ವಿಮಾನ ಹತ್ತುವ ಮುನ್ನ.. ನಿಮ್ಮ ಬಳಿ ಇರಲೇಬೇಕು ವ್ಯಾಕ್ಸಿನ್ ಪಾಸ್​ಪೋರ್ಟ್

ಪರಿಣಾಮಕಾರಿ ಕೊರೊನಾ ಲಸಿಕೆ ಜನಸಾಮಾನ್ಯರ ಕೈ ಸೇರಲು ಇನ್ನು ಬಹಳಷ್ಟು ಸಮಯ ಹಿಡಿಯಲಿದೆ.  ಆದರೆ, ಆಗಲೇ, ಆಸ್ಟ್ರೇಲಿಯಾದ ವಿಮಾನಯಾನ ದೈತ್ಯ ಕ್ವಾಂಟಾಸ್ (Qantas) ಹೊಸ ಪ್ಲಾನ್ ರೂಪಿಸಲು ಮುಂದಾಗಿದೆ. ಲಸಿಕೆ ಲಭ್ಯವಾದ ನಂತರ ಪ್ರಯಾಣಿಕರು ಕ್ವಾಂಟಾಸ್ ವಿಮಾನ ಹತ್ತುವ ಮುನ್ನ ಕಡ್ಡಾಯವಾಗಿ ಲಸಿಕೆ ಪಡೆದಿರಬೇಕು ಎಂಬ ನಿಯಮವನ್ನು ಜಾರಿಗೆ ತರಲು ಚಿಂತನೆ ನಡೆಸಿದೆ.

ಕ್ವಾಂಟಾಸ್​ CEO ಌಲನ್ ಜಾಯ್ಸ್ ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಈ ಮಾಹಿತಿ ನೀಡಿದ್ದಾರೆ. ಇತರ ವಿಮಾನಯಾನ ಕಂಪನಿಗಳ ಜೊತೆ ಚರ್ಚೆ ಸಹ ನಡೆಸುತ್ತಿದ್ದೇವೆ. ವ್ಯಾಕ್ಸಿನ್ ಪಾಸ್​ಪೋರ್ಟ್ ಇದ್ದರೆ ಮಾತ್ರ ವಿದೇಶ ಪ್ರಯಾಣಕ್ಕೆ ಅನುಮತಿ ನೀಡುವ ಸಾಧ್ಯತೆಗಳಿವೆ ಎಂದು ಜಾಯ್ಸ್​ ತಿಳಿಸಿದ್ದಾರೆ.

ಕೊರೊನಾದಿಂದ ವಿಮಾನಯಾನ ಕ್ಷೇತ್ರದಲ್ಲಿ ಹಲವು ಬದಲಾವಣೆಗಳಾಗಲಿವೆ. ಸೋಂಕು ಹರಡುವುದನ್ನು ತಡೆಗಟ್ಟಲು ಈ ಬದಲಾವಣೆಗಳು ಅನಿವಾರ್ಯ ಎಂದು ಸಹ ಅವರು ತಿಳಿಸಿದ್ದಾರೆ.

Published On - 4:56 pm, Tue, 24 November 20