೆ.
ಇದನ್ನೂ ಓದಿ: Covid 4th Wave: ಚೀನಾ, ಯುರೋಪ್ನಲ್ಲಿ ಹೆಚ್ಚಿದ ಕೊರೊನಾವೈರಸ್ ಕೇಸ್; ಭಾರತದಲ್ಲಿ ಕೊವಿಡ್ 4ನೇ ಅಲೆಯ ಭೀತಿ
ಮಾರ್ಚ್ 31ರಿಂದ ದೇಶದಲ್ಲಿ ಕೊವಿಡ್ 19 ನಿರ್ಬಂಧ ನಿಯಮಗಳು ಇರುವುದಿಲ್ಲ, ಮಾಸ್ಕ್ ಮಾತ್ರ ಕಡ್ಡಾಯ: ಕೇಂದ್ರ ಸರ್ಕಾರ
