ಅಳಿವಿನಂಚಿನಲ್ಲಿರುವ ತಳಿಯ ಘೇಂಡಾಮೃಗದ ಮರಿಗೆ ಕೀವ್​ ಎಂದು ನಾಮಕರಣ; ಉಕ್ರೇನ್​ ರಾಜಧಾನಿ ಹೆಸರಿಟ್ಟಿದ್ದೇಕೆ?

ಜೆಕ್​ ಗಣರಾಜ್ಯದ ಪ್ರಾಣಿಸಂಗ್ರಹಾಲಯದಲ್ಲಿರುವ ಕಪ್ಪು ಘೇಂಡಾಮೃಗ (Eastern Black Rhinoceros)ವೊಂದು ಜನ್ಮ ನೀಡಿರುವ ಮರಿಗೆ ಕೀವ್ (Kyiv)​ ಎಂದು ಹೆಸರಿಡಲಾಗಿದೆ. ಅಂದಹಾಗೆ, ಇದು ಈಸ್ಟರ್ನ್​ ಬ್ಲ್ಯಾಕ್ ಪ್ರಬೇಧಕ್ಕೆ ಸೇರಿದ​ ರೈನೋಸರ್ಸ್​ (ಘೇಂಡಾಮೃಗ) ಆಗಿದ್ದು ಅಳಿವನಂಚಿನಲ್ಲಿರುವ ತಳಿಯೆನಿಸಿದೆ. ಹಾಗಾಗಿ ಅದರ ಮರಿಯನ್ನು ತುಂಬ ಜೋಪಾನ ಮಾಡಲಾಗುತ್ತಿದೆ. ಈ ಮಧ್ಯೆ ಮರಿಗೆ ಉಕ್ರೇನ್​ ರಾಜಧಾನಿ ಕೀವ್​ ಹೆಸರಿಟ್ಟಿದ್ದು ಇನ್ನಷ್ಟು ವಿಶೇಷ ಎನ್ನಿಸಲು ಕಾರಣವಾಗಿದೆ. ಸದ್ಯ ರಷ್ಯಾ ಆಕ್ರಮಣಕ್ಕೆ ತುತ್ತಾಗಿರುವ ಉಕ್ರೇನ್​​ ಉಳಿಯುವುದೋ, ಅಳಿಯುವುದೋ ಎಂಬ ಪ್ರಶ್ನೆ ಸಹಜವಾಗಿಯೇ ಎದ್ದಿದೆ.  ಉಕ್ರೇನ್​ ಗೆಲ್ಲಲಿ ಎಂದು ಆಶಿಸಿ, ಉಕ್ರೇನಿಯನ್ನರಿಗೆ ಧೈರ್ಯ ತುಂಬುವ ಸಲುವಾಗಿ ಈ ಮರಿಗೆ ಕೀವ್​ ಎಂದು ಹೆಸರಿಟ್ಟಿದ್ದಾಗಿ ಸ್ಥಳೀಯ ಪ್ರಾಣಿಸಂಗ್ರಹಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.

ಅಂದಹಾಗೇ, ಜೆಕಿಯಾ (ಜೆಕ್​ ಗಣರಾಜ್ಯ)ದ ದ್ವೂರ್​ ಕ್ರಾಲೋವ್​ ಎಂಬ ಝೂನಲ್ಲಿ ಮಾರ್ಚ್​ 4ರಂದು ಈ ಮರಿ ಹುಟ್ಟಿದೆ. ಈ ತಳಿಯ ಘೇಂಡಾಮೃಗಗಳು ಬೆರಳಣಿಕೆಯಲ್ಲಿವೆ. ಹಾಗೇ ಇವುಗಳ ಸಂತಾನೋತ್ಪತ್ತಿ ಪ್ರಮಾಣವೂ ತೀವ್ರ ಕುಗ್ಗಿದೆ. ಹೀಗಿರುವಾಗ ಮರಿ ಜನಿಸಿದ್ದು ತುಂಬ ಸಂತೋಷ ತಂದಿದೆ ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಾಣಿ ಸಂಗ್ರಹಾಲಯ ಒಂದು ಪ್ರಕಟಣೆಯನ್ನು ಹೊರಡಿಸಿದ್ದು, ದ್ವೂರ್​ ಕ್ರಾಲೋವ್​ ಸಫಾರಿ ಪಾರ್ಕ್​​ನಲ್ಲಿ ಮತ್ತೊಂದು ಪ್ರಾಣಿ ಹೆಚ್ಚಾಗಿದ್ದು ಸಂತೋಷ ಕೊಟ್ಟಿದೆ. ಪ್ರಸಕ್ತ ಉದ್ಯಾನ ಈ ತಳಿಯ ಘೇಂಡಾಮೃಗಗಳ ಸಂತಾನೋತ್ಪತ್ತಿಗೆ ಪ್ರಸಿದ್ಧ ತಾಣ ಎಂದು ಹೇಳಿದೆ.

