Pokemon: ಸಿಂಗಾಪುರದಲ್ಲಿ ಜಿರಳೆಯ ಹೊಸ ಪ್ರಭೇದ ಪತ್ತೆ, ಅದಕ್ಕೆ ಪೋಕೆಮಾನ್ ಎಂದು ನಾಮಕರಣ

ಸಿಂಗಾಪುರದಲ್ಲಿ ಜಿರಳೆಯ ಹೊಸ ಪ್ರಭೇದ ಪತ್ತೆಯಾಗಿದ್ದು, ಅದಕ್ಕೆ ಪೋಕೆಮಾನ್ ಎಂದು ನಾಮಕರಣ ಮಾಡಲಾಗಿದೆ.
ಸಾಮಾನ್ಯವಾಗಿ ಜಿರಳೆಗಳೆಂದರೆ ಒಂದು ರೀತಿಯ ಅಂಜಿಕೆ,  ಜಿರಳೆಗಳು ಮನೆಯಲ್ಲಿ ವಾಸವಿದ್ದರೆ ಅನೇಕ ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಆದರೆ ಜಿರಳೆ ಪರಿಸರಕ್ಕೆ ತುಂಬಾ ಪ್ರಯೋಜನಕಾರಿ ಕೂಡ, ಜಿರಳೆ  ಭೂಮಿಯ ಮೇಲೆ ವೇಗವಾಗಿ ಸಂತಾನೋತ್ಪತ್ತಿ ಮಾಡುವ ಕೀಟಗಳಲ್ಲಿ ಒಂದಾಗಿದೆ.

ಇದೇ ವೇಳೆ ಸಿಂಗಾಪುರದಲ್ಲೂ ಹೊಸ ಜಾತಿಯ ಜಿರಳೆ ಪತ್ತೆಯಾಗಿದೆ. ಈ ಜಾತಿಯ ಹೆಸರು ಫೆರೋಮೋಸಾ. ಜಿರಳೆಯನ್ನು ಹೋಲುವ ಪೋಕೆಮಾನ್ ಎಂಬ ಕಾರ್ಟೂನ್ ಆಧಾರವಾಗಿಟ್ಟುಕೊಂಡು, ಪೋಕೆ ಮಾನ್ ಎಂಬ ಹೆಸರಿಡಲಾಗಿದೆ. ಈ ಪೋಕೆಮಾನ್​ ಪಾತ್ರವನ್ನು ವಿಡಿಯೋ ಗೇಮ್‌ನ ಏಳನೇ ಸರಣಿಯಲ್ಲಿ ಕಾಣಬಹುದು. ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂನ ಲೀ ಕಾಂಗ್ ಚಿಯಾನ್ ಪ್ರಕಾರ, ಈ ಜಿರಳೆ ನೋಕ್ಟಿಕೋಲಿಡೆ ಕುಟುಂಬಕ್ಕೆ ಸೇರಿದ್ದು, ಅದರಲ್ಲಿ 32 ಜಾತಿಗಳು ಇಲ್ಲಿಯವರೆಗೆ ತಿಳಿದಿವೆ. ಇದು ಅತ್ಯಂತ ಸೂಕ್ಷ್ಮವಾದ ಜಿರಳೆ ವರ್ಗದ ಅಡಿಯಲ್ಲಿ ಬರುತ್ತದೆ, ಇದು ಸಿಂಗಾಪುರದಲ್ಲಿ ಮೊದಲ ಬಾರಿಗೆ ಕಂಡುಬಂದಿದೆ.

ಮತ್ತಷ್ಟು ಓದಿ: ನಿಮ್ಮ ಮನೆಯಲ್ಲಿ ಜಿರಳೆ, ನೊಣಗಳ ಕಾಟ ಹೆಚ್ಚಾಗಿದೆಯಾ? ಈ ಟ್ರಿಕ್​ಗಳನ್ನು ಬಳಸಿ, ಜಿರಳೆಗಳನ್ನು ಓಡಿಸಿ

2016 ರಲ್ಲಿ, ಸಿಂಗಾಪುರದಲ್ಲಿ ಕೀಟಗಳ ವೈವಿಧ್ಯತೆಯ ಬಗ್ಗೆ ತಿಳಿಯಲು ಕೀಟ ಸಮೀಕ್ಷೆಯನ್ನು ನಡೆಸಲಾಯಿತು, ಇದರಲ್ಲಿ ಜಿರಳೆಗಳನ್ನು ನೈಸರ್ಗಿಕವಾಗಿ ಕಂಡುಹಿಡಿಯಲಾಯಿತು.

ಆದಾಗ್ಯೂ, ಅದರ ಹೊರಭಾಗವು ಹಿಂದೆ ಗುರುತಿಸಲ್ಪಟ್ಟ ಜಾತಿಗೆ ಹೊಂದಿಕೆಯಾಗುತ್ತದೆ. ಆದರೆ ಇದುವರೆಗೆ ಪತ್ತೆಯಾಗದ ಇಂತಹ ಜಿರಳೆ ಎಂದು ಅದರ ಆಂತರಿಕ ಭಾಗ ಬಹಿರಂಗಪಡಿಸಿದೆ.

ಲೀ ಕಾಂಗ್ ಚಿಯಾನ್ ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂನ ಫೂ ಮಾವೊಶೆಂಗ್ ಮತ್ತು ಯುಪಿಎಲ್ಬಿ ಮ್ಯೂಸಿಯಂ ಆಫ್ ನ್ಯಾಚುರಲ್ ಹಿಸ್ಟರಿನ ಕ್ರಿಸ್ಟಿಯನ್ ಲುಕಾನಾಸ್ ಇತ್ತೀಚೆಗೆ ತಮ್ಮ ಆವಿಷ್ಕಾರದ ಕುರಿತು ಲೇಖನವನ್ನು ಪ್ರಕಟಿಸಿದರು. ಮಾವೊಶೆಂಗ್ ಕೂಡ ಈ ಸುದ್ದಿಯನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