ಸಾರ್ವಜನಿಕವಾಗಿ ಕಾಣಿಸಿಕೊಂಡ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಪತ್ನಿ

ಸಿಯೋಲ್ :ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ (Kim Jong Un)ಅವರ ಪತ್ನಿ ಮತ್ತು ಚಿಕ್ಕಮ್ಮ ಬುಧವಾರ ಸರ್ಕಾರಿ ಸ್ವಾಮ್ಯದ ದೂರದರ್ಶನದಲ್ಲಿ ಅಪರೂಪವಾಗಿ ಕಾಣಿಸಿಕೊಂಡರು. ಆದಾಗ್ಯೂ,ಕೊರೊನಾವೈರಸ್ ಸಾಂಕ್ರಾಮಿಕದ ನಡುವೆ ಉನ್ ಕುಟುಂಬ ಸಾರ್ವಜನಿಕವಾಗಿ ಕಾಣಿಸಿದ್ದು ಕಡಿಮೆ. ಕಿಮ್ ಅವರ ಪತ್ನಿ ರಿ ಸೋಲ್ ಜು(Ri Sol Ju) ಮತ್ತು ಅವರ ಚಿಕ್ಕಮ್ಮ ಕಿಮ್ ಕ್ಯಾಂಗ್ ಹುಯಿ (Kim Kyong Hui) ಅವರು ರಾಜಧಾನಿ ಪಯೋಂಗ್ಯಾಂಗ್‌ನಲ್ಲಿರುವ ಮನ್ಸುಡೇ ಆರ್ಟ್ ಥಿಯೇಟರ್‌ನಲ್ಲಿ ಲೂನಾರ್ ನ್ಯೂಇಯರ್ ರಜಾದಿನವನ್ನು ಆಚರಿಸುವ ಕಲಾ ಪ್ರದರ್ಶನದಲ್ಲಿ ಪಾಲ್ಗೊಂಡರು ಎಂದು ಸರ್ಕಾರಿ ಸ್ವಾಮ್ಯದ ದೂರದರ್ಶನ ತೋರಿಸಿದೆ. ರಿ ಕೊನೆಯದಾಗಿ ಸೆಪ್ಟೆಂಬರ್ 9 ರಂದು ಸಾರ್ವಜನಿಕವಾಗಿ ಕಾಣಿಸಿಕೊಂಡರು. ಅವರು ದೇಶದ ಸ್ಥಾಪನೆಯ ವಾರ್ಷಿಕೋತ್ಸವದಂದು ಕಿಮ್ ಅವರ ದಿವಂಗತ ಅಜ್ಜ ಮತ್ತು ತಂದೆಯಸಮಾಧಿ ಹೊಂದಿರುವ ಕುಮ್ಸುಸನ್ ಪ್ಯಾಲೇಸ್ ಆಫ್ ದಿ ಸನ್‌ಗೆ ಭೇಟಿ ನೀಡಲು ತಮ್ಮ ಪತಿಯೊಂದಿಗೆ ಬಂದಿದ್ದರು .  “ಸ್ವಾಗತ ಸಂಗೀತದ ನಡುವೆ (ಕಿಮ್) ಅವರ ಪತ್ನಿ ರಿ ಸೋಲ್ ಜು ಅವರೊಂದಿಗೆ ಥಿಯೇಟರ್‌ನ ಸಭಾಂಗಣದಲ್ಲಿ ಕಾಣಿಸಿಕೊಂಡಾಗ, ಪ್ರೇಕ್ಷಕರು ‘ಹುರ್ರೇ!’ ಎಂದು ಹರ್ಷೋದ್ಗಾರಗಳನ್ನು ಮಾಡಿದರು ಎಂದು ಅಧಿಕೃತ ಕೆಸಿಎನ್‌ಎ ಸುದ್ದಿ ಸಂಸ್ಥೆ ತಿಳಿಸಿದೆ.

ಸಾಂಪ್ರದಾಯಿಕ ಕೆಂಪು ಮತ್ತು ಕಪ್ಪು ಬಣ್ಣದ ಹ್ಯಾನ್‌ಬಾಕ್ ಉಡುಗೆಯಲ್ಲಿ ರಿ, ಕಾರ್ಯಕ್ರಮದ ಸಮಯದಲ್ಲಿ ಕಿಮ್‌ನೊಂದಿಗೆ ಮಾತನಾಡುತ್ತಾ ನಗುತ್ತಿರುವುದನ್ನು ಟಿವಿ ದೃಶ್ಯದಲ್ಲಿ ತೋರಿಸಲಾಗಿದೆ. ದಂಪತಿ ಕೈಕುಲುಕಿ ಕಲಾವಿದರೊಂದಿಗೆ ಫೋಟೋ ತೆಗೆದುಕೊಳ್ಳುತ್ತಿರುವುದೂ ವಿಡಿಯೊದಲ್ಲಿದೆ. ಜನವರಿ 2020 ರಿಂದ ಕಿಮ್ ಅವರ ಚಿಕ್ಕಮ್ಮ ಮತ್ತು ಆಡಳಿತಾರೂಢ ವರ್ಕರ್ಸ್ ಪಾರ್ಟಿಯ ಮಾಜಿ ಹಿರಿಯ ಅಧಿಕಾರಿ ಕಿಮ್ ಕ್ಯೋಂಗ್ ಹುಯಿ ಅವರು ರಿ ಪಕ್ಕದಲ್ಲಿ ಸಂಗೀತ ಕಚೇರಿಯನ್ನು ವೀಕ್ಷಿಸುತ್ತಿರುವುದು ಕೂಡಾ ವಿಡಿಯೊದಲ್ಲಿದೆ.

ಕಿಮ್ ಕ್ಯೋಂಗ್ ಹುಯಿ ಯುವ ನಾಯಕನ ಅಧಿಕಾರದ ಮೊದಲ ವರ್ಷಗಳಲ್ಲಿ ಪ್ರಮುಖ ವ್ಯಕ್ತಿಯಾಗಿದ್ದರು, ಆದರೆ ಆರು ವರ್ಷಗಳ ನಂತರ ಅಚ್ಚರಿಯ ಪುನರಾಗಮನವನ್ನು ಮಾಡುವ ಮೊದಲು 2013 ರಲ್ಲಿ ದೇಶದ್ರೋಹದ ಆರೋಪದ ಮೇಲೆ ತನ್ನ ಪತಿ ಜಾಂಗ್ ಸಾಂಗ್ ಥೇಕ್‌ನನ್ನು ಗಲ್ಲಿಗೇರಿಸಲು ಆದೇಶಿಸಿದ ನಂತರ ಮಾಧ್ಯಮದಿಂದ ಕಣ್ಮರೆಯಾಗಿದ್ದರು. ದಕ್ಷಿಣ ಕೊರಿಯಾದ ರಾಷ್ಟ್ರೀಯ ಗುಪ್ತಚರ ಸೇವೆ (NIS) ಪ್ರಕಾರ ಕಿಮ್ ಕ್ಯಾಂಗ್ ಹುಯಿ 2017 ರಲ್ಲಿ ಅವರು ಅನಾರೋಗ್ಯಕ್ಕೊಳಗಾಗಿ ಪ್ಯೊನ್ಯಾಂಗ್ ಹೊರಗಡೆ ಇದ್ದಾರೆ ಎಂದು ಹೇಳಿತ್ತು.

ರಿ ಒಮ್ಮೆ ಅವರು ಸಾಮಾಜಿಕ, ವ್ಯಾಪಾರ ಮತ್ತು ಮಿಲಿಟರಿ ಪ್ರವಾಸಗಳಲ್ಲಿ ಕಿಮ್‌ನೊಂದಿಗೆ ಆಗಾಗ್ಗೆ ಕಾಣಿಸಿಕೊಂಡು ಅಂತರರಾಷ್ಟ್ರೀಯ ಗಮನವನ್ನು ಗಳಿಸಿದ್ದರು. ಅವರ ತಂದೆ ಕಿಮ್ ಜಾಂಗ್ Il ಅವರ ಯಾವುದೇ ಹೆಂಡತಿಯರೊಂದಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿದ್ದದ್ದು ವಿರಳ ಆಗಿತ್ತು. ಕಳೆದ ಫೆಬ್ರವರಿಯಲ್ಲಿ ಸಂಗೀತ ಕಚೇರಿಗೆ ಹಾಜರಾಗುವ ಮೊದಲು ಅವರು ಒಂದು ವರ್ಷಕ್ಕೂ ಹೆಚ್ಚು ಕಾಲ ರಿ ಎಲ್ಲೂ ಕಾಣಿಸಿಕೊಂಡಿರಲ್ಲಿ. ಇದು ಆಕೆಯ ಆರೋಗ್ಯ ಮತ್ತು ಆಕೆ ಗರ್ಭಿಣಿಯಾಗಿರಬಹುದು ಎಂಬ ಊಹಾಪೋಹಗಳಿಗೆ ಉತ್ತೇಜನ ನೀಡಿತು.

ಕೊವಿಡ್ -19 ಸೋಂಕನ್ನು ತಡೆಗಟ್ಟಲು ಅವರು ಹೊರಗಿನ ಚಟುವಟಿಕೆಗಳಿಂದ ದೂರವಿರುತ್ತಾರೆ. ಆದರೆ “ಅವರ ಮಕ್ಕಳೊಂದಿಗೆ ಚೆನ್ನಾಗಿ ಆಡುತ್ತಿದ್ದಾರೆ” ಎಂದು ಎನ್ಐಎಸ್ ವರದಿ ಮಾಡಿದೆ . ಕಿಮ್ ಮತ್ತು ರಿಗೆ ಮೂವರು ಮಕ್ಕಳಿದ್ದಾರೆ ಎಂದು ಪತ್ತೇದಾರಿ ಸಂಸ್ಥೆ ಹೇಳಿದ್ದು,  ಅವರ ಬಗ್ಗೆ ಸ್ವಲ್ಪವೇ ತಿಳಿದಿರುವುದು ಎಂದಿದೆ.

ಉತ್ತರ ಕೊರಿಯಾ ಯಾವುದೇ ಕೊವಿಡ್ -19 ಹರಡುವಿಕೆಯನ್ನು ದೃಢಪಡಿಸಿಲ್ಲ. ಆದರೆ ತನ್ನ ಗಡಿಗಳನ್ನು ಮುಚ್ಚಿದೆ ಮತ್ತು ಪ್ರಯಾಣ ನಿರ್ಬಂಧಗಳನ್ನು ಒಳಗೊಂಡಂತೆ ಕಟ್ಟುನಿಟ್ಟಾದ ನಿರ್ಬಂಧಗಳನ್ನು ತೆಗೆದುಕೊಂಡಿದೆ.

ಇದನ್ನೂ ಓದಿ: ಗಾಲ್ವಾನ್ ಸಂಘರ್ಷದಲ್ಲಿ ಗಾಯಗೊಂಡ ಯೋಧನ ಕೈಗೆ ಒಲಿಂಪಿಕ್ಸ್ ಜ್ಯೋತಿ; ಚೀನಾದ ನಡೆ ನಾಚಿಕೆಗೇಡು ಎಂದ ಅಮೆರಿಕ