ಮಾರ್ಚ್​ 4ರಂದು ಜನಿಸಿದ ಕೀವ್​​ಗೆ ಈಗ ಕೇವಲ 12 ದಿನ. ಮಾಧ್ಯಮದವರಿಗೂ ಕ್ಯೂಟ್​ ಆಗಿ ಪೋಸ್​ ಕೊಟ್ಟಿದ್ದಾನೆ. ನಾವೆಲ್ಲರೂ ಈ ಮರಿಯ ಮೇಲೆ ತುಂಬ ಆಸಕ್ತಿ ತೋರಿಸುತ್ತಿದ್ದೇವೆ. ಅವನನ್ನು ಆರೋಗ್ಯವಂತವಾಗಿ, ಸರಿಯಾಗಿ ಬೆಳೆಸಬೇಕು. ಕಳೆದ ವರ್ಷದಿಂದ ಇಲ್ಲಿಯವರೆಗೆ ಜಾಗತಿಕವಾಗಿ ಈ ತಳಿಯ ಘೇಂಡಾಮೃಗಗಳ ನಾಲ್ಕೇ ಮರಿಗಳು ಹುಟ್ಟಿವೆ ಎಂದು ಹೇಳಿರುವ ಪ್ರಾಣಿ ಸಂಗ್ರಹಾಲಯ, ಮರಿಯನ್ನು ಸದೃಢವಾಗಿ ಬೆಳೆಸಲು ಎಲ್ಲ ರೀತಿಯ ಕ್ರಮಗಳನ್ನೂ ಕೈಗೊಂಡಿದೆ. ಜೆಕ್ ಪ್ರಾಣಿಶಾಸ್ತ್ರಜ್ಞ ಜೋಸೆಫ್ ವ್ಯಾಗ್ನರ್ ಪ್ರಕಾರ ಈಗ ಹುಟ್ಟಿರುವ ಮರಿಯನ್ನೂ ಸೇರಿಸಿ ಜೆಕ್​ ಗಣರಾಜ್ಯದಲ್ಲಿ ಈಸ್ಟರ್ನ್​ ಬ್ಲ್ಯಾಕ್ ಪ್ರಬೇಧಕ್ಕೆ ಸೇರಿದ​ ರೈನೋಸರ್ಸ್ ಸಂಖ್ಯೆ 14ಕ್ಕೆ ಏರಿಕೆಯಾಗಿದೆ. ಜಗತ್ತಿನಾದ್ಯಂತ ಕೇವಲ 800 ಪೂರ್ವ ಕಪ್ಪು ಘೇಂಡಾಮೃಗಗಳು ಇವೆ. ಆದರೆ ಇವುಗಳ ತಳಿ ವರ್ಧನೆ ತೀವ್ರ ಕುಗ್ಗಿದೆ.

12denní nosorožec Kyjev se dnes představil médiím. A byl o něj obrovský zájem!Aby ne, vždyť je jedním ze čtyř mláďat tohoto druhu, která se za poslední rok narodila na celém světě v lidské péči. Kyjev prospívá, aktuálně váží kolem půl metráku. Brzy se podívá do venkovního výběhu. pic.twitter.com/2zIpkqh4DY

— Safari Park Dvůr Králové (@zoodvurkralove) March 16, 2022

ಇದನ್ನೂ ಓದಿ: ಕಾಪು ಮಾರಿಪೂಜೆಯಲ್ಲಿ ಮುಸ್ಲಿಂ ವ್ಯಾಪಾರಿಗಳಿಗೆ ಅವಕಾಶವಿಲ್ಲ, ಇದು ಇಡೀ ಹಿಂದೂ ಸಮಾಜದ ಹೋರಾಟ -ಪ್ರಕಾಶ್ ಕುಕ್ಕೆಹಳ್ಳಿ

Published On - 3:24 pm, Sun, 20 March 22