ಅಮೆರಿಕದಲ್ಲಿ ಒಮಿಕ್ರಾನ್ ಹೆಚ್ಚಳ; ನ್ಯೂಯಾರ್ಕ್ ಆಸ್ಪತ್ರೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ದಾಖಲಾಗುತ್ತಿದ್ದಾರೆ ಮಕ್ಕಳು

ನ್ಯೂಯಾರ್ಕ್: ಒಮಿಕ್ರಾನ್ (Omicron) ಪ್ರಕರಣಗಳು ಹೆಚ್ಚುತ್ತಿರುವಾಗ ನ್ಯೂಯಾರ್ಕ್ (NewYork) ಆರೋಗ್ಯ ಅಧಿಕಾರಿಗಳು ಆಸ್ಪತ್ರೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮಕ್ಕಳು ದಾಖವಾಗುತ್ತಿದ್ದಾರೆ ಎಂದು ಹೇಳಿದ್ದಾರೆ. ಯುನೈಟೆಡ್ ಸ್ಟೇಟ್ಸ್‌ನ ಕೊವಿಡ್ -19(Covid-19) ಪರೀಕ್ಷಾ ಕೊರತೆಯನ್ನು ತ್ವರಿತವಾಗಿ ಪರಿಹರಿಸಲು ಶ್ವೇತಭವನವು ಭಾನುವಾರ ಭರವಸೆ ನೀಡಿತು. ನ್ಯೂಯಾರ್ಕ್ ಸ್ಟೇಟ್ ಡಿಪಾರ್ಟ್ಮೆಂಟ್ ಆಫ್ ಹೆಲ್ತ್ ಶುಕ್ರವಾರ ಹೇಳಿಕೆಯಲ್ಲಿ ಕೊವಿಡ್ -19 ಗೆ ಸಂಬಂಧಿಸಿದ ಮಕ್ಕಳ ಆಸ್ಪತ್ರೆಗಳಲ್ಲಿ ಮೇಲ್ಮುಖ ಪ್ರವೃತ್ತಿಯ ಬಗ್ಗೆ ಎಚ್ಚರಿಸಿದೆ. ಡಿಸೆಂಬರ್ 5ರಿಂದ ಪ್ರಸ್ತುತ ವಾರದವರೆಗೆ ನ್ಯೂಯಾರ್ಕ್ ನಗರದಲ್ಲಿ 18 ವರ್ಷದ ಮಕ್ಕಳಿಗೆ ಕೊವಿಡ್-19 ಆಸ್ಪತ್ರೆಯ ದಾಖಲಾತಿಗಳಲ್ಲಿ ನಾಲ್ಕು ಪಟ್ಟು ಹೆಚ್ಚಳವನ್ನು ಗುರುತಿಸಿದೆ ಎಂದು ಅದು ಹೇಳಿದೆ.  ಸುಮಾರು ಅರ್ಧದಷ್ಟು ದಾಖಲಾತಿಗಳು ಐದಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದು, ಲಸಿಕೆಗೆ ಅನರ್ಹವಾಗಿರುವ ವಯಸ್ಸಿನ ಗುಂಪು ಎಂದು ಇಲಾಖೆ ಹೇಳಿದೆ.
ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ಅಂಕಿಅಂಶಗಳ ಪ್ರಕಾರ, ಅಮೆರಿಕದಲ್ಲಿ ಕೊವಿಡ್ -19 ಪ್ರಕರಣಗಳ ಸಂಖ್ಯೆಯು ಹೆಚ್ಚುತ್ತಿದೆ. ಕಳೆದ ಏಳು ದಿನಗಳಲ್ಲಿ ಪ್ರತಿದಿನ ಸುಮಾರು 190,000 ಹೊಸ ಸೋಂಕುಗಳು  ವರದಿ ಆಗಿವೆ.

ಅಮೆರಿಕದಲ್ಲಿ ಪರೀಕ್ಷೆಗಳನ್ನು ನಡೆಸುವಲ್ಲಿ ದಟ್ಟಣೆ ಅನುಭವವಾಗಿದ್ದು, ಪರೀಕ್ಷಾ ಕೇಂದ್ರಗಳನ್ನು ಪಡೆಯುವುದು ಕಷ್ಟವಾಗಿದೆ. ಅಮೆರಿಕದಲ್ಲಿ ರಜಾದಿನಗಳ ವೇಳೆಯೇ ಈ ರೂಪಾಂತರದ ಉಲ್ಬಣವುಂಟಾಗಿದೆ.
ಅಮೆರಿಕದ ಉನ್ನತ ಸಾಂಕ್ರಾಮಿಕ ಸಲಹೆಗಾರ ಆಂಥೋನಿ ಫೌಸಿ ಭಾನುವಾರ ಕೊವಿಡ್ “ಪರೀಕ್ಷಾ ಸಮಸ್ಯೆ” ಯನ್ನು ಒಪ್ಪಿಕೊಂಡರು. ಮುಂದಿನ ತಿಂಗಳು ಅಮೆರಿಕನ್ನರಿಗೆ ಹೆಚ್ಚಿನ ಪರೀಕ್ಷೆಗಳನ್ನು ಲಭ್ಯ ಮಾಡಿಸಲಾಗುವುದು ಎಂದು ಅವರು ಹೇಳಿದರು.

“ಒಂದು ಸಮಸ್ಯೆಯೆಂದರೆ ನಾವು ಜನವರಿಗೆ ಬರುವವರೆಗೆ ಅದು ಎಲ್ಲರಿಗೂ ಸಂಪೂರ್ಣವಾಗಿ ಲಭ್ಯವಿರುವುದಿಲ್ಲ ಮತ್ತು ಜನರು ಪರೀಕ್ಷೆಗೆ ಒಳಗಾಗುವಲ್ಲಿ ಇನ್ನೂ ಕೆಲವು ಸಮಸ್ಯೆಗಳಿವೆ ಎಂದು ಫೌಸಿ ಎಬಿಸಿ ನ್ಯೂಸ್‌ಗೆ ತಿಳಿಸಿದರು. “ಆದರೆ ನಾವು ಪರೀಕ್ಷಾ ಸಮಸ್ಯೆಯನ್ನು ಪರಿಹರಿಸುತ್ತಿದ್ದೇವೆ”. ಅದನ್ನು “ಶೀಘ್ರದಲ್ಲೇ” ಸರಿಪಡಿಸಬೇಕು ಎಂದು ಹೇಳಿದರು.

ಮಂಗಳವಾರ ಅಧ್ಯಕ್ಷ ಜೋ ಬಿಡೆನ್ ಹೊಸ ಕ್ರಮಗಳನ್ನು ಘೋಷಿಸಿದರು. ಯುನೈಟೆಡ್ ಸ್ಟೇಟ್ಸ್ ತನ್ನ ಇತ್ತೀಚಿನ ಕೊವಿಡ್ ಉಲ್ಬಣವನ್ನು ಎದುರಿಸುತ್ತಿದೆ. ಕ್ರಿಸ್‌ಮಸ್‌ ಸಮಯದಲ್ಲಿ ಪರೀಕ್ಷೆಗಳು ಹೆಚ್ಚಾಗಿರುವುದರಿಂದ ಮನೆಯಲ್ಲಿಯೇ ಉಚಿತ ಪರೀಕ್ಷೆ ನಡೆಸಲು 50 ಕೋಟಿ ಪರೀಕ್ಷೆಗಳನ್ನು ನಡೆಸಲಾಗುವುದು. ಆದಾಗ್ಯೂ, ಶ್ವೇತಭವನವು ವಾರಗಳವರೆಗೆ ಮುಖ್ಯವಾಗಿ ವ್ಯಾಕ್ಸಿನೇಷನ್‌ಗಳ ಮೇಲೆ ಕೇಂದ್ರೀಕರಿಸಿದೆ. ಜನವರಿಯವರೆಗೆ ಅನೇಕ ಪರೀಕ್ಷೆಗಳು ಲಭ್ಯವಿರುವುದಿಲ್ಲ ಎಂಬ ಅಂಶದ ಮೇಲೆ ಬಲವಾದ ಟೀಕೆಗಳನ್ನು ಎದುರಿಸಿದೆ.

ರೂಪಾಂತರಿಯನ್ನು ಅನ್ನು ನಿಭಾಯಿಸಲು ಆಡಳಿತವು ಹೆಚ್ಚು ಶ್ರಮವಹಿಸುತ್ತಿದೆ ಎಂದು ಹೇಳಿದ ಫೌಸಿ ಒಮಿಕ್ರಾನ್ “ಅಸಾಧಾರಣವಾದ ಸಾಂಕ್ರಾಮಿಕ” ಎಂದು ಒತ್ತಿ ಹೇಳಿದರು. ಆಸ್ಪತ್ರೆಗಳು ಮತ್ತು ಕೊವಿಡ್ ಪರೀಕ್ಷಾ ಸೈಟ್‌ಗಳ ಹೊರತಾಗಿ, ಕೊವಿಡ್ ರೂಪಾಂತರವು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ನೂರಾರು ವಿಮಾನಗಳನ್ನು ರದ್ದುಗೊಳಿಸುವಂತೆ ಮಾಡಿತು. ಏಕೆಂದರೆ ಸಿಬ್ಬಂದಿಗಳು ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ ಅಥವಾ ವೈರಸ್‌ಗೆ ಒಡ್ಡಿಕೊಂಡ ನಂತರ ಸಂಪರ್ಕತಡೆಯನ್ನು ಹೊಂದಬೇಕಾಯಿತು.

ದಕ್ಷಿಣ ಆಫ್ರಿಕಾ ಮತ್ತು ಬ್ರಿಟನ್‌ನಲ್ಲಿನ ಇತ್ತೀಚಿನ ಅಧ್ಯಯನಗಳು ಒಮಿಕ್ರಾನ್ ವೈರಸ್‌ನ ಹಿಂದಿನ ತಳಿಗಳಿಗಿಂತ ಆಸ್ಪತ್ರೆಗೆ ಕಾರಣವಾಗುವ ಸಾಧ್ಯತೆ ಕಡಿಮೆ ಎಂದು ಸೂಚಿಸುತ್ತದೆ ಮತ್ತು ಆಸ್ಪತ್ರೆಯಲ್ಲಿ ಉಳಿಯುವ ಅವಧಿ ಮತ್ತು ರೋಗಿಗಳಿಗೆ ಆಮ್ಲಜನಕದ ಅಗತ್ಯತೆ ಕಡಿಮೆಯಾಗಿದೆ ಎಂದು ಫೌಸಿ ಹೇಳಿದರು.  ಆದರೆ ಒಮಿಕ್ರಾನ್‌ನ ಸ್ಪಷ್ಟವಾದ ಕಡಿಮೆ ತೀವ್ರತೆಯು ಎಷ್ಟು ವೇಗವಾಗಿ ಹರಡುತ್ತಿದೆ ಎಂಬುದರ ಮೂಲಕ ತಟಸ್ಥಗೊಳ್ಳುವ ಸಾಧ್ಯತೆಯಿದೆ ಎಂದು ಅವರು ಎಚ್ಚರಿಸಿದ್ದಾರೆ. “ನಾವು ಸಂತೃಪ್ತರಾಗಲು ಬಯಸದ ಸಮಸ್ಯೆಯೆಂದರೆ.ನೀವು ಅಂತಹ ಹೆಚ್ಚಿನ ಪ್ರಮಾಣದ ಹೊಸ ಸೋಂಕುಗಳನ್ನು ಹೊಂದಿರುವಾಗ, ಅದು ತೀವ್ರತೆಯ ನಿಜವಾದ ಇಳಿಕೆಯನ್ನು ಅತಿಕ್ರಮಿಸಬಹುದು” ಎಂದು ಫೌಸಿ ಹೇಳಿದರು.

ಇದನ್ನೂ ಓದಿ: ಕೊವಿಡ್​ 19 ಲಸಿಕೆ 2ನೇ ಡೋಸ್​, ಬೂಸ್ಟರ್​ ಡೋಸ್​ ನಡುವಿನ ಅಂತರ 9-12 ತಿಂಗಳುಗಳು; ಆರೋಗ್ಯ ತಜ್ಞರ ಹೇಳಿಕೆ